ხშირად საგანმანათლებლო ზომები ბავშვობიდან თავის მოძრაობის შეზღუდვას გვაიძულებს, რაც ხერხემლის კისრის ნაწილში დარღვევებს იწვევს. „სწორად დაჯექი, თავს ნუ ატრიალებ!“ – ხშირად გვესმოდა მზრუნველი ბებიებისა და დედებისგან. ეს უსარგებლო ეტიკეტი დაივიწყეთ.
კისერი ხერხემლის ნაწილია, რომელიც შეიცავს ბევრ მნიშვნელოვან ნერვს და სისხლძარღვებს, რომლებიც ტვინს კვებავენ. თუ ხერხემლის ჯანმრთელობას ყურადღებას არ მიაქცევთ, დროთა განმავლობაში მოქნილობა დაიკარგება. თავის მობრუნება გაგიჭირდებათ, ზოგჯერ მტკივნეულიც კი გახდება.
კისერი საკმაოდ მყიფე ორგანოა, მაგრამ მას მნიშვნელოვანი ფუნქცია აკისრია – ხელებთან, ფეხებთან და სხეულის სხვა ნაწილებთან „მაღალი გონების“ კავშირის შენარჩუნება. თავი თავისი წონით კისერზე მუდმივად დატვირთვას ახდენს. მყიფე დისკები მუდმივად დეფორმირდება.
თუ პროფილაქტიკის ზომებს არ მიმართავთ, კისრის ოსტეოქონდროზის შედეგები მძიმე იქნება.
კისრის ოსტეოქონდროზის თავიდან ასაცილებლად კისრის კუნთების გასამაგრებელი ვარჯიშები მუდმივად უნდა შეასრულოთ. კისრის კუნთები მალთაშუა დისკებს ნაადრევი ცვეთისგან იცავენ. Vivien გთავაზობთ კისრის კუნთების გამაძლიერებელ ვარჯიშებს.
ვარჯიშები კისრის ოსტეოქონდროზის დროს
ყოველდღე კისრის ვარჯიშს ცოტა დრო დაუთმეთ, რომ მომავალში უსიამოვნო პრობლემები თავიდან აიცილოთ. ფიზიკური ვარჯიში რთული არაა.
- თავი წინ და უკან მონაცვლეობით დახარეთ, ხელისგულებით წინააღმდეგობა შექმენით. 5-6 წამით ხელებით წინააღმდეგობა გაუწიეთ, შემდეგ თავის ძალას ოდნავ დანებდით. ვარჯიში 3-ჯერ შეასრულეთ.
- იგივე მოქმედება შეასრულეთ, მაგრამ ამჯერად ხელისგულები საფეთქლებზე დაიდეთ და თავი გვერდზე დახარეთ.
- ოდნავ გადაწეული თავით ეცადეთ, რომ ნიკაპი იარემულ ფოსოს შეახოთ. კისრის კუნთების დახმარებით დაძაბულობა შეიქმნება. ერთ მიდგომაზე 5-ჯერ შესრულება საკმარისია.
- თავი აქეთ–იქით გვერდებზე ატრიალეთ, მხედველობის ველის მაქსიმალურად გაზრდა სცადეთ, ტანი არ ატრიალოთ. ერთი მიდგომა თითოეულ მხარეს 5 მიბრუნებას მოიცავს.
- ნიკაპი ყელს დაადეთ, თავი გვერდებზე აბრუნეთ, ეცადეთ ნიკაპი არ აწიოთ. თითოეულ მხარეს 5-ჯერ შეასრულეთ.
- უკან გადაწეული თავით ისეთი დახრები შეასრულეთ, თითქოსდა მარჯვენა ყურით მარჯვენა მხრის შეხებას ცდილობს. თითოეულ მხარეს 5-ჯერ შეასრულეთ.
ოსტეოქონდროზის დროს კისრის ვარჯიშები საკმაოდ მარტივი და ადვილად დასამახსოვრებელია. მისი შესრულება შეგიძლიათ როგორც დღის განმავლობაში სამუშაო ადგილას, როცა კომპიუტერთან დიდხანს ჯდომით არა მხოლოდ კისერი, არამედ მთელი ტანი გვიშეშდება, ასევე გაღვიძებისას დილის ვარჯიშებში ჩართეთ. კისრის ვარჯიშები როგორც მჯდომარე, ასევე მდგომარე პოზაში შეგიძლიათ შეასრულოთ.
ყოველდღიური ვარჯიში კისრის ოსტეოქონდროზის შესანიშნავი პროფილაქტიკაა. სხვა ყველაფერთან ერთად, ტვინში სისხლის მიმოქცევა უმჯობესდება და ხერხემლის ნაწილში სისხლის ნაკადი იზრდება, რაც ყურადღების და კონცენტრაციის გაზრდაზე, ასევე გონებრივი მუშაობისას პროდუქტიულობაზე გავლენას ახდენს. ნამდვილად ღირებული პრიზია თავის უბრალო ბრუნვით, ასეა? თუმცა ერთი „არა“ არსებობს: არ შეასრულოთ თავით წრიული მოძრაობები, თუ მოუმზადებელი ადამიანი ხართ. ასე შეიძლება კისრის ნაწილი დააზიანოთ და ნერვი გაჭყლიტოთ. ვარჯიში შეწყვიტეთ ან ინტენსივობა შეამცირეთ, თუ ტკივილს გრძნობთ. თუ ტკივილი არ ქრება, ექიმს მიმართეთ.
