ექიმმა და ტელეწამყვანმა ელენა მალიშევამ პრეპარატ კვინსენტას უწოდა – „რევოლუცია სიმსუქნის მკურნალობაში“. მისი თქმით, ის არის „რუსული ოზემპიკი”.
-ეს არის სემაგლუტიდი, გლუკაგონის მსგავსი ჰორმონი, სპეციალური ნივთიერება, რომელიც აკონტროლებს ჩვენს ქცევას და ხელს უწყობს წონის დაკლებას! – ამბობს ექიმი.
ერთ-ერთი ცნობილი გვერდითი მოვლენაა – გულისრევა. მალიშევამ განმარტა, რატომ ხდება ეს.
-ვინაიდან კუჭიდან შიგთავსის ევაკუაცია ნელდება, სულ მაძღარი ხართ. თუ ბევრს შეჭამთ, შეიძლება გული აგერიოთ. ამან უნდა მიგიყვანოთ იქამდე, რომ შეამციროთ საკვების რაოდენობა, რომელსაც მიირთმევთ, – აღნიშნა მან.
შესაძლებელია დიარეა, ღებინება და მუცლის შებერილობა.
ასევე შეგვიძლია ვისაუბროთ განსაკუთრებულ გვერდით მოვლენებზე გარკვეული დაავადებების მქონე პაციენტებში. მაგალითად, კუჭ-ნაწლავის დაავადებების შემთხვევაში.
ზოგადად, ოზემპიკს ნიშნავენ გულ-სისხლძარღვთა დაავადებების რისკის შესამცირებლად ტიპი 2 შაქრიანი დიაბეტის მქონე პაციენტებში და გულ-სისხლძარღვთა დაავადებების მაღალი რისკის მქონე პაციენტებში, როგორც დამატებას გულ-სისხლძარღვთა დაავადებების სტანდარტული მკურნალობის დროს. მხოლოდ ექიმის დანიშნულებით!
არსებობს მონაცემები, რომ როგორც კი ადამიანები წყვეტენ სემაგლუტიდური პრეპარატების მიღებას, ხდება წონაში მკვეთრი მატება. კვლევა, რომელიც Diabetes, Obesity and Metabolism-ში გამოქვეყნდა, გვატყობინებს კანონზომიერების შესახებ: ადამიანების უმეტესობა წონას კვლავ იბრუნებს – წამლის მიღების შეწყვეტიდან ერთი წლის განმავლობაში.
კვინსენტას გამოყენების უკუჩვენებები (ინსტრუქციებიდან):
- ჰიპერმგრძნობელობა სემაგლუტიდის მიმართ;
- ფარისებრი ჯირკვლის მედულარული კიბოს ანამნეზი, ოჯახის ჩათვლით;
- მრავლობითი ენდოკრინული ნეოპლაზია ტიპი 2;
- შაქრიანი დიაბეტი ტიპი 1;
- დიაბეტური კეტოაციდოზი.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
