მცენარეებს ინტერიერის გასაცოცხლებლად ან გასალამაზებლად ვიყენებთ, თუმცა ცოტამ თუ იცის რამხელა სარგებლის მოტანა შეუძლია ზოგიერთ მათგანს. დღეს გაგაცნობთ მცენარეებს რომლებიც თქვენს სახლში ბარაქასა და ფინანსურ კეთილდღეობას მოიტანენ.
ბევრი მეყვავილე დარწმუნებულია: თუ სახლში ყვავილებს სწორად განალაგებთ, ისინი ერთგვარი წარმატებისა და ფულის მაგნიტები ხდებიან. რა თქმა უნდა ეს ძალა ყველა მცენარეს არ აქვს, ამიტომ ჩვენ სამი ეგზემპლარისგან შემდგარი სია გავამზადეთ, ამ მცენარეებს განსაკუთრებული თვისებები აქვთ.
1. პიტნა – ითვლება, რომ თუ პიტნას სამზარეულოში მოათავსებთ ის ოჯახის მდგომარეობაზე იმოქმედებს. მისი არომატი და ძლიერი ენერგეტიკა წარმატებას, ფულს და იღბალს იზიდავს. ძალიან მნიშვნელოვანია, რომ პიტნას საკმაოდ მძაფრი არომატო ჰქონდეს. ეზოთერიკოსები დარწმუნებულნი არიან, რომ წინააღმდეგ შემთხვევაში ეფექტს არ უნდა ველოდოთ.
2. ლიმონის ხე – საკუთარი ფინანსური მდგომარეობის სწრაფად გასაუმჯობესებლად აუცილებლად შეიძინეთ ლიმონის ხე. ის არამხოლოდ ფინანსურ სტაბილურობას არამედ ცხოვრების სხვადასხვა სფეროში წარმატებასაც მოგიტანთ. ამასთანავე აუცილებელია მისი ფოთლები სველი ტილოთი გაწმინდოთ, ეს მის ჯადოსნურ თვისებებს გაააქტიურებს.
3. პახირა – ძალიან ლამაზი ხეა, რომელიც სამზარეულოსთვის ზედგამოჭრილია. მოათავსეთ საცხოვრებლის ამ ზონაში, ის სწრაფად გახსნის ფინანსურ არხებს და ოჯახურ კეთილდღეობას გაზრდის. ეს მცენარე ჩნეთში ძალიან უყვართ. ჩინელები დარწმუნებულები არიან, რომ პახირა ერთგვარი ბედნიერი თილისმაა.
თქვენ იცოდით, რომ ჩამოთვლილ მცენარეებს ასეთი შესანიშნავი თვისებები ქონდათ?! ასეთი ცრურწმენების არავის სჯერა, თუმცა რატომ არ უნდა მივმართოთ ამ მეთოდს?! განსაკუთრებით თუ ეს მცენარეები თქვენს ოჯახურ ბუდეს უფრო გაალამაზებენ და მყუდროებას შემატებენ.
