ალბათ, გქონიათ განცდა, რომ ყველაფერი მოგბეზრდათ – არც ერთი ვარჯიში ინტერესს არ იწვევს და დიდად არაფრის კეთება არ გსურთ. ამ შემთხვევაში Vivien გთავაზობთ ოქროს ვარჯიშს „მთვარის დაჭერა“, რომლითაც საკუთარი თავის შეცვლას ნამდვილად შეძლებთ.
ვარჯიში ციგუნის ვარჯიშების მეორე მარგალიტს მიეკუთვნება – მისი დახმარებით უფრო ამტანი, ჯანმრთელი გახდებით და როგორც შინაგანი, ასევე გარეგნული ახალგაზრდობის გახანგრძლივებას შეძლებთ.
რატომღაც, ოქროს ვარჯიში ნაკლებად ცნობილია. მასზე ნაკლებად საუბრობენ, არადა მის შესახებ უფრო ადრე სიამოვნებით გავიგებდი, რადგან ციგუნის მთელი სერიის შესწავლა არ შემიძლია, ხოლო ჯანმრთელობის მხარდასაჭერად ცალკეულ ვარჯიშებს სიამოვნებით გავაკეთებდი. სწორედ ეს ვარჯიში შეგიძლიათ დამოუკიდებლად გამოიყენოთ.
„მთვარის დაჭერა“ უფრო შინაგანი ახალგაზრდობის აღდგენას ხელს უწყობს. თუმცა ასე გარეგნული ახალგაზრდობაც არ დააყოვნებს. ამასთან დილით ენერგიას შეგმატებთ და სხეულის ჯანმრთელობის შენარჩუნებაში დაგეხმარებათ, რაც ბოლო დროს გვაკლია. საკუთარ თავზე ზრუნვა მხოლოდ თავად ჩვენ შეგვიძლია.
ვარჯიში „მთვარის დაჭერა“ მარტივი და სტატიკურია, ანუ აუცილებელი არაა მის შესასრულებლად იოგაში განვითარებული ან სპორტსმენი იყოთ. ძალიან დაკავებულ დღეებშიც ხელს არ შეგიშლით. ძირითადად, დილით ვვარჯიშობ, რადგან საღამოს ზედმეტი აქტივობა და მხნეობა არ მჭირდება. თუ დრო მაქვს შუადღესაც ვასრულებ. სულ რაღაც 10-15 წუთი დაგჭირდებათ.
როგორ შევასრულოთ ოქროს ვარჯიში „მთვარის დაჭერა“
საწყისი პოზა – მდგომარე, ფეხები ერთად, მუხლებში ოდნავ მოხრილი. ხელები ტანის გასწვრივ თავისუფლად დაშვებული, ხედვა წინ. რამდენიმე დამამშვიდებელი და ღრმა ჩასუნთქვა–ამოსუნთქვა გააკეთეთ და ამოსუნთქვაზე ტანი წინ გადახარეთ – ხელები მოდუნებული და ქვემოთ დაშვებული, თითები მუხლებზე ოდნავ ქვემოთ უნდა იყოს (ისე დაიხარეთ, როგორც შეგიძლიათ). თავი ქვემოთ დაწეული, ზურგი მომრგვალებული – ამ პოზაში 2 წამით გაჩერდით, ამასთან ჩასუნთქვაზე ნელ–ნელა გასწორდით, ხელები წინ და ზემოთ ასწიეთ.
როცა ხელები თავს ზემოთ აღმოჩნდება, რეკომენდებულია წარმოიდგინოთ, რომ ხელებით მთვარე ან დიდი ბურთი გიჭირავთ – ხელები გვერდზე გაწეული. ოდნავ უკან დაიხარეთ – ამ პოზაში გაჩერდით და ხელები ნელ–ნელა დაუშვით. პირიდან ამოისუნთქეთ. ასეთი ბრუნები დაახლოებით 10-15-ჯერ გააკეთეთ. რეკომენდებულია, ვარჯიშის ბოლოს დაახლოებით 3 წუთი საწყის მდგომარეობაში გაჩერდეთ.
აღსანიშნავია, რომ ხილული შედეგი ყოველდღიური პრაქტიკით მხოლოდ ერთ თვეში დავინახე. თავიდან მხნეობას ვგრძნობდი, მაგრამ მუდმივი ეფექტი, რომელიც გარკვეულ დროში არ ქრებოდა, ცოტა ხნის შემდეგ შევნიშნე. შინაგანი განწყობის გაუმჯობესება გარეგნობაზეც გავლენას ახდენს, სიარულის მანერაც კი იცვლება. კიდევ ვიმეორებ, ვნანობ, რომ უფრო ადრე ვერ ვიპოვე.
ნაკლოვანებები: გულწრფელად, ვერ ვიპოვე, მაგრამ რაიმე სერიოზული პრობლემის დროს სპეციალისტთან კონსულტანცია გაიარეთ.
