გასტროენტეროლოგი ევგენი ბელუსოვი: ნაღვლის ბუშტში კენჭები შეიძლება გაჩნდეს როგორც გადაჭარბებული კვებითი შეზღუდვების, ასევე გადაჭარბებული კვების გამოც.
ექიმმა ბელუსოვმა თქვა, რომ ნაღვლის ბუშტში კენჭებმა ან ნაღველ-კენჭოვანმა დაავადებამ შეიძლება დიდი ხნის განმავლობაში არ გამოიწვიოს გამოხატული სიმპტომები.
„ნაღველ-კენჭოვანი დაავადების მზაკვრულობა იმაში მდგომარეობს, რომ ის დიდი ხნის განმავლობაში მიმდინარეობს სიმპტომების გარეშე”, – თქვა ექიმმა.
ევგენი ბელუსოვმა დასძინა, რომ ამ პათოლოგიის გაჩენაზე შეიძლება გავლენა იქონიოს არსებითად საპირისპირო ფაქტორებმა: ერთის მხრივ, შიმშილმა, მკაცრმა შეზღუდვებმა და დიეტამ, ხოლო მეორეს მხრივ, ჭარბმა კვებამ, ცხიმიანი ან შემწვარი საკვების სიყვარულმა. წონის ძალიან სწრაფად დაკლება ან, პირიქით, სიმსუქნე და ინსულინრეზისტენტობა არის გარემოებები, რომლებიც ასტიმულირებს ნაღველ-კენჭოვანი დაავადების განვითარებას, ხაზგასმით აღნიშნა ექსპერტმა.
გარდა ამისა, ნაღვლის ბუშტში კენჭების წარმოქმნას ხელს უწყობს ნაწლავის დაავადებები, შარდის ბუშტის ხანგრძლივი ანთება და ჰელმინთებით ინფიცირება.
ექიმმა ახსნა, თუ რა ნიშნები მიუთითებს მათზე და თქვა, რომ ყურადღება უნდა მიექცეს შემდეგ მდგომარეობებსა და შეგრძნებებს:
- სიმწარის შეგრძნება პირში (განსაკუთრებით დილაობით);
- გულისრევა და ღებინება, რომლის შემდეგაც არ გრძნობთ შვებას;
- მუდმივი ბოყინი;
- დიარეა;
- სიმძიმე და ტკივილი მარჯვენა ნეკნთა ქვეშ.
მსგავსი ნიშნების აღმოჩენისას, უნდა მიმართოთ გასტროენტეროლოგს, ხაზგასმით აღნიშნა სპეციალისტმა.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
