ექიმი ზუხრა პავლოვა: ყავის ძალიან ხშირად ან არასწორად დალევამ შეიძლება შეამციროს ორგანიზმში ისეთი მნიშვნელოვანი მიკროელემენტის დონე, როგორიცაა კალციუმი.
ენდოკრინოლოგმა ზუჰრა პავლოვამ ერთ-ერთ ინტერვიუში ისაუბრა ყავის არასწორად მოხმარების მავნე ზემოქმედების შესახებ. კერძოდ, ყავა შეიძლება იყოს საზიანო, თუ ადამიანი მოიხმარს დიდი რაოდენობით – დღეში ორ ფინჯანზე მეტს – დიდი ხნის განმავლობაში.
პავლოვამ ასევე თქვა, რომ არ უნდა დალიოთ ყავა ჭამის შემდეგ დაუყოვნებლივ.
ექიმმა განმარტა, რომ გამამხნევებელი სასმელი შეიცავს ტანინებს – ნივთიერებებს, რომლებსაც აქვს აქტიური შემაკავშირებელი თვისებები. ადამიანის ორგანიზმში ისინი ურთიერთქმედებენ კალციუმთან, რაც ხელს უშლის ამ მიკროელემენტის სრულად ათვისებას. ექიმმა პავლოვამ აღნიშნა, რომ ყავის არასწორი მოხმარება ადამიანის ორგანიზმიდან გამოდევნის გულისთვის მნიშვნელოვან კალციუმს, რომელსაც ორგანიზმი იყენებს კუნთების (მათ შორის გულის კუნთის) მუშაობისთვის.
გარდა ამისა, კალციუმის ნაკლებობა უარყოფითად მოქმედებს ძვლებისა და კბილების მდგომარეობაზე.
„თუ ხშირად ვაყოლებთ საჭმელს ყავას, მაშინ ორგანიზმს არ ყოფნის კალციუმი, მათ შორის გულის და სხვა კუნთების ფუნქციონირებისთვის. ეს იწვევს პარათირეოიდული ჰორმონის დონის მატებას, რომელმაც უნდა უზრუნველყოს საკმარისი რაოდენობით კალციუმი სისხლში. კალციუმის ნაკლებობისას, ის იწყებს მის ამოღებას რეზერვებიდან, ანუ ძვლებიდან და კბილებიდან, რაც მათ უფრო მყიფეს ხდის“, – განმარტა სპეციალისტმა.
ექიმი გვირჩევს ყავის დალევას მხოლოდ ზომიერად და ჭამიდან დაახლოებით ერთი საათის შემდეგ.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
