დაავადებები „ახალგაზრდავდება“ – ეს უკვე დამტკიცებული ფაქტია. დაავადებები, რომლებიც ადრე ხანდაზმულებში გვხდებოდა, ახლა მათ აწუხებთ, ვინც ახალგაზრდა და სიცოცხლით სავსეა. რას აკეთებს თანამედროვე ადამიანი არასწორად? Vivien გიზიარებთ სერგეი ბუბნოვსკის, მედიცინის მეცნიერებათა დოქტორის და პროფესორის, რჩევებს და ეფექტურ ვარჯიშებს ჯანმრთელობის აღსადგენად.პროფესორის თქმით, საკუთარ სხეულთან მეგობრობა უნდა ვისწავლოთ, ამისთვის ცხოვრებას მთლიანად უნდა გადახედოთ. ამას გვირჩევს ადამიანი, რომელიც ექიმების განაჩენის თანახმად, სერიოზული ავტოავარიის შემდეგ შეზღუდული უნდა გამხდარიყო. 22 წლის ახალგაზრდა ბიჭს ექიმები პირდაპირ ნაწილ–ნაწილ კრავდნენ, რომელსაც მთელი მხოლოდ ერთი ფეხი დარჩა.
ასეთ პროგნოზთან შეგუება სერგეის გეგმაში არ შედიოდა. მან ოფიციალური მედიცინის ყველა წინადადება საკუთარ თავზე გამოცდა, მაგრამ განსაკუთრებული შედეგი ვერ დაინახა. საკუთარი „სამაშველო რგოლის“ საპოვნელად სამედიცინო ინსტიტუტში ჩააბარა. ეს „გულის მოწოდება“ არ ყოფილა, არამედ აუცილებელი ზომა.მომავალმა ექიმმა ყველა გამაჯანსაღებელი მეთოდი მედიკამენტების მიღების გარეშე საკუთარ თავზე გამოცადა. ყველაფერი, რამაც დადებითი შედეგი მისცა, საავტორო მეთოდის საფუძველი გახდა – მკურნალობა მოძრაობით ან კინეზოთერაპია.ამ მეთოდით ბუბნოვსკიმ ფეხზე დადგომა შეძლო, ახლა ამის გაკეთებაში ეხმარება სხვებს, რომლებმაც ოფიციალური მედიცინის რწმენა დაკარგეს. მთელ მსოფლიოში 100–ზე მეტი ცენტრია შექმნილი, სადაც ნებისმიერი ასაკის მილიონობით ადამიანს ეხმარებიან.
ახლა ადამიანები ნაკლებს მოძრაობენ. ეს ბავშვებსაც და უფროსებსაც ეხებათ. ტექნიკური პროგრესის „მედლის“ მეორე მხარე გახდა ჰიპოდინამია – კომპიუტერებმა და გაჯეტებმა ფიზიკური აქტივობა ჩაანაცვლეს.ცნობილი ექიმის თქმით, ეს ზურგის და სახსრების ტკივილის მთავარი მიზეზია. ეს არა მხოლოდ ასაკობრივი პრობლემებს ეხება. ძვლების ტკივილი ჩნდება, თუ ის საკმარის კვებას ვერ იღებს. კვება მომუშავე კუნთებიდან ხდება. კუნთები სხეულს „კვებავენ“. დასკვნა ერთია: პრობლემის მოგვარება მოძრაობით შესაძლებელია. თქვენი მოკავშირე შრომა, მოთმინება და მორჩილება უნდა გახდეს.პროფესორი გირჩევთ პროფილაქტიკისთვის მინი ნაკრები შეასრულოთ, რომელსაც თავად ჯანმრთელობის ტრიადს უწოდებს. ის სხეულის სამ „სართულზე“ მუშაობს:
- ფეხი
- მუცელი და ზურგი
- მხრები და თავი
- ჩაჯდომა (1–ლი სართულისთვის). ეს სისხლის მიმოქცევის გასაუმჯობესებლად აუცილებელია: ფეხიდან გულისკენ და თავისკენ. გაუმჯობესული სისხლის მიმოქცევა ტვინის მუშაობასაც ეხმარება. სუნთქვას ყურადღება მიაქციეთ: ჩასუნთქვაზე ჩაჯექით, ამოსუნთქვაზე ადექით. ვარჯიშის პირველად შესრულებისას შეგიძლიათ საყრდენი გამოიყენოთ.ართროზული მუხლების და მენჯბარძაყის სახსრების დროს ვარჯიში მჯდომარე ან მწოლარე პოზაში შეასრულეთ და ესპანდერები გამოიყენეთ (ერთი ბოლო უმოძრაო საყრდენზე, მეორე ფეხზე). ასე სახსრები არ დაიტვირთება.
- პრესის ვარჯიშები (მე-2 სართულისთვის) ფეხის აწევას გულისხმობს. ეს შინაგანი ორგანოების გასავარჯიშებლად და მუცლის კედლების გასაძლიერებლად სასარგებლოა. ვარჯიშის გასართულებლად ფეხები თავს ზემოთ ასწიეთ. ეს ხერხემლის გასაჭიმად სასარგებლოა. ზურგის კუნთების სპაზმს აქრობს და ამით ზურგის ტკივილს ამცირებს.
- აზიდვები (მე-3 სართულისთვის). ჯანმრთელმა ადამიანმა ვარჯიში იატაკიდან უნდა შეასრულოს, ხოლო სხვებმა კედლიდან ან მაგიდიდან. ეს მამაკაცის ვარჯიშად არ განიხილოთ, ქალებისთვისაც სასარგებლოა, რადგან გულისა და ფილტვების მუშაობას აუმჯობესებს.
პროფესორი გირჩევთ, რომ თავიდან თითოეული ვარჯიში 5-10-ჯერ, დღეში ერთხელ შეასრულოთ. თანდათან რაოდენობა გაზარდეთ და დღეში 2-3-ჯერ ივარჯიშეთ, ან 10-ჯერ 5-10 ვარჯიში. მთავარია, ვარჯიშები რეგულარულად შეასრულოთ, საკუთარი თავი ძლიერ არ დატვირთოთ, აუცილებლობის შემთხვევაში მცირე ხნით შეისვენეთ.ბუბნოვსკი გირჩევთ, მის წიგნებს გადახედოთ, სადაც დეტალურად საუბრობს ისეთ მნიშვნელოვან ვარჯიშზე, როგორიცაა „ოსტეოქონდროზი განაჩენი არაა“ ან „50 შეუცვლელი ვარჯიში“.
შეგახსენებთ, რომ სტატია მხოლოდ გაცნობით ხასიათს ატარებს და მოქმედებისკენ მოწოდებას არ გულისხმობს. ყველა საკითხი, რომელიც ჯანმრთელობას ეხება, სპეციალისთან შეათანხმეთ.
