უძველესი დროიდან იოგა სრულყოფილების მიღწევის მეთოდად განიხილება – საკუთარი თავის უმაღლესი შეცნობა მატერიალური გათავისუფლებისა და კარმული გზის გაწმენდის შემდეგ. ადამიანის სულიერი სფეროს განვითარებაზე დადებითი გავლენის გარდა, ეს პრაქტიკა ფიზიკურ ჯანმრთელობასაც აძლიერებს.
ბევრი თვლის, რომ იოგა აუცილებლად მწვრთნელთან ერთად სპეციალურ ოთახში ან თბილ სეზონზე სუფთა ჰაერზე უნდა შესრულდეს. თუმცა იოგის სახლში შესრულებაც კარგ შედეგს იძლევა. ერთადერთი უნდა დარწმუნდეთ, რომ ამა თუ იმ ვარჯიშის შესასრულებლად რაიმე სახის უკუჩვენება არ გაქვთ.
რით არის სასარგებლო იოგა
იოგით ვარჯიშს ორგანიზმის მთელი პროცესების მუშაობა წესრიგში მოჰყავს, პოზიტივით გავსებთ და კუნთების დაჭიმულობას აუმჯობესებს, რაც ძალიან მნიშვნელოვანია როგორც მამაკაცის, ასევე ქალისთვის.
ყოველ დილით 30 წამით პრასარიტა პადოტანასანას ვარჯიშის შესრულებით მხნეობის მოზღვავებას წამიერად იგრძნობთ. მხნეობა კი მძიმე სამუშაო დღეს აუცილებლად დაგჭირდებათ, დაღლილობას და შესაძლო თავის ტკივილს მოგაშორებთ.
სახლში იოგის ვარჯიში ფასიან კურსებზე ცუდი არაფრით არ არის. მთავარია წინასწარ განსაზღვროთ, თუ რისი გაუმჯობესება გსურთ და ასანას სწორად გაკეთება ისწავლოთ.
პრასარიტა პადოტანასანა იდეალურია მისთვის, ვისაც წელის ტკივილი აწუხებს, ღვიძლის, ნაწლავების და თირკმლების მუშაობა არ აკმაყოფილებს. ვარჯიში სისხლის მიმოქცევას აძლიერებს, მენჯ-ბარძაყის სახსრებს ააქტიურებს და მუხლქვეშა მყესებს ჭიმავს. ასევე საჭმლის მონელების პროცესს აუმჯობესებს, რაც თავის მხრივ წონაში კლებას ხელს უწყობს.
ტექნიკის შესრულება
1. ფეხები ფართოდ გაშალეთ და ფეხის წვერები ოდნავ შიგნით შესწიეთ.
2. ხელები თეძოებზე დაიდეთ და ამოსუნთქვასთან ერთად, ფეხები არ მოხაროთ ისე, სხეული წინ გადახარეთ.
3. ხელისგულები იატაკს მხრების სიგანეზე და ფეხების ხაზზე დაადეთ. სცადეთ ზურგი ბოლომდე გაჭიმოთ. მსუბუქად მოიხარეთ და 10 წამის განმავლობაში მშვიდად ისუნთქეთ.
4. ამოსუნთქვასთან ერთად კიდევ უფრო ქვემოთ დაიხარეთ, თავი ფეხების გასწვრივ გქონდეთ. თუ თავი იატაკს ეხება, რეკომენდებულია ტერფები ოდნავ უკვე დადოთ – ეს ხერხემალს კიდევ უფრო მეტად გაჭიმვაში ეხმარება. 10 წამის განმავლობაში მშვიდად სუნთქვა გააგრძელეთ.
5. ჩასუნთქვაზე თავი ასწიეთ და თანდათანობით საპირისპირო მოქმედება შეასრულეთ და ვერტიკალურ მდგომარეობას დაუბრუნდით.
ნახეთ ვიდეო, რომ ვარჯიშის შესრულების ტექნიკა უფრო უკეთ გაიგოთ.
„ვივიენი“ მიგანიშნებთ, როგორ შეამსუბუქოთ ასანის შესრულება.
- ხელისგულები მხრების სიგანეზე ზუსტად მხრების კორპუსის გასწვრივ დაიდეთ. ფეხის წვერებიდან თავამდე ხერხემალი კარგად გაჭიმეთ.
- ფეხები გვერდზე გაშალეთ, წინ გადაიხარეთ, ზურგი იატაკის პარალელურად გქონდეთ, ხელები გვერდზე გასწიეთ და რამდენიმე წამით გაჩერდით.
- ზურგს უკან ხელები ბოქლომის სახით გადააჯვარედინეთ. ბოქლომი გადააბრუნეთ და გულმკერდი გახსენით, ბოქლომი ზურგს რაც შეიძლება დააშორეთ. კორპუსი ქვემოთ დასწიეთ, ზურგი გაჭიმეთ. რამდენიმე წამით სუნთქვის ციკლი შეასრულეთ და გადაჯვარედინებულ თითებს ადგილი შეუცვალეთ.
თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.
