დედაჩემს კისრის ოსტეოქონდროზი აქვს. საკმაოდ უსიამოვნო დაავადებაა, რომელიც ნელ–ნელა მეც მიტევს. დარწმუნებული ვარ კისრის მტვრევას, გაშეშებას ბევრი უჩივის, განსაკუთრებით მჯდომარე მუშაობის დროს. ცოტა ხნის წინ დედა ერთ ხალხურ მკურნალთან მივიდა, რომელმაც მარტივი ვარჯიშის გაკეთება და გარკვეული წესების დაცვა ურჩია.
Vivien გიზიარებთ ეფექტურ ვარჯიშს, რომლის დახმარებით კისრის ტკივილი აღარ შეგაწუხებთ.
ექიმების უმეტესობა გვირჩევს, რომ დღის განმავლობაში მუშაობა შევწყვიტოთ და 5-10 წუთით კისერი ვავარჯიშოთ. ამის გაკეთება შეიძლება, მაგრამ ეფექტს ნაკლებად დაინახავთ. მთავარია, ვარჯიშები დილით შეასრულოთ.
ვარჯიში და შესრულების წესები:
- თვალები გაახილეთ. ჩაიდნის დადგმა ან ტუალეტში გასვლა არ იჩქაროთ. საწოლზე დაჯექით და დაიწყეთ.
- 4 ნელი დახრა წინ, 4 – უკან. მთავარია, ყველაფერი ნელა, მკვეთრი მოძრაობის გარეშე შეასრულოთ.
- 4 დახრა ერთ მხარეს, შემდეგ 4 – მეორე მხარეს.
- დახრა მოხვევით: თავი წინ დახარეთ, ამასთან თავი გვერდზე მოაბრუნეთ. 4-ჯერ გაიმეორეთ. მსგავსი მოძრაობა 4-ჯერ მეორე მხარეს გაიმეორეთ.
- ბოლო ვარჯიში: თავის წრიული მოძრაობა. ძალიან ნელა, აუჩქარებლად შეასრულეთ. 4-ჯერ ერთი მიმართულებით და 4-ჯერ მეორე მიმართულებით. ამით დასრულდა, ახლა შეგიძლიათ თქვენს საქმეს მიხედოთ.
ვარჯიშში უკვე გავერკვიეთ, მაგრამ გარკვეული წესების დაცვა აუცილებელია.
- ვარჯიში ნელა, მკვეთრი მოძრაობის გარეშე შეასრულეთ.
- ვარჯიში რეგულარულად, ყოველ დილით შეასრულეთ.
- გაღვიძებისთანავე ივარჯიშეთ.
- მწვავე ოსტეოქონდროზის დროს ძალდატანებით ვარჯიშის შესრულება აკრძალულია.
თუ ჩვევაში გადავა, მალე ვარჯიშს ავტომატურად შეასრულებთ. მით უფრო 5 წუთზე მეტს არ წაგართმევთ.
ყოველ დილით ვარჯიში კუნთების სპაზმს ამცირებს და სისხლის მიმოქცევას აუმჯობესებს. ყურადღება მიაქციეთ, რომ ეფექტს 1 კვირაში ან თვეში ვერ დაინახავთ. ვარჯიშის ეფექტს გრძელვადიან პერსპექტივაში დაინახავთ. თუ ამ დაავადების გარკვეული ეტაპი უკვე გაწუხებთ, ექიმს მიმართეთ.
რისი გაკეთება არ შეიძლება კისრის ოსტეოქონდროზის დროს
- დიდხანს მოხრილ პოზაში მუშაობა (აგარაკზე, ბოსტანში).
- სიმძიმეების აწევა, განსაკუთრებით ზურგით.
- მაღალ, მოუხერხებელ ბალიშზე წოლა. არასწორ პოზაში კუნთები იჭიმება, ხოლო ხერხემალი დეფორმირდება.
- გადაძღომა.
- რბილ ლეიბზე წოლა.
- სავარჯიშო დარბაზში ზურგის გადატვირთვა.
- მაღალქუსლიანი ფეხსაცმლის ტარება.
ოსტეოქონდროზი 50+ ასაკის ადამიანების 60%–ზე მეტს აწუხებს. გარდა ამისა, ახალგაზრდებსა და ბავშვებში სულ უფრო ხშირად ვლინდება. სწორედ ამიტომ, ამ უსიამოვნო დაავადების დროული პროფილაქტიკა მნიშვნელოვანია.
