დაოსური ფილოსოფია ამბობს, რომ მთელი მსოფლიოს არსებობა ორ საწყისს – ინსა და იანს ეფუძნება. ეს არა მხოლოდ ქალის და მამაკაცის საწყისის ნიშნებია, არამედ მსოფლიოს ნებისმიერი ორპირობის დამახასიათებელი. ადამიანის სხეულში ინი შემაერთებელი ქსოვილებია, ხოლო იანი კუნთოვანი ქსოვილები. ამის მიხედვით იყოფა იოგას პრაქტიკაც.
იან-იოგა დინამიური ასანების გამოყენებით კუნთების გაძლიერებისკენ არის მიმართული, ხოლო ინ-იოგა უფრო ქალური ასანაა, რომელიც ქსოვილების გაჭიმვისა და მოქნილობის განვითარებისკენ არის მიმართული. თქვენ რომელი იოგა შეგესაბამებათ?
ცნობილია, რომ იან-იოგა ჩაკრებში სასიცოცხლო ენერგიის ნაკადს აძლიერებს, სწორედ ამიტომ ბევრ მას ირჩევს. თუ ჩაკრები დახშულია, ენერგია სწორად ვერ იმოძრავებს და იან-იოგის ეფექტურობა მცირე იქნება.
სწორედ ამიტომ, დღეს ვივიენი გიამბობთ, რატომ არის ინ-იოგის ვარჯიში მნიშვნელოვანი, განსაკუთრებით ქალებისთვის, ასევე ყველაზე ძლიერ ასანებს გიჩვენებთ.
იოგა ქალებისთვის
1. დრაკონის პოზა
ოთხზე დადექით, ამ პოზიდან მარჯვენა ფეხით ნაბიჯი წინ გადადგით. მარჯვენა ტერფი ოდნავ მარჯვნივ გასწიეთ, ორივე ხელისგული მუხლზე დაიდეთ. ასეთ მდგომარეობაში რამდენიმე წუთით გაჩერდით. შემდეგ კვლავ ოთხზე დადექით, მოდუნდით და რამდენიმე ღრმა ჩასუნთქვა გააკეთეთ. ვარჯიში მეორე მხარეს გაიმეორეთ.
ეს ასანა საზარდულის, მენჯის დიაფრაგმას და ფეხის კუნთების კარგად დამუშავებაში დაგეხმარებათ. ასევე ენერგეტიკულ არხებს კარგად წმენდს და ბალანს აღადგენს.
2. პოზა შეკრული კუთხიდან
იატაკზე დაჯექით, ზურგი გამართული გქონდეთ, ფეხები წინ გამოწეული. შემდეგ ფეხები მუხლებში მოხარეთ, ხელებით ქუსლებს მოჰკიდეთ და საზარდულისკენ მისწიეთ, რამდენადაც შესაძლებელია. ქუსლები შეაერთეთ, ხელებით მყარად დაიჭირეთ. დუნდულები გვერდზე გასწიეთ, ეცადეთ მუხლები იატაკს დააბჯინოთ. ხერხემალი გაასწორეთ, წინ იყურეთ.
ამ ასანაში მანამ გაჩერდით, სანამ თავს კომფორტულად იგრძნობთ. შემდეგ ამოსუნთქვით კორპუსი ქვემოთ დასწიეთ, ამასთან სწორი ხერხემალი შეინარჩუნეთ. ეცადეთ თავი და კორპუსი იატაკს დაადოთ. პირველივე ჯერზე ამის მიღწევა გაგიჭირდებათ, მაგრამ ამ შედეგისკენ უნდა ისწრაფვოდეთ. მაქსიმალურ წერტილში რამდენიმე წუთით გაჩერდით, შემდეგ კი ამოსუნთქვაზე აიწიეთ და საწყის პოზას დაუბრუნდით.
3. ნემსიყლაპიას პოზა
ძლიერი ენერგეტიკული გავლენის გარდა ასანა მხრების კუნთების ინტენსიურ გაჭიმვას და მხრების სახსრების მოქნილობის განვითარებას ხელს შეუწყობს.
მუცელზე დაწექით, იდაყვებს დაეყრდენით და სხეული ასწიეთ. მარჯვენა ხელი მარცხენა მხარეს გასწიეთ, მარცხენა ხელი კი მარჯვენა მხარეს. სხეული იატაკზე დასწიეთ და კორპუსი ხელებზე გადაიტანეთ, რომ კისრის ზედმეტი დაძაბულობა მოხსნათ. ნელა და თანაბრად ისუნთქეთ, კუნთებს სრული მოდუნების საშუალება მიეცით. ამ პოზაში ერთი წუთით გაჩერდით. ასანიდან გამოდით და ხელების შეცვლით კვლავ გაიმეორეთ.
4. სამეფო მტრედის პოზა
მარცხენა ფეხი მუხლში მოხარეთ. ხელისგულები ქუსლის ორივე მხარეს მოათავსეთ. ხელისგულებზე დაყრდნობით მუხლში მოხრილი ფეხი იატაკს მიაბჯინეთ და ბარძაყის გარე მხარეს მოათავსეთ. მარჯვენა ფეხი იატაკზე გაჭიმეთ. კორპუსი გაასწორეთ, გულმკერდი გახსენით, თავით ჭერისკენ აიწიეთ. ამ ასანაში სუნთქვის 5 ციკლი გაჩერდით.
ასანას გაუმჯობესებულ ვერსიაში მარჯვენა ფეხი მუხლში იხრება და თავისკენ იჭიმება. თავიდანვე ამის გაკეთება გაგიჭირდებათ, მაგრამ ეს ისაა, რისკენაც უნდა ისწრაფვოდეთ.
5. უპავიშტჰა კონასანა
იატაკზე დაჯექით, ფეხები მუხლებში გამართეთ და მაქსიმალურად გვერდებზე გასწიეთ. იდეალური იქნება თუ ერთ ხაზზე განათავსებთ. ახლა კორპუსი წინ დახარეთ, თუ შეძლებთ იატაკს ბოლომდე დაებჯენით ან ხელებით თავი გაიმაგრეთ. ამ ასანაში 5 სუნთქვის ციკლი გაჩერდით.
6. ხის პოზა
მთის პოზა მიიღეთ. ამოსუნთქვაზე მარჯვენა ფეხი მოხარეთ, წონა მარცხენა ფეხზე გადაიტანეთ. მარჯვენა ტერფი მეორე ფეხის დუნდულის შიდა მხარეს საზარდულის არესთან ახლოს მოათავსეთ.
მკერდის დონეზე ხელისგულები შეაერთეთ, შემდეგ კი ხელები თავს ზემოთ აიტანეთ. ბალანსი შეინარჩუნეთ და 5-7 სუნთქვის ციკლი შეასრულეთ. მეორე ფეხზე გაიმეორეთ.
7. მეომრის პოზა
სწორად დადექით, ამოსუნთქვაზე მარჯვენა ფეხით ფართო ნაბიჯი გადადგით. მარცხენა ფეხი მუხლში მოხარეთ. კორპუსი ქვემოთ და მარჯვნივ გააბრუნეთ. ხელები გამართეთ და ასევე სხვადასხვა მხარეს გასწიეთ. გულმკერდი გახსენით, იგრძენით, როგორ იჭიმება კუნთები, გულის არე იხსნება, ხოლო სხეული ენერგიით ივსება.
ასანაში 5-7 სუნთქვის ციკლი გაჩერდით, შემდეგ მეორე მხარეს გაიმეორეთ.
8. პრასარიტა პადოტანასანა
სწორად დადექით, ფეხები მხრების გასწვრივ. ამოსუნთქვაზე წინ დაიხარეთ, მთელი კორპუსით დუნდულებისკენ მიიწიეთ. ხელისგულები იატაკს დააბჯინეთ ან მუხლებზე დაიდეთ. ფეხები მაქსიმალურდ გაასწორეთ, ზურგი მოადუნეთ.
ყველა ეს ასანა კუნთების მოსადუნებლად არის მიმართული. ეს თავისებური მედიტაციაა იოგით. სწორედ ამიტომ, ვარჯიშის შესრულების დროს ღრმად ისუნთქეთ და სრულად მოდუნდით. თუ კუნთები დაძაბული გექნებათ, მთელ დატვირთვა მათზე გადავა, თქვენი მიზანი კი შემაერთებელი ქსოვილების დაჭიმვაა. სწორედ მათზე რომ იმუშაოთ, მაქსიმალურად უნდა მოდუნდეთ.
სწორად შესრულებული ასანა გააუმჯობესებს გაჭიმვას, სახსრებს გააძლიერებს, ასევე მოდუნებას და რელაქსაციას გასწავლით. ამასთან სისხლის მიმოქცევა გაუმჯობესდება, იმუნიტეტი გაძლიერდება, სტრესი და შფოთვა გაქრება. თავს უკეთ იგრძნობთ არა მხოლოდ ფიზიკურად, არამედ ენერგიულ, ფსიქოლოგიურ და ემოციურ დონეზე.
თუ სტატია ინფორმაციული იყო, მეგობრებს სოციალურ ქსელში გაუზიარეთ.
