დაგვეთანხმეთ, სუნი სიმყუდროვის და „საკუთარი“ სახლის შეგრძნების ერთ–ერთი მთავარი ატრიბუტია. უსიამოვნო სუნის მოსაშორებლად სახლი მოწესრიგებული უნდა გქონდეთ. ბინაში არომატების გასავრცელებლად ბევრი მეთოდი არსებობს. ახლა სახლის პარფიუმი დიდ პოპულარობას იძენს. აირჩიეთ სუნი, რომელიც მოგწონთ. პირადად, არომატული ოთახის მცენარეები მიყვარს. ეს მარტივი და ნატურალური მეთოდია, რომ სახლი სასიამოვნო, ნაკლებად მოსაბეზრებელი სუნით გაავსოთ. გარდა ამისა, ოთახის მცენარე ლამაზია. სწორად შერჩეული მცენარე ლამაზ ქოთანში სახლს ამშვენებს და განუმეორებელ ატმოსფეროს ქმნის.
არომატული მცენარეები სახლისთვის
ციტრუსი. სახლის გასაფორმებლად შესანიშნავი ვარიანტია. არა მხოლოდ ლამაზი და არომატული მცენარეა, არამედ ნაყოფსაც იძლევა. ყურადღება მიაქციეთ ლიმონს, რომლის ყვავილის არომატი ადამიანს სიმშვიდეს გვრის. თუ ოფისში დადებთ, შეამჩნევთ, რომ სტრესული სამუშაო სიტუაციები შემცირდება. გარდა ამისა, მცენარე გამოგადგებათ საძინებელსა და მისაღებ ოთახებშიც, სადაც ისვენებთ.მანდარინი დაძაბულობას ხსნის, ფორთოხალი და გრეიფრუტი პოზიტიური ენერგიით აგავსებთ. ტკბილ ლაიმას, ნარინჯის, ტკბილ ლიმონსა და ციტრონს არომატული ფოთლები აქვს. პომერანეცს კანფეტის სუნი აქვს.
ჟასმინი. თუ გსურთ სახლს დახვეწილი ნატურალური არომატი შემატოთ, ჟასმინს გირჩევთ. ყველა სახის ჟასმინი არ გამოგადგებათ. აირჩიეთ ზეთისხილისებრი: შიშველყვავილა ან ბუჩქოვანი. ორივე ბუჩქოვანი და ყინვაგამძლეა მცენარეა.თეთრი ჟასმინის სურნელი ეფექტურ ანტიდეპრესანტად ითვლება. თავიდან ვერ ვიჯერებდი, როგორ ეტეოდა ამდენი სურნელი ასეთ პატარა ყვავილში! ინდური ჟასმინი ყველაზე გავრცელებული ოთახის მცენარეა. შემოდგომასა და გაზაფხულზე ყვავილობს, უპირატესად ღამით. გირჩევთ, რომ საძინებელ ოთახში გაიტანოთ.მსხვილყვავილა ინდური ჟასმინი მედიცინაში ფართოდ გამოიყენება. მისგან ჟასმინის ზეთს აკეთებენ და კოსმეტიკასა და პარფიუმერიაში იყენებენ. სურნელოვანი ჟასმინის სახელი თავის თავზე საუბრობს. მცენარე პატარა ყვავილებით არა მხოლოდ სახლს საოცარი არომატით გაავსებს, არამედ დაამშვენებს.
ხევარდი. მცენარე საზოგადოებრივ ადგილებში ხშირად გვხდება. უდავოდ, დიზაინერებმა ხევარდის სილამაზის შესახებ იციან. მსხვილი თეთრი ყვავილები მუქი მწვანე ფოთლების ფონზე ნებისმიერ ინტერიერს ამშვენებს. ჟასმინისებრ ხევარდს ხშირად შეხვდებით. მისი ყვავილები შეიძლება მარტოხელა ან ერთად შეკრული იყოს.ტაიტური ხევარდი უბრალოდ გამოიყურება, მაგრამ მისი არომატი გაგაოცებთ. წელიწადში მხოლოდ ერთხელ ყვავილობს, მაგრამ წარმოუდგენლად! თუნბერგის ხევარდი უფრო მეტად ყვავილობს, მისი არომატი ღამით ძლიერდება. ხევარდა კორონარიაც გაგაოცებთ. მისი ყვავილები კრემისფერიდან ნარინჯისფრამდე ან ლიმონისფრამდე იცვლება.ასეთ არომატულ მცენარეებთან სიფრთხილე უნდა გამოიჩინოთ. სუნების შერევისას არ გადააჭარბოთ და უფრო კონცენტრირებული გააკეთეთ. გარდა ამისა, ხშირად გაანიავეთ შენობა, სადაც არომატული მცენარეები მდებარეობს.
