სიკეთის კეთება ყოველთვის მნიშვნელოვანია. არავინ საუბრობს სამყაროს გადარჩენაზე ან რაიმე გმირობის ჩადენაზე. ზოგჯერ ირგვლივ მიმოხედვა საკმარისია, რომ დაინახოთ, ვისი ცხოვრება შეგიძლიათ შეცვალოთ თქვენი სიკეთით. Vivien გიზიარებთ ისტორიას, რომელიც შთაგაგონებთ. ვიმედოვნებთ, რომ ეს ისტორია თქვენს გულებსაც გაათბობს.
კეთილი საქმეები – „სამსახურის შემდეგ სუპერმარკეტში შევირბინე, რომ რძე და სხვა წვრილმანი სახლისთვის მეყიდა. ყველა აუცილებელი რამ სწრაფად შევაგროვე და სალაროსკენ გავეშურე. დიდი რიგი იდგა. ჩემს წინ მოხუცი ქალი იდგა. საკმაოდ მოწესრიგებულად ეცვა. ეტყობოდა, რომ ძველი და ნახმარი, მაგრამ ხარისხიანი და მოვლილი ტანსაცმელი ეცვა. ჭაღარა თმა კონად შეკრული ჰქონდა, ტუჩებზე მკრთალი ტუჩსაცხი მოუჩანდა. როგორც ჩანს, საკუთარ თავზე ზრუნვა და ლამაზად ცხოვრება შეეძლო, მაგრამ ახლა რთული პერიოდი ჰქონდა.მის წინ სალაროს ვიწრო ზოლში მოკრძალებული ნაყიდი რაღაცეები იდო: პური, რძე, შვრიის შეფუთვა და პატარა ფილა შოკოლადი. მოლარემ პროდუქტების გატარება დაიწყო და ჯამი გამოაცხადა. ქალმა ჯიბეში ხელი ჩაიყო და თეთრები ამოიღო. გადათვალა და აღმოაჩინა, რომ ყველაფრის შესაძენად საკმარისი თანხა არ ჰქონდა. თავი უხერხულად იგრძნო, ბოდიში მოიხადა და შოკოლადის ფილის გადადება ითხოვა.
რიგში მყოფმა ხალხი შეყოვნების გამო აღშფოთდა. ბებია დაუღალავად თავს ხრიდა და ბოდიშს იხდიდა. გრძნობები მომერია, ამის უბრალოდ ყურება არ შემეძლო. მოლარეს დავუძახე და ვუთხარი, რომ ბებიას თანხასაც მე გადავიხდიდი. საფულიდან მსხვილი კუპიურა ამოვიღე, მოლარეს მივაწოდე და ვუთხარი, რომ ჩეკი ბებიისთვის გადაეცა. გაოგნებული მოხუცი ქალი მადლობებს მიხდიდა.თავისი ნაყიდი ნივთები შეაგროვა, ჩეკი აიღო და სალაროს მოშორდა და მელოდებოდა. როცა ჩემი პროდუქტებიც გავატარე და წასასვლელად ვემზადებოდი, მომიახლოვდა. თვალებში ჩამხედა და კიდევ ერთხელ მადლობა გადამიხადა და ფულის დაბრუნება შემომთავაზა, ამბობდა, რომ ყველაფერს პენსიიდან გადაიხდიდა. გავუღიმე და ვუთხარი, რომ არაფრის დაბრუნება საჭირო არ იყო. „ბებია ეს თანხა აიღეთ და თქვენთვის იყიდეთ ის, რაც გსურთ. ასე საუკეთესო მადლობას გადამიხდით“.
გამიღიმა, მადლობა გადამიხადა და მაღაზიიდან გავიდა. თითქოს, მისი სიარულიც უფრო თავდაჯერებული გახდა. ბედნიერი ვიყავი. მსურდა, რომ ამ ქალს ეს თავდაჯერებულობა ეგრძნო და საკუთარი თავის განებივრება შეძლებოდა ისე, როგორც ადრე. ვინ იცოდა, რომ მაღაზიაში ერთი ჩვეულებრივი ვიზიტი დღეს ასეთ პოზიტიურს და სასიამოვნოს გახდიდა!”ეს ისტორია კიდევ ერთხელ ამტკიცებს, რომ კეთილი საქმეები ზებუნებრივ ძალებს არ მოითხოვს. საკმარისია, მიმოიხედოთ და მხარდაჭერის მსურველს გულგრილად არ ჩაუაროთ. ახლა ბევრ ადამიანს დახმარება სჭირდება, მაგრამ დახმარების თხოვნის რცხვენიათ. სხვების მიმართ ყურადღება გამოიჩინეთ და დაეხმარეთ. ასე თქვენი სიკეთე ცხოვრებას უკეთესს გახდის!
