გასტროენტეროლოგმა დილიარა ლებედევამ თქვა, რომ ფერიტინის ნაკლებობამ შეიძლება გააუარესოს ცხოვრების ხარისხი. ამ დროს შეინიშნება თმის ცვენა, კანის სიმშრალე და ძლიერი დაღლილობა.
თუ ფერიტინის დონე ნორმაზე დაბალია, ეს შეშფოთების მიზეზია.
-რა დონე ითვლება ნორმად? 60 და ზემოთ! გახსოვდეთ, რომ მაშინაც კი, თუ სისხლში რკინის საერთო დონე ნორმის ფარგლებშია, თქვენ მაინც შეიძლება განიცადოთ რკინის დეფიციტი ტრანსფერინის გაჯერების დაბალი კოეფიციენტის გამო, – ხაზგასმით აღნიშნა ექიმმა თავის ბლოგში.
აუცილებელია ორგანიზმში რკინის დონის მონიტორინგი და რეგულარული შემოწმება არა მხოლოდ მისი, არამედ ტრანსფერინის გაჯერების კოეფიციენტისაც!
რკინა არის „ჩვენი შინაგანი ენერგიის გენერატორი”, – აღნიშნა ექიმმა. ის ხელს უწყობს ჟანგბადის გადატანას მთელს სხეულში და მხარს უჭერს იმუნურ სისტემას და კოგნიტურ ფუნქციას.
რა არის შრატის რკინა და ფერიტინი? პირველის მაჩვენებელი ასახავს სისხლში რკინის რაოდენობას, ხოლო მეორე გვიჩვენებს რკინის მარაგს შინაგან ორგანოებში. ის ორგანიზმში რკინის მიკროელემენტების მარაგის 30%-ს შეადგენს, დანარჩენი 70% კონცენტრირებულია ჰემოგლობინში.
სხვა სიტყვებით რომ ვთქვათ, რკინა არის აუცილებელი მიკროელემენტი სისხლის წითელ უჯრედებში, რომლებსაც გადააქვთ ჟანგბადი სხეულის უჯრედებში, ხოლო ფერიტინი ინახავს რკინას და გამოყოფს მას, როდესაც ორგანიზმს ეს სჭირდება. ფერიტინის ძალიან დაბალი დონე იწვევს რკინადეფიციტურ ანემიას.
რკინადეფიციტური ანემია – ანემიის ყველაზე გავრცელებული სახეობაა. როგორც სახელი გვეუბნება, ის დაკავშირებულია ორგანიზმში რკინის ნაკლებობასთან. ნიშნები:
- 1. ადამიანი განიცდის მუდმივ დაღლილობას და სისუსტეს, მცირე ფიზიკური დატვირთვის შემდეგაც კი.
- 2. კანს შეიძლება ჰქონდეს ფერმკრთალი ან მოყვითალო ელფერი, ხოლო ლორწოვანი გარსები (როგორიცაა ღრძილები) იყოს ფერმკრთალი.
- 3. სუნთქვის გაძნელება, ქოშინი.
- 4. თავბრუსხვევა და თავის ტკივილი.
- 5. ხელები და ფეხები მუდმივად ცივია.
- 6. ფრჩხილები შეიძლება გახდეს სუსტი და მტვრევადი, თმა კი შეიძლება გახდეს გამოფიტული და ცვიოდეს.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
