ზამთრისთვის კონსერვების მომზადება არის საქმიანობა, რომელიც ბოლო წლებია დიასახლისებმა მიატოვეს. სულ უფრო ხშირად, კლასიკურ დაკონსერვებას ხილისა და ბოსტნეულის გაყინვა ანაცვლებს. ამას გარდა, ნებისმიერ სუპერმარკეტში შეგვიძლია შევიძინოთ ნებისმიერი პროდუქტი და ამით დავზოგოთ საკუთარი დრო. მაგრამ არსებობს სახლში მომზადებული კონსერვები, რომლებზეც უარის თქმა უბრალოდ შეუძლებელია. მაგალითად, ბადრიჯანი ზამთრისთვის ნივრით, რომელსაც მე ყოველთვის მოვამზადებ, რადგან მის გარეშე ჩემს ოჯახს უბრალოდ ვერ წარმოუდგენია საკუთარი რაციონი.
ეს რეცეპტი მეგობარმა გამიზიარა. როდესაც მათ ოჯახში სტუმრები ჰყავთ, სუფრაზე კერძების უმეტესობას დიასახლისი ამზადებს, ან მზა საკვებს იძახებენ. მაგრამ ნივრიან ბადრიჯანს თავად ჩემი მეგობარი ამზადებს, დაწყებული ბოსტნეულის ყიდვით და დამთავრებული ქილების დაკონსერვებით. და მისი მომზადებული კონსერვი შესანიშნავია. მას შემდეგ რაც მეგობარმა რეცეპტი გამიზიარა, ამ საჭმელს მეც ვამზადებ ჩემი ოჯახისთვის.
ბადრიჯანი ზამთრისთვის ნივრით
ამ კონსერვის მომზადებას დიდი დრო და ბევრი ძვირადღირებული პროდუქტი არ სჭირდება. ყველა ინგრედიენტის შეძენა შესაძლებელია ნებისმიერ ბაზარში ან სუპერმარკეტში. ნივრიანი ბადრიჯნის გემო უბრალოდ შესანიშნავია. ის უხდება როგორც ყოველდღიურ სუფრას, ასევე სადღესასწაულო მენიუს.
ინგრედიენტები:
- 1,5 კგ ბადრიჯანი;
- 500 გ ბულგარული წიწაკა;
- 4 ცალი ცხარე წიწაკა;
- 100 გ ნიორი;
- 3,5 ს/კ მარილი;
- 230 გ შაქარი;
- მცენარეული ზეთი 115 მლ;
- 825 გრ ტომატის წვენი;
- 125 გ ძმარი;
- 1 ჩ/კ შავი პილპილი;
- დაფნის ფოთოლი;
- 1,5 ლიტრი წყალი.
მომზადების წესი:
1.პირველ რიგში მოვამზადოთ ბადრიჯანი. უმჯობესია შეიძინოთ მცირე ზომის ბოსტნეული, რათა მოხერხებულად დაჭრათ პორციებად. გარეცხეთ ბადრიჯანი და დაჭერით 1–1,5 სმ სისქის ნაჭრებად.
2. წყალში ჩაყარეთ 2 ს/კ მარილი და აურიეთ. ეს ხსნარი დაასხით დაჭრილ ბადრიჯანს და გააჩერეთ ნახევარი საათი.
3. ამ დროის განმავლობაში მოამზადეთ დარჩენილი ინგრედიენტები. გარეცხეთ ბულგარული წიწაკა და დაჭერით ნაჭრებად.
4. ცხარე წიწაკა გარეცხეთ და დაჭერით რგოლებად. არ არის აუცილებელი ცხარე წიწაკისგან თესლის ამოღება. გაითვალისწინეთ, რომ თუ უფრო რბილი გემო მოგწონთ, არ გჭირდებათ ცხარე წიწაკის დამატება.
5. ახლა თქვენ უნდა დააქუცმაცოთ ბულგარული და ცხარე წიწაკა და ასევე ნიორი. მე ამისთვის ხორცსაკეპ მანქანას ვიყენებ, მაგრამ ბლენდერი ან სამზარეულოს კომბაინიც გამოდგება.
6. დამარილებული ბადრიჯანი მოათავსეთ დიდ ქვაბში. დაუმატეთ წიწაკებისა და ნივრის ნარევი და დაფნის ფოთოლი.
7. დაამატეთ შაქარი, დაფქული წიწაკა, მცენარეული ზეთი, შემდეგ კი დაასხით ტომატის წვენი. გამოდგება როგორც სახლში მომზადებული, ასევე მაღაზიაში ნაყიდი წვენი. კარგად აურიეთ, დააფარეთ თავსახური და მიიყვანეთ ადუღებამდე.
8. ბადრიჯნის ადუღების შემდეგ დაამატეთ 1,5 ს/კ მარილი და ძმარი. ისევ აურიეთ და კიდევ 5 წუთი ადუღეთ. ბადრიჯანი უნდა გახდეს რბილი, მაგრამ არ დაკარგოს სტრუქტურა.
9. ბადრიჯანი გადაიტანეთ სტერილიზებულ ქილებში და დაახურეთ თავსახური. მიღებული კონსერვების ქილები დადგით თავდაყირა, გადააფარეთ თბილი ქსოვილი და დაელოდეთ სანამ მთლიანად გაცივდება. უკვე რამდენიმე დღის შემდეგ შეგიძლიათ ბადრიჯანი დააგემოვნოთ, მაგრამ უმჯობესია დაელოდოთ ზამთარს. გემრიელად მიირთვით!
