ადრე თუ გვიან, თითოეული ჩვენგანი აწყდება გაჭედილი ნიჟარის პრობლემას. ინტერნეტში წავაწყდი მასალებს, სადაც გვირჩევენ ყოველ საღამოს ნიჟარის ხვრელში ცოტაოდენი ჭურჭლის სარეცხი სითხის ჩასხმას. ეს ერთგვარი პრევენციის მეთოდია. ის შეიძლება დაგვეხმაროს, მაგრამ მაინც ჯობია იყო მომზადებული. გაჭედილი მილების დამოუკიდებლად გაწმენდით, შეძლებთ გარკვეული თანხის დაზოგვას.
მილების გაწმენდა
რა თქმა უნდა, ქვის ხანაში არ ვართ. მაღაზიებში შეგიძლიათ შეიძინოთ სხვადასხვა საშუალება, რომელიც დაგეხმარებათ გაუმკლავდეთ გაჭედილი მილების პრობლემას. მაგრამ სავსებით შესაძლებელია, რომ სახლში უკვე გქონდეთ ყველაფერი, რაც საჭიროა ამ პრობლემის მოსაგვარებლად. ეს ნიშნავს, რომ არ მოგიწევთ ზედმეტი ფულის დახარჯვა.
ვივიენის დღევანდელ სტატიაში გაგიზიარებთ გაჭედილი მილების პრობლემის მოგვარების ხალხურ მეთოდებს. ამისთვის დაგჭირდებათ საშუალებები, რომლებიც თითქმის ყველა სახლშია. თუმცა პრობლემის გადაჭრას შეიძლება ცოტა მეტი დრო დასჭირდეს. ასე რომ, თავად გადაწყვიტეთ, რა არის თქვენთვის უფრო მნიშვნელოვანი.
მდუღარე წყალი
ძალიან ხშირად, ბლოკირების მიზეზი არის ცხიმი, რომელიც გაიყინა მილებში საკვების ნარჩენებთან ერთად. მის მოსაშორებლად, გამოიყენეთ ცხელი წყალი. თუ ლითონის მილები გაქვთ, შეგიძლიათ მდუღარე წყალი ჩაასხათ. პლასტმასის მილების შემთხვევაში, არ გამოიყენოთ 65 გრადუსზე ცხელი წყალი, რათა არ დააზიანოთ მილები.
სანიაღვრე ხვრელში ჩაასხით დაახლოებით 1 ლიტრი ცხელი წყალი. ამის შემდეგ დაელოდეთ 20 წუთს და გახსენით წყალი. თუ პრობლემა არ მოგვარდა, შეგიძლიათ გამოიყენოთ დგუში. სქემა იგივეა: ასხამთ წყალს და ელოდებით. შემდეგ რამდენჯერმე დააჭირეთ დგუში ხვრელს და მკვეთრად მოაშორეთ.
ხალხური საშუალებები
გაჭედილი მილების გაწმენდის ერთ-ერთი ყველაზე პოპულარული მეთოდია საკვები სოდა და ძმარი. როგორც ცნობილია, ისინი ერთად იძლევიან რეაქციას ნახშირორჟანგის გამოყოფით. სწორედ მას შეუძლია დაგეხმაროთ ბლოკირების მოცილებაში. ჩაყარეთ 150 გრამი სოდა სანიაღვრე ხვრელში, შემდეგ დაასხით დაახლოებით იგივე რაოდენობის ძმარი. სანიაღვრე უნდა დაიხუროს საცობით ან ნაჭრით, შემდეგ კი დაელოდეთ დაახლოებით ნახევარ საათს. ბოლოს ჩარეცხეთ საკმაო რაოდენობის ცხელი წყლით.
გამოცდილი ადამიანების კიდევ ერთი რჩევაა საკვები სოდის და მარილის გამოყენება. ნახევარი ჭიქა სოდა და 1 ჭიქა მარილი უნდა გახსნათ თბილ წყალში და ჩაასხათ ნიჟარაში. შემდეგ უნდა დაელოდოთ და ჩარეცხოთ წყლით. მეორე ვარიანტია მარილისა და სოდის ნიჟარაში ჩაყრა და დილამდე გაჩერება. დილით კი სანიაღვრე უნდა ჩარეცხოთ.
ყველაზე რადიკალური მეთოდი კაუსტიკური სოდის გამოყენებაა (შეგიძლიათ შეიძინოთ საყოფაცხოვრებო ქიმიის მაღაზიაში). ის ეხმარება არა მხოლოდ ნიჟარის და სიფონის გასუფთავებას, არამედ მილების გასუფთავებასაც. ასეთი სოდა უნდა იყიდოთ დაახლოებით 2-3 კგ.
აიღეთ ლითონის ვედრო, ჩაყარეთ სოდა და შეავსეთ ცივი წყლით. ურიეთ სანამ ხსნარი ერთგვაროვანი გახდება. ამის შემდეგ ქვაბი დადგით ცეცხლზე. არავითარ შემთხვევაში არ მიიყვანოთ ადუღებამდე, წინააღმდეგ შემთხვევაში სოდა თავის თვისებებს დაკარგავს. ტემპერატურა არ უნდა იყოს 70 გრადუსზე მაღალი.
გადმოდგით ცეცხლიდან და დაახლოებით ნახევარი ჩაასხით ხვრელში. შემდეგ დაელოდეთ ორ საათს და დაამატეთ დარჩენილი სითხე. შემდეგ ნიჟარა კიდევ ორი საათის განმავლობაში არ გამოიყენოთ. ბოლოს კარგად ჩარეცხეთ მილები წყლით.
ასევე გვსურს შეგახსენოთ, რომ ხანდახან თვითშემოქმედებამ შეიძლება გამოიწვიოს სავალალო შედეგები. თუ დარწმუნებული ხართ, რომ არცერთი ხალხური მეთოდი არ გამოგადგებათ, ისევე როგორც მაღაზიაში ნაყიდი საშუალებები, მაშინ სჯობს პროფესიონალი გამოიძახოთ. მას აქვს სპეციალური მოწყობილობები, როგორიცაა სანტექნიკური ტროსი. ამით შეიარაღებულები ნამდვილად შეძლებენ პრობლემის მოგვარებას.
