ენდოკრინოლოგი ზუჰრა პავლოვა: ჭარბი ოფლიანობა შეიძლება იყოს საშიში პათოლოგიების სიმპტომი.
ექიმმა პავლოვამ თქვა, რომ ოფლიანობა შეიძლება იყოს გადაჭარბებული და ნორმის ფარგლებს ცდებოდეს.
„თუ გამუდმებით ოფლიანობთ, მაშინაც კი, როცა გრილა, ეს ნორმა აღარ არის. ეს შესაძლოა ფარისებრ ჯირკვალთან დაკავშირებულ პრობლემებზეც მიუთითებდეს“, – განაცხადა სპეციალისტმა.
ექიმმა აღნიშნა, რომ ასეთი ოფლიანობა შეიძლება იყოს პროვოცირებული ჰიპერთირეოზით (თირეოტოქსიკოზი), რომლის დროსაც ფარისებრი ჯირკვალი გამოიმუშავებს ჰორმონ თიროქსინის მომატებულ რაოდენობას. ეს ჰორმონი „ასტიმულირებს“ მეტაბოლურ პროცესებს, ასე რომ, ადამიანმა შეიძლება ჩვეულებრივზე მეტი ჭამოს და ამავდროულად დაიკლოს წონაში. ფარისებრი ჯირკვლის ამ დაავადების სხვა ნიშნებია გადაჭარბებული შფოთვა და გაღიზიანება, აჩქარებული პულსი და ტრემორი.
ზუხრა პავლოვამ დასძინა, რომ ქალებში ჭარბი ოფლიანობა ხშირად „მეტყველებს“ ჰორმონალური ბალანსის ცვლილებაზე. ბევრ ქალს ეს შეენიშნება მენოპაუზის დაწყებისთანავე. მაგრამ ფერტილური ასაკის ქალებში ასეთი ოფლიანობა შეიძლება იყოს საშიში დარღვევების, მათ შორის კიბოს ნიშანი.
„ეს შეიძლება იყოს სერიოზული დაავადებების მანიშნებელი – გულ-სისხლძარღვთა დაავადებებითა და ანთებითი პროცესებით დაწყებული, კიბოთი დამთავრებული“, – თქვა ექიმმა.
რაც შეეხება მამაკაცებს, მათი გაზრდილი ოფლიანობა შეიძლება მიუთითებდეს პროსტატის პრობლემებზე, რომლებიც გამოწვეულია ჰორმონის დიჰიდროტესტოსტერონის დისბალანსით (რომელიც დიდწილად განსაზღვრავს პროსტატის ჯირკვლის მდგომარეობას). ექიმის თქმით, თუ მამაკაცები ჭარბად ოფლიანობენ, მათ უნდა აკონტროლონ სხვა არასასურველი სიმპტომები (მაგალითად, როგორიცაა თმის ცვენა, კანისა და შარდის პრობლემები). თუ მათ შეამჩნევთ, აუცილებლად უნდა მიმართოთ უროლოგს, გვირჩევს სპეციალისტი.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
