უმეტესობა ჩვენგანი ფიქრობს, რომ ბრტყელი მუცლის მისაღებად პრესის ვარჯიშები საუკეთესო მეთოდია. თუმცა ჯეიმს დუიგანი ასე არ თვლის.
ჯეიმსი, რომელიც მრავალი სუპერმოდელის სხეულს ძერწავს, ამტკიცებს, რომ ბრტყელი მუცლის მისაღებად ყველასთვის ერთი გზა არ არსებობს. ჯეიმსი გამოყოფს მუცლის 5 ტიპს, რომელთაც წარმატებული შედეგისთვის განსხვავებული მიდგომა სჭირდებათ. Vivien გირჩევთ განსაზღვროთ თქვენი მუცლის ტიპი, მხოლოდ ამის შემდეგ შეძლებთ ბრტყელი მუცლის მისაღებად ეფექტური გეგმა შეადგინოთ.
1. სამაშველო რგოლი – როგორ განვსაზღვროთ ეს ტიპი
როგორც წესი, ასეთ ადამიანებს მჯდომარე ცხოვრების წესი აქვთ, ასევე შეიძლება ტკბილ კერძებზე დამოკიდებულნი იყვნენ.
საბედნიეროდ, ამგვარი პრობლემის მოგვარება ყველაზე მარტივია. ასეთ მუცელს არასწორი კვება და ნაკლები ფიზიკური ვარჯიში იწვევს.
თუ ნაკლებს ვარჯიშობთ, მიირთმევთ ბევრ შაქარს და რაფინირებულ ნახშირწყლებს (ნამცხვარი, ფუნთუშა და თეთრი პური), ასევე ხშირად მიირთმევთ სახამებლის ნახშირწყლებს, როგორიცაა მაკარონი და ბრინჯი, დიდი ალბათობით, ცხიმი ფეხებისა და ბარძაყების ზონაშია დაგროვებული.
შეცვალეთ:
ალკოჰოლის მიღება შეამცირეთ. ალკოჰოლი თქვენი მუცლისთვის ცხიმსასრუტი, სუფთა შაქარია, რომელიც პირდაპირ თქვენს წელში ხვდება. ეს ალკოჰოლის გადამუშავებამდე ცხიმის წვას აფერხებს. კვირაში რამდენიმე ჭიქა ალკოჰოლის დალევა „ღვინის წელს“, ანუ მსხვილ წელს და შესიებულ მუცელს იწვევს. თუ დროდადრო დალევა გსურთ, ეს ნორმალურია, მაგრამ მუცლის გაქრობის პროცესში ალკოჰოლზე უარი უნდა თქვათ.
დაიწყეთ დღე კვერცხით და თევზით ან ქათმის ხორცით და ბოსტნეულით. კარგი ცხიმები, როგორიცაა ავოკადო, კაკალი და მცენარეული ზეთი მიირთვით. ისინი მუცლის ცხიმის წვას და ბრტყელი მუცლის მიღებას ხელს უწყობენ.
ამ ტიპის მუცლის გასაქრობად ვარჯიში მთავარ როლს ასრულებს. დიდხანს სეირნობა, სირბილი ან იოგა სასარგებლოა. სავარჯიშო დარბაზში სიარული არ გჭირდებათ. გახსოვდეთ, იყო ლამაზი დამოკიდებულია იმაზე, თუ როგორ გრძნობთ თავს და როგორ გამოიყურებით.
მუცლის ნებისმიერი ტრანსფორმაციის საწყისი წერტილი ბედნიერების განცდაა.
2. სტრესის მუცელი – როგორ განვსაზღვროთ ეს ტიპი
როგორც წესი, ასეთი მუცელი ძალიან ემოციურ ადამიანებს აქვთ. ჩვეულებრივ, მათ საჭმლის მომნელებელი სისტემა დარღვეული აქვთ, რაც მუცლის შებერილობას იწვევს.
სტრესის მუცლის აღმოჩენა მარტივია, რადგან ჩვეულებრივ ჭიპის ზონაში ჩნდება. სტრესის დროს ჰორმონი კორტიზოლი იწარმოება, რომელიც ამ ზონაში ცხიმის დაგროვებას სტიმულირებს.
სავარაუდოდ, კვებას ტოვებთ, ჭარბი კოფეინის მიღებით თირკმელზედა ჯირკვლის სისტემას ბოროტად იყენებთ და კომფორტისთვის არაჯანსაღ საკვებს მიირთმევთ.
შეცვალეთ:
თითქმის ყოველთვის ასეთ ადამიანებს ცუდად სძინავთ, რაც ლეპტინის წარმოებას ხელს უშლის. ლეპტინი მადას და ნივთიერებათა ცვლას არეგულირებს. შედეგად, ბევრს ჭამთ, როცა დაღლილი ხართ, და სხეული ენერგიის დაუყონებლივ გასაზრდელად ცხიმიან და ტკბილ პროდუქტს ითხოვს.
რეკომენდებულია ძილის წინ რელაქსაცია ღრმა სუნთქვით, მედიტაციით და მარილიანი აბაზანებით. ყავის მიღება დღეში 2 ფინჯნამდე შეზღუდეთ.
ბევრი ვარჯიშით თავი არ გადაიწვათ. ჭარბი კარდიო კორტიზოლის დონეს ზრდის და პრობლემას მოგვარების ნაცვლად გაამწვავებს.
იოგა, ფეხით სიარული და ჰანტელებით ვარჯიში დაგეხმარებათ. იდეალურია ძალის გასაზრდელად და ნერვების დასამშვიდებლად.
ამგვარი მუცლის მოშორებაში მაგნიუმი დაგეხმარებათ. მაგნიუმით მდიდარი ბევრი პროდუქტი მიირთვით, როგორიცაა ფოთლოვანი ბოსტნეული, ბრაზილიური კაკალი და თესლი.
საღამოს ანტისტრესული ვარჯიშები, როგორიცაა გაწელვები და იოგის პოზები (ან სხვა პრაქტიკები), კორტიზოლის დონეს შეამცირებს. გვირილას ჩაი და სხვა ბალახები მოდუნებაში დაგეხმარებათ.
3. დაწეული მუცელი – როგორ განვსაზღვროთ ეს ტიპი
როგორც წესი, ასეთი მუცელი საქმიან ქალებს და დაკავებულ დედებს აქვთ. ისინი შეიძლება სავარჯიშო დარბაზზე დამოკიდებულნი, ვარჯიშსა და დიეტაში გაჭედილი იყვნენ. შესაძლოა, ყოველთვის ერთსა და იმავე საკვებს მიირთმევენ და ერთსა და იმავე ვარჯიშს ასრულებენ. შედეგად გამხდრები ხდებიან დაწეული მუცლით, რაც მათ ფორმებს აფუჭებს.
შეცვალეთ:
კარგი კვება და ბევრი უჯრედისი საჭმლის მომნელებელი სისტემის გასაუმჯობესებლად აუცილებელია. ანთება, შეშუპება და ყაბზობა ამ ტიპის მუცელს აუარესებს. მწვანე ფოთლოვანი ბოსტნეული, შვრია და მთელი მარცვლეული უჯრედისის კარგი ბუნებრივი წყაროა.
მუცლის კუნთები ზურგის ქვედა, მრუდე ნაწილს არასწორად ზრდის და „ჩანთის“ ეფექტს აძლიერებს. მუცლის პრესი პლანკით შეცვალეთ.
გავრცელებულია მცდარი მოსაზრება, რომ წონებით ვარჯიში ქალის ტანს ათხელებს. სინამდვილეში, პირიქითაა. ჰანტელებით ძალოვანი ვარჯიშები კვირაში 2–3–ჯერ შეასრულეთ.
ანთება შეამცირეთ ბევრი წყლის დალევით და ადვილად ათვისებადი პროდუქტების მიღებით, როგორიცაა მწვანე ბოსტნეული, ასევე მსუბუქი ცილები, როგორიცაა თევზი და ქათმის ხორცი.
4. ორსულის მუცელი – როგორ განვსაზღვროთ ეს ტიპი
ქალები ასეთი მუცლით მზრუნველი დედები არიან, მათ საკუთარი თავისთვის დრო ნაკლებად აქვთ. მშობიარობის შემდეგ საშვილოსნო ცოტა მძიმდევა. როგორც მინიმუმ, 6 კვირაა საჭირო, რომ ნორმალურ ზომებს დაუბრუნდეთ. სწორედ ამიტომ, ორგანიზმს მშობიარობის შემდეგ აღდგენის საშუალება მიეცით.
მენჯის ძირის და მუცლის ქვედა ნაწილის ვარჯიშით დაიწყეთ, რომ სისხლის მიმოქცევა გაზარდოთ და კუნთები გააძლიეროთ.
შეცვალეთ:
თევზის ქონი გარდაიქმნება ჰორმონებში, რომ ცხიმი დაწვას და გამორთოს ჰორმონები, რომლებიც ცხიმს აგროვებენ. დღეში 3 კაფსულა (1000 მგ) ჭამის დროს მიიღეთ.
მიირთვით სასარგებლო ცხიმები, რომელთაც შეიცავს ისეთი წყაროები, როგორიცაა კაკალი, ზეითუნის ზეთი, ავოკადო და ზეთისხილი, ჩიას თესლი. ისინი არა მხოლოდ ცხიმს წვავენ და ვიტამინებს ეფექტურად ითვისებენ, არამედ დაღლილობას ებრძვიან, რაც გადაღლილ დედებს ძალიან ეხმარებათ.
გირჩევთ, დღის განმავლობაში დაიძინოთ. ასევე რეკომენდებულია გაწელვები ძილის წინ. ასე ძილის ჰორმონების ბალანს აღადგენთ და ცხიმის წვას დააჩქარებთ.
5. გაბერილი მუცელი – როგორ განვსაზღვროთ ეს ტიპი
ასეთი მუცელი დილით ბრტყელია, მაგრამ დღის განმავლობაში გაზებით ან კუჭის აშლილობით იბერება. მსგავსი მუცელი როგორც გამხდრებს, ასევე ჭარბწონიან ქალებს აქვთ. თითქმის ყოველთვის გამოწვეულია საკვების აუტანლობით და ალერგიით ან არასწორი კვების შედეგად ზარმაცი ნაწლავებით.
შეცვალეთ:
ყველაზე გავრცელებული ტრიგერებია ხორბალი და გლუტენი (პური, მაკარონი, ნამცხვარი, პიცა და მარცვლეული), ალკოჰოლი, საფუარი (კექსში, ლუდში, ფუნთუშაში) და დამუშავებული რძის პროდუქტები (ყველი, რძე, კარაქი).
ბევრი ახალი ბოსტნეული და თევზი მიირთვით. გვიან ჭამას მოერიდეთ, ეს შებერილობას იწვევს. საჭმელი კარგად დაღეჭეთ და ბევრი წყალი დალიეთ, რომ საჭმლის მომნელებელ სისტემას მხარი დაუჭიროთ.
გჯერათ თუ არა, მაგრამ სუნთქვა საუკეთესო მეთოდია, რაც ამ ტიპის მუცლისთვის შეგიძლიათ გააკეთოთ. სცადეთ ყოველ დილით: ზურგზე დაწექით, სრულად მოდუნდით და მუცლით ღრმად ისუნთქეთ. 10–ჯერ შეასრულეთ. ასევე ჭამის შემდეგ სიარული საჭმლის მონელების პროცესს ხელს უწყობს.
