Vivien გიზიარებთ მკითხველის ისტორიას, რომელსაც ხერხემლის მალთაშუა თიაქარი, ოსტეოქონდროზი, შმორლის თიაქარი და რიგი სხვა უსიამოვნებები აწუხებდა. მან სხვადასხვა მეთოდები გამოცადა და ახლა გამოცდილებას გვიზიარებს.
“თითოეული ჩვენგანი ცხოვრების გზაზე ამა თუ იმ პრობლემის მოგვარების გამოცდილებას აგროვებს. ჩემი გამოცდილება წარმატებული აღმოჩნდა და მსურს გაგიზიაროთ. ჩვეულებრივი ადამიანი ვარ. დედა, ცოლი და ბუღალტერი. ჩვეული ცხოვრების რიტმი მაქვს. დიდი ხნის განმავლობაში პატარა სარეცხ მანქანას ვიყენებდი, 2-3 საათით აბაზანაში ვავლებდი, თეთრეულს ვკეცავდი და ვშლიდი, ახალგაზრდობაში სიმძიმეებს ვწევდი, მჯდომარე სამუშაო, კომპიუტერი – მოკლედ ყველაფერი ისე, როგორც სხვებს. ერთხელ ზურგი, კისერი დამეჭიმა – თითქმის ვერ ვგრძნობდი, მაგრამ მდგომარეობიდან მალე გამოვედი. შემდეგ კვლავ დაჭიმულობა, ფეხის ტკივილი, თან ისე, რომ ღამით არ იცი, სად წაიღოთ. ექიმთან მივედი, შემდეგ მანუალთან, ნაცნობთან, სპეციალურ კლინიკაში, ინტერნეტში, წიგნებში. რა არ ვცადე. მტკიცედ გადავწყვიტე, რომ ოპერაციას არ გავიკეთებდი. მებრძოლი ვარ და ჩემი წყობიდან დიდხანს ამოვარდნა არ შეიძლება. სწორედ ამიტომ, მჭირდებოდა ისეთი მეთოდი, რომელიც დამეხმარებოდა, ბიუჯეტური იქნებოდა და დიდ დროს არ წამართმევდა. 5 წლიანი გამოცდილების მანძილზე წარმატებებიც დამიგროვდა და „შელოცვებიც“. ყველაფრის საკუთარ თავზე გამოცდის შემდეგ მივხვდი, რომ ნამდვილად არსებობს გარკვეული მეთოდი, რომელზეც მინდა გიამბობთ. თუ თქვენც გამოგადგებათ, მოხარული ვიქნები.
ჩემი დიაგნოზები:
- 2005 წ. – კგ (კომპიუტერული ტომოგრაფია) – C4-C7 დონეზე ხერხემლის მალთაშუა ოსტეოქონდროზის სურათი. დეფორმირებული სპონდილეზი C4-C7. არავერტებრალური ართროზი – C4-C6.
- 2005 წ. – ოსტეოქონდროზი L1-დან S1-მდე დისკების პროტრუზიით. სპონდილოართროზი, სპონდილეზი. L1-S1 დისკის თიაქარი. შმორლის თიაქარი.
- 2007 წ. – ხერხემლის წელ–გავის ნაწილის ოსტეოქონდროზი, L1-S1 დისკის თიაქარი განმეორებითი რადიკულარული სინდრომით.
- 2009 წ. – ოსტეოქონდროზის ტიპის დეგენერაციულ–დისტროფიული ცვლილებები მალთაშუა დისკების პროტრუზიით.
- 2009 წ. – კტ – L1-S1 მალთაშუა ოსტეოქონდროზის სურათი მალთაშუა დისკის დეგენერაციულ–დისტროფიული ცვლილებებით. L1–L2 დისკის თიაქარი. L1-S1 დისკის დეფორმირებული სპონდილეზი. L4-S1 სპონდილოართროზი. L3-L4 დონეზე რადიკულარული არხების შევიწროება.
გასაგებია? ზოგისთვის – კი, ზოგისთვის – არა. აგიხსნით. L5-S1 დისკის თიაქარი – 6-8 მმ. ანუ შიგნით ჩაჭყლეტილია: ფეხები მტკივა, ყოველთვის დაჭიმულია, ცოტა არასწორი მოძრაობა და სიმძიმეს ვგრძნობ. 4 წლიანი მძიმე ბრძოლის შემდეგ თიაქარმა უკან დაიხია. ექიმები თავს აქნევდნენ, ჩემს სიხარულს საზღვარი არ ჰქონდა. მოდუნება არ შეიძლებოდა, რადგან ყველა დისკი პროტრუზიით არის, მუშაობა სჭირდება. ეს ახალი დიაგნოზით გავაცნობიერე – შმორლის თიაქარი L1-L2 დისკის თიაქარი გახდა. ხელების აწევა გამიჭირდა. მუშაობას ისევ ვაგრძელებ. როგორ? ამის შესახებ დაწვრილებით გიამბობთ.
წელკავი – ცოცხისთვის დავიხარე, კოლგოტი ჩავიცვი, თეთრეულით სავსე ტაშტი ავწიე და ჰოი, თვალებში დამიბნელდა, მწვავე ტკივილი ვიგრძენი და დივანზე ხოხვით მივედი. უმტკივნეულო კომფორტულ პოზას ვეძებ და სამი ნემს ვიკეთებ ერთდროულად: მოვალისი, დექსამეტაზონი, ლაზიქსი და პლასტირი „ოლფენი“ მტკივნეულ ადგილას. რა რისთვისაა არ აღვწერ – შეგიძლიათ წაიკითხოთ. პირველი დღის პრობლემა: ლაზიქსის გამო, რომელიც დაჭყლეტილი ნერვის შეშუპებას ხსნის, ტუალეტში ხშირად დარბიხართ, ეს რთულია. თუ ოჯახის წევრებთან კონტაქტი გაქვთ, სჯობს დივნის გვერდით ტაშტი დაიდგათ. მანუალებს ენდობით და მისკენ მიმავალ გზას აიტანთ? სცადეთ. ხშირად ვიყენებ, ოღონდ როცა ადამიანს ვიცნობ. საერთოდ, მანუალების მეშინია. მახსენდება ნევროპათოლოგის მიერ მოყოლილი ამბავი გოგონაზე, რომელიც ასეთი სეანსის შემდეგ დაიღუპა. ერთხელ გავრისკე, ევმინოვის ცენტრში ასეთი ექიმი ჰყავთ. პირველივე მიღებაზე სერიოზულად გამასწორა. მითხრა, რომ მშობიარობის დროს მენჯი დაიწია და ყველა პრობლემა ამით არის გამოწვეული. მართალია, იმწამსვე შვება ვიგრძენი, ფეხი აღარ მტკიოდა. ასეთი ხრიკების შემდეგ სამი კვირა ბროლივით დადიხართ. დროებით მიშველა. ამ სეანსებმა გამიტაცა და მსუბუქი კანკალის შემდეგ მორიგი პროფილაქტიკური სეანსის შემდეგ სერიოზულად ჩავწექი – ფეხებს ვერ ვგრძნობდი.
ამის შემდეგ გადავწყვიტე: „მენჯი“ ადგილზე, ახლა ჩემით. მოკლედ, დღეში ერთხელ (5 დღე) ნემსებს ვიკეთებ, მხოლოდ ლაზიქსს – 3 დღე. შემდეგ აბები – დენებოლი (ყველაზე ძლიერი დოზა – 1 გრ/დღეში). შეგიძლიათ დალიოთ ნიმესილი, მისულიდი, ნაიზი (გულისრევას იწვევს) – კიდევ 5 დღე. მე-2 დღეს ქმრის დახმარებით წინ გამართული ხელებით ჩაჯდომებას ვიწყებ – ხელისგულებით მიჭერს. ცოტას დავდივარ. როგორც წესი, მე-4-5 დღეს თავს უკეთ ვგრძნობ: ჭურჭლის გარეცხვაც და საჭმლის მომზადებაც შემიძლია. მე-6-7 დღეს სამსახურში გავდივარ – ნახევარ განაკვეთზე. კიდევ მედიკამენტური მკურნალობის შესახებ – წელიწადში ერთხელ მუკოსატი ყოველ მეორე დღეს, 25-30 ინექცია, დოზა 3,0 6-12 ნემსი. კუნთების დაჭიმულობის, მსუბუქი ტკივილის დროს კარგია ტიზალუდი ღამით. ექიმები ნიშნავენ დანამატებს, მაგალითად, ზინაქსინი – ომეგა 3 (1 თვე). შეგიძლიათ დაუმატოთ კოენზიმი – 5 ც, დისკუსი – კომპოზიტიუმი – 5 ც, ტრაუმელი – 5 ც (მორიგეობით) – ნემსები წლის მე-2 ნახევარში. ეს ყველაფერი ხერხემლის ქსოვილების აღსადგენად, მისი ვიტამინებით გასამდიდრებლად არის. ანალიზების შედეგებით გავაკეთე დასკვნა, თუ როგორ უნდა ვიარო, დავჯდე, დავიხარო, ჩავიცვა და ა.შ. ინტერნეტში ვნახე, ვცადე და მუშაობს.
ვარჯიშები – მე-9-10 დღეს ვარჯიშებს ვიწყებს. ეს მთავარია. მრავალი წლის განმავლობაში ყოველდღე ვასრულებ. დასვენების დღეებში შეიძლება გამოვტოვო, მაგრამ ზურგი მოითხოვს. ვარჯიშები განსხვავებულია – ყველგან შეგიძლია იპოვოთ. ცდების და შეცდომების მეთოდით ჩემთვის საუკეთესო ვარჯიშები ვიპოვე – 15-20 ზოგადი ვარჯიში. 1 დღე შეგიძლიათ გამოტოვოთ. კართან ახლოს 20 ჩაჯდომით ვიწყებ. იატაკზე მუხლებზე ვჯდები და კატასავით რამდენჯერმე ვხტები. ყველაზე მთავარია, პოლ ბრეგის ვარჯიშების ნაკრები ხერხემლისთვის, რომელიც აბსოლუტურად ეფექტურია. დამატებით, ხმელეთზე ცურვა! მუცელზე დაწექით, მარცხენა ხელი და მარჯვენა ფეხი ასწიეთ. წამით გაჩერდით, შემდეგ ხელი და ფეხი შეცვალეთ, თითქოსდა ცურავთ.ასე ზურგს გააძლიერებთ. დადებით შედეგს რამდენიმე კვირაში ან რეგულარული ვარჯიშის შემთხვევაში რამდენიმე დღეში დაინახავთ.
ხერხემლის ვარჯიშების დაწყებამდე უნდა დაიცვათ შემდეგი წესები:
- მოძრაობას მოკლებულ ხერხემალზე დიდი ზეწოლა არ მოახდინოთ.
- ვარჯიშები ფიზიკური შესაძლებლობის მიხედვით ზომიერად შეასრულეთ. მცირედით დაიწყეთ და თანდათან გაზარდეთ.
- ვარჯიშების მაქსიმალური ამპლიტუდით შესრულება არ სცადოთ. დაიწყეთ მცირე მოძრაობით და თანდათან ამპლიტუდა გაზარდეთ.
გახსოვდეთ, რომ ხერხემლის ვარჯიშებით და გაწელვებით კუნთებს და მყესებს აძლიერებთ, რომლებიც ხერხემლის დაჭიმულ მდგომარეობას შეინარჩუნებენ. ასეთი მუშაობა ენერგიის და სისხლის მოძრაობას ხელს უწყობს. ნივთიერებათა ცვლა იზრდება და შინაგანი ორგანოები ძლიერდება. მთლიანობაში, მთელ ორგანიზმზე დადებით გავლენას მოახდენს. ნებისმიერი საქმის წარმატება მოტივაციაზეა დამოკიდებული. რაც უფრო ძლიერია, ადამიანს მეტის მიღწევა შეუძლია. ვარჯიშების შესრულება მოტივაციით დაიწყეთ – დაარწმუნეთ საკუთარი თავი, რომ ვარჯიშები სასიცოცხლოდ გჭირდებათ.
ჩაჯდომები – ძალიან მნიშვნელოვანი საქმე. დღის განმავლობაში რაც უფრო მეტს ჩაჯდებით, მით უკეთესი.სასარებლოა: 20-40 წამით ჩაჯდომა. ამ პოზაში ზურგი გამართეთ. შემდეგ გამართული ზურგით გასწორდით. კართან ჩაჯდომისას კარის სახელურს დაეყრდენით – ერთი ფეხი ერთ მხარეს, მეორე – მეორე მხარეს. დილით 20–ს ვაკეთებ, სადილობისას – 20-ს და საღამოს კიდევ 20-ს, თუ არ მეზარება.
ვარჯიში მჯდომარე სამსახურის დროს – ნაკლებად მოძრავი და მჯდომარე ცხოვრების წესის პირობებში სისხლი ხერხემლის ყველა ნაწილში გუბდება. ამის გამო გაცვლის პროდუქტები ორგანიზმში გროვდება. კიდურები სივდება, ჭიანჭველის რბოლის შეგრძნება და სხვადასხვა ტკივილი ჩნდება. ხშირად ნეკნთაშუა ნევრალგია ვითარდება. რეკომენდებულია ვარჯიში, რომელიც დღის განმავლობაში უნდა შეასრულოთ: სკამზე დაჯექით, საზურგეს მიეყრდენით. ხელები თავის უკან, ჩაისუნთქეთ და 3-5-ჯერ თავი ძლიერ გადაწიეთ. ამოისუნთქეთ. გაიწელეთ, ხელები ზემოთ, ღრმად ჩაისუნთქეთ და ამოისუნთქეთ. ნელ–ნელა ადექით და მხრები დაუშვით. თავი მარჯვნივ და მარცხნივ ნელა ატრიალეთ. სხვადასხვა მხარეს დაიხარეთ, ხელით იატაკს შეეხეთ. მორიგეობით მოხრილი ფეხი ასწიეთ, ხელებით სკამის საჯდომს დაეყრდენით.
კუნთების და მხრების მოსადუნებლად თვითმასაჟიც დაგეხმარებათ:
- ღრმად ჩაისუნთქეთ, მაჯა საფეთქელს დაადეთ. ხელი მოაშორეთ და მოდუნდით. თავი მკერდისკენ დახარეთ. 2-3-ჯერ შეასრულეთ.
- ხელები გადააჯვარედინეთ, ზურგს უკან გადაწიეთ და კეფას დააწექით, თითქოსდა მის წინააღმდეგობას ცდით. ხელები დაუშვით, კისრის კუნთები მაქსიმალურად მოადუნეთ, 2-3-ჯერ შეასრულეთ.
- ძალით ბეჭის პირების შეერთება სცადეთ. 5-6 წამით ამ პოზაში გაჩერდით და კუნთები მოადუნეთ. 8-10-ჯერ გაიმეორეთ.
- იდაყვები წინ წამოწიეთ, საწყის პოზას დაუბრუნდით და კუნთები მოადუნეთ. 8-10-ჯერ გაიმეორეთ. ვარჯიში ყოველ 2-3 საათში გაიმეორეთ.
წყლის პროცედურები ტოლჩაკევის მეთოდით – ყოველ დილით 2 წუთით ცივი წყლით სავსე აბაზანაში ვწვები. ასე ყოველ 2-3 საათში ტკივილის დროს. ეს ეფექტური მეთოდია, მაგრამ ზურგზე ვსაუბრობთ. მოულოდნელად ვიგრძენი, რომ ჩაყვინთვა ჩემ ხერხემალს დიდად არ მოსწონს. ამბობენ, რომ ზურგს სიცივე არ უყვარს. ახლა უბრალოდ ცივ წყალს ვივლებ. ხერხემალზე არ ვივლებ, მხრებზე, ხელებზე, ფეხებზე, მუცელზე ნორმალურია.
რჩევები ქალებს
- მაქსიმუმ 4 სმ, ფართო და გამძლე ქუსლიანი ფეხსაცმელი ჩაიცვით. პატარა ტანგეტკაც შეიძლება. ქუსლიან ფეხსაცმელებს მხოლოდ წვეულებებზე ვიყენებ, თან გამოსაცვლელი ფეხსაცმელი ყოველთვის თან დამაქვს.
- 5 კგ–ზე მეტი სიმძიმის არაფერი ასწიოთ. თუ ჩანთებს ატარებთ, ორივე ხელში თანაბრად გადაანაწილეთ. ასევე მკერდთან, ცენტრში დაიჭირეთ.
- სიმძიმეების აწევისას მკვეთრ მოძრაობას ერიდეთ და არ მოიხაროთ. დაჯექით, ფეხები მუხლებში ოდნავ მოხარეთ, ზურგი გამართეთ და ნელა ადექით. ზურგი „დაიჭირეთ“, ეს გახსოვდეთ.
- სახლის დალაგებისას შვაბრა და მტვერსასრუტი გამოიყენეთ. თუ ბებიას მეთოდით სველი ჩვრით მუხლებზე ხოხვა გიყვართ, ზურგი იატაკის პარალელურად დაიჭირეთ. მუხლები რომ არ გაიხეხოთ, სპეციალური შარვალი ჩაიცვით.
- სარკე თვალის გასწვრივ, რომ მისკენ დახრა ან გაწელვა არ მოგიწიოთ.
- ფეხი ფეხზე არ გადაიდოთ, ასე სისხლის მიმოქცევა წყდება. გადაჩვევა რთულია, მაგრამ საჭიროა.
- დაიღალეთ? გაშლილი ხელებით დაჯექით ან კარის სახელურს დაეყრდენით – ერთი ფეხი ერთ მხარეს, მეორე მეორე მხარეს.
- ქალის ჩანთას მხარზე გადასაკიდი უნდა ჰქონდეს, მდგომარეობა ხშირად შეუცვალეთ.
- ნებისმიერი დახრა მაცივრისკენ, ქვაბისკენ, ფეხსაცმლის ასაღებად და ა.შ. მხოლოდ მოხრილი მუხლით! და ყოველთვის ზურგი გამართული. როგორც საბალეტო სკოლაში: ზურგი გამართული!”
