სირბილი თუ სიარული: რომელი უნდა აირჩიოთ, რომ ჯანმრთელობას ზიანი არ მიაყენოთ და წონაში დაიკლოთ

სხვადასხვა ქვეყანაში მილიონობით ადამიანი პარკებსა და სტადიონებზე რეგულარულად დადიან, რომ რამდენიმე კილომეტრი გაირბინონ. სიმარტივის და ხელმისაწვდომობის წყალობით სირბილი სულ უფრო და უფრო პოპულარული ხდება.

თუმცა, ექიმები გვაფრთხილებენ, რომ სირბილი სინამდვილეში არც თუ ისე სასარგებლოა, როგორც ერთი შეხედვით ჩანს. ზოგიერთი ადამიანისთვის სირბილი სახიფათოც კი არის, განსაკუთრებით თუ მას არასწორად შეასრულებთ.

დატვირთვის უფრო  მსუბუქ ფორმას სიარულს სირბილის ბევრი უარყოფითი ეფექტი არ აქვს, მაგრამ წონაში შესამცირებლად ნაკლებად ეფექტურია. ასე რომ, რომელი უნდა აირჩიოთ, სირბილი თუ სიარული, თუ გსურთ რომ ფიზიკური ფორმაც შეინარჩუნოთ და ჯანმრთელობას ზიანი არ მიაყენოთ?

სირბილი თუ სიარული

ორივე თავისი უპირატესობა და ნაკლი აქვს. ვარჯიშის არჩევის დროს წონა, ასაკი, მომზადების დონე, ორგანიზმის განსაკუთრებულობა და დაავადებების არსებობა აუცილებლად უნდა გაითვალისწინოთ. პუნქტების მიხედვით, დეტალურად განვიხილოთ.

1. სახსრებსა და ხერხემალზე დატვირთვა

სირბილის დროს მუხლებსა და კოჭ-წვივის სახსრებზე პულსური დარტყმა ხდება. სხეული განსაკუთრებით ძლიერად ახტომის და მიწაზე დაშვების დროს იტანჯება. ქალაქის მაცხოვრებელს მდგომარეობა უფრო ურთულდება, რადგან მას ასფალტზე სირბილი უწევს, რომელიც ტერფების და ხერხემლის უფრო მეტ დაზიანებას იწვევს.

სიარულის „ხტომის ფაზა“ არ აქვს. ეს იმას ნიშნავს, რომ ხერხემალი და სახსრები ძლიერ პულსურ დარტყმას არ განიცდიან. სწორედ ამიტომ, უსაფრთხოების თვალსაზრისით სიარული სირბილზე უკეთესია. ის უფრო რბილია და სხეულზე ნაზად მოქმედებს.

2. გულსა და სისხლძარღვებზე დატვირთვა

გულის ამერიკულმა ასოციაციამ კვლევის შედეგები გამოაქვეყნა, რომელშიც სწრაფი სიარულის და სირბილის სარგებელი არის შედარებული. გაირკვა, რომ სიარულსა და სირბილს ერთნაირი დოზით სისხლში ქოლესტერინის შემცირება და არტერიული წნევის დაწევა შეუძლიათ.

ყველაფერი მანძილშია, ასე რომ სირბილის უპირატესობა მხოლოდ იმაშია, რომ მოკლე დროში უფრო მეტი კალორიის დაწვას შეძლებთ.

3. კუნთების გაძლიერება

სიარულის დროს უპირატესად კანჭის ტყუპი კუნთები ძლიერდება, სირბილის დროს კი – ზურგის, მკერდის, მხრების, დუნდულების და გვერდების კუნთები. სასარგებლოა მოკლე მანძილზე (ასე კუნთები ვითარდება) დაახლოებით 10 წამით სირბილი, შემდეგ დასვენება და კვლავ აჩქარების გამეორება.

უმჯობესია მთაზე იაროთ და ირბინოთ. როცა მთაზე ადიხართ, პულსური დარტყმა ქრება, ხოლო კუნთები ავტომატურად მაღალი ინტენსივობის რეჟიმში მუშაობას იწყებს.

ცალკე უნდა განვიხილოთ სკანდინავიური სიარული. ეს სწრაფი სიარულია ჯოხებით, რომელიც სხეულის კუნთების 90%-ს ავარჯიშებს და 40-50-ჯერ უფრო მეტ კალორიას წვავს, ვიდრე ჩვეულებრივი სიარული.

4. კალორიების დაწვა

თუ წონაში სწრაფად დაკლება გსურს, ერთმნიშვნელოვნად სირბილი უნდა აირჩიოთ. სიარულით იმავე ეფექტის მისაღწევად გაცილებით მეტი დრო დაგჭირდებათ.

სირბილის დროს პულსი წუთში 120-140 დარტყმას არ უნდა აჭარბებდეს. ეს ოპტიმალური მაჩვენებელია ცხიმის ეფექტურად დასაწვავად. სიარულის დროს პულსი ყოველთვის ცხიმის წვის ზონაში იმყოფება.

5. ვარჯიშის ხანგრძლივობა

ნებისმიერ შემთხვევაში ვარჯიშს მინიმუმ 1 სთ უნდა დაუთმოთ. პირველი 30 წუთი გლიკოგენის მარაგი იწვის და მხოლოდ ამის შემდეგ მოდის ცხიმის წვის რიგი.

საკვები ვარჯიშამდე 1,5 – 2 საათის წინ უნდა მიიღოთ. ამის გარდა უნდა გახსოვდეთ: თუ წონაში დაკლება გსურთ, ვარჯიშის შემდეგ 1,5 საათით საკვების მიღებაზე უარი უნდა თქვათ.

ვისთვის სჯობს სიარული

1. 40 წელზე ზემოთ ადამიანებისთვის, თუ სპორტით დიდი ხანია დაკავებულნი არ ყოფილან.

2. მათ, ვისაც ორთოპედიული პრობლემები და ხერხემლის დაავადება აქვთ.

3. ინსულტის და ინფარქტის გადატანილ პირებს.

4. მათ, ვისი სხეულის მასის ინდექსი 30-ზე მეტია. გამოთვალეთ ასე: წონა სიმაღლის კვადრატზე გაყავით.

6. დიაბეტის მქონე ადამიანებისთვის;

7. სირბილის დროს სახსრების ტკივილის მქონე ადამიანებისთვის;

დასკვნა რომ გამოვიტანოთ, შეიძლება ითქვას, რომ სირბილი სწრაფად გახდომაში გეხმარებათ და ვარჯიშზე უფრო ნაკლებ დროს დახარჯავთ. მეორე მხრივ, სიარული ნაკლებად საზიანოა და გულ-სისხლძარღვთა სისტემის ნებისმიერ მდგომარეობის და რეგულარული გამოყენებისთვის გამოდგება.

რომელი აირჩიოთ: სირბილი თუ სიარული, თქვენი გადასაწყვეტია. თუმცა არჩევის დროს ყველა „კი“ და „არა“ უნდა აწონოთ, რომ გონივრული გადაწყვეტილება მიიღოთ. თუ ჭარბი წონა არ გაწუხებთ,  ახალგაზრდა ხართ და ქრონიკული დაავადებები არ გაწუხებთ, შეგიძლიათ სირბილი დაკავდეთ, თუმცა იმ პირობით, რომ ნიადაგიან ზედაპირზე ირბენთ და ფეხსაცმელს ამობურცული ლანჩა ექნება.

თუ ორივე ვარჯიშის სახეობა მოგწონთ შეგიძლაით ინტერვალური ვარჯიშისთვის გამოიყენოთ. ჯერ სწრაფი სიარულით დაიწყეთ, შემდეგ ოდნავ ტემპი აუჩქარეთ და მაქსიმალური სიჩქარით სირბილზე გადადით.

ნებისმიერ შემთხვევაში, სცადეთ კვირაში 3-ჯერ 40-60 წუთით ივარჯიშოთ. და მაშინ შედეგი დიდხანს არ დააყოვნებს!

თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ!