ხერხემლის ვარჯიშები კუნთებს აძლიერებს და ზურგის ტკივილს აფერხებს. ასეთი ვარჯიშების შესრულებას განსაკუთრებული ფიზიკური მომზადება არ სჭირდება და დაგეხმარებათ მაშინ, როცა ზურგის ტკივილი გადატვირთვის გამო დრო და დრო გაწუხებთ.შეგახსენებთ, რომ წელის არეში ხერხემლის გახანგრძლივებული ტკივილის დროს ექიმთან კონსულტანცია და ანალიზების ჩაბარება აუცილებელია. ამ შემთხვევაში ვარჯიში ხერხემლის დეგენერაციას გაამწვავებს და გირჩევთ, თერაპევტს მიმართოთ. Vivien გიზიარებთ ვარჯიშების ნაკრებს, რომელიც საიმედოდ დაგეხმარებათ. ის მწვავე ტკივილს 1–2 წრეზე ეფექტურად აქრობს. თავად სცადეთ და შთაბეჭდილებები გაგვიზიარეთ.
ზურგის ვარჯიშები
- საწყისი პოზა: ზურგზე დაწოლილი. თავს ზემოთ ხელები გაჭიმეთ. ხელების პოზა შეცვალეთ. 40-ჯერ გაიმეორეთ.
- საწყისი პოზა: ზურგზე დაწოლილი. ტერფები 40-ჯერ მოხარეთ და გაშალეთ.
- საწყისი პოზა: ზურგზე დაწოლილი. ერთი ფეხის მუხლი მოხარეთ ისე, რომ ქუსლი იატაკს არ მოაშოროთ. ფეხი შეცვალეთ. 40-ჯერ გაიმეორეთ.
- საწყისი პოზა: ზურგზე დაწოლილი. თავს ზემოთ ხელები გაჭიმეთ, ამავდროულად, ფეხის თითის წვერები თქვენკენ დაჭიმეთ. 20-ჯერ გაიმეორეთ.
- საწყისი პოზა: ზურგზე დაწოლილი. ფეხი მუხლში მოხარეთ. ხელების დახმარებით მკერდისკენ მისწიეთ. მეორე ფეხზე გაიმეორეთ. 20-ჯერ შეასრულეთ.
- საწყისი პოზა: მუცელზე დაწოლილი. ფეხები მუხლებში მოხარეთ და გაშალეთ. 20-ჯერ გაიმეორეთ.
- საწყისი პოზა: მუცელზე დაწოლილი. ხელები მკერდის მახლობლად მოხარეთ. ხელები გაასწორეთ და ოთხზე დადექით, ქუსლებზე დაჯექით (ხელები იატაკიდან არ აიღოთ). 20-ჯერ გაიმეორეთ.
- საწყისი პოზა: ოთხზე დადექით. თავი უკან გადაწიეთ და ჩაიზნიქეთ. ახლა თავი დაუშვით, ზურგი მოამრგვალეთ. 40-ჯერ გაიმეორეთ. ამ ვარჯიშს „კატა–ძაღლსაც“ უწოდებენ.
- საწყისი პოზა – მდგომარე. ერთი ხელი თაროს მოკიდეთ. ნახევარ შპაგატში ჩაჯექით, ტანი უკან გადაწიეთ, ჩაიზნიქეთ. ფეხის მდგომარეობა შეცვალეთ. 20-ჯერ გაიმეორეთ.
- 40-ჯერ ჩაჯექით და ადექით.
ხერხემლის ტკივილი ერთხელ და სამუდამოდ რომ მოიშოროთ, ვარჯიშების ნაკრები კვირაში 2–3–ჯერ გამოიყენეთ.ღრმა კუნთების გაძლიერებაც მნიშვნელოვანია, ეს თქვენი ხერხემლის საყრდენია. ძალიან მნიშვნელოვანია პროფილაქტიკა, რომ მომავალში წელის არეში ხერხემლის ტკივილმა არ შეგაწუხოთ.ხერხემალი სხეულის ერთგვარი საყრდენია. მისი დასუსტება ნიშნავს, რომ წელის კუნთების დაძაბულობის გამო გადატვირთვისკენ მიდრეკილი ვხდებით (მაგალითად, მოხრის ან კიბეზე ასვლის დროს). შეიძლება ითქვას, რომ ჩვენი სხეული მოდუნებული და დაუცველია. ძლიერი ღრმა კუნთები ადეკვატურ ცენტრალური სტაბილიზაციის გარანტიას იძლევა, დგომას ინარჩუნებს, მუცელს ავტომატურად წევს და ხერხემალს ადუნებს, რადგან ამ საქმეს კუნთები ასრულებენ.
ბარძაყების უკანა ზედაპირის კუნთების დაჭიმვას ყურადღება მიაქციეთ, რომელიც ხანგრძლივი ჯდომისას ხშირად მეტისმეტად მოკლდება.
