ძეხვი – სწორედ ის უნივერსალური პროდუქტია, რომელსაც ზოგი ყოველდღიურად მიირთმევს, ზოგი – სურვილის შემთხვევაში, ზოგი კი – მხოლოდ სადღესასწაულო სუფრისთვის ყიდულობს. ასეა თუ ისე, დღესდღეობით მთელს მსოფლიოში ძეხვეულის უამრავ სახეობას ითვლიან: ეს არის ფუეტიც, ჩორიზოც და სალიამიც. თუმცა, ცოტა თუ დაფიქრებულა იმაზე, თუ რატომ ჭრიან ძეხვს ირიბად.
იქნებ, ეს ძველი ტრადიცია ან ცრურწმენაა, რომელსაც განსაკუთრებული მნიშვნელობა არ გააჩნია? იქნებ, ეს კულინარიის ტექნოლოგიური ნიუანსია, რომელსაც ყველამ უნდა დაუთმოს ყურადღება? სინამდვილეში, ყველაფერი ბევრად მარტივია, ვიდრე შეიძლება გვეგონოს. ვივიენის დღევანდელ სტატიაში ამის შესახებ დაწვრილებით გიამბობთ. მოამზადეთ არომატული ჩაი და საყვარელი ძეხვის სენდვიჩი და სავარძელში მოხერხებულად მოთავსდით.
რატომ ჭრიან ძეხვს ირიბად: საინტერესო ლეგენდა
ვენაში მრავალი საუკუნეა დადის იუმორისტული ლეგენდა, რომლის მიხედვითაც ერთმა ყასაბმა ძეხვი ირიბად მეტად უცნაური გარემოებების გამო დაჭრა. საქმე ისაა, რომ როდესაც ის დილით საწოლიდან წამოდგა, ნახა, თუ როგორ იქექებოდა მის ფეხსაცმელში თაგვი. სასოწარკვეთილი, სამსახურში ცალი შიშველი ფეხით წავიდა. ამ უხერხულობის გამო, მამაკაცს არ შეეძლო ყურადღების რაიმეზე გამახვილება და ამიტომ, ჭრიდა თავის პროდუქტს, როგორც მოუხერხდებოდა.
ასე გახდა ნათელი, რომ ირიბად დაჭრილი ძეხვი უფრო მადისაღმძვრელად და მიმზიდველად გამოიყურება. მას შემდეგ ადგილობრივ მაღაზიებში ამ პროდუქტს ლამაზ ირიბ ნაჭრებად ყიდიან. რა თქმა უნდა, ეს უკვე ისტორიაა, ან, შესაძლოა, ხალხის მიერ მოგონილი ამბავი, მაგრამ ასეა თუ ისე, არსებობს უფრო დამაჯერებელი ფაქტები იმისთვის, რომ ბევრისთვის საყვარელი პროდუქტი ირიბად დაიჭრას.
როგორ დავჭრათ ძეხვი სწორად
სინამდვილეში, ძეხვი ირიბად იჭრება იმიტომ, რომ ეს ფაქტიურად ტექნოლოგიური აუცილებლობაა. თერმული დამუშავებისას ხორცის სტრუქტურა მნიშვნელოვნად იცვლება. ბოჭკოები ხდება უფრო მკვრივი და უხეში. თუ ძეხვს ბოჭკოების გასწვრივ დაჭრით, ისინი სერიოზულ წინააღმდეგობას გაგიწევთ. თუ ძეხვს ირიბად დაჭრით, უფრო ადვილი იქნება მისი ცალკეულ ნაჭრებად განაწილება. გარდა ამისა, ირიბად დაჭრილი ძეხვი ნაწილებად არ იშლება და არ კარგავს თავის ფორმას.
ეტიკეტის ექსპერტები ამბობენ, რომ 34-45 გრადუსიანი კუთხით მოჭრილ ძეხვს უფრო მეტი სიბრტყე აქვს და ჭრილი უფრო მიმზიდველია. გამოცდილმა გამყიდველებმა იციან, რომ სწორად დაჭრილი ხორცპროდუქტის ვიტრინა არა მარტო იპყრობს მყიდველების ყურადღებას, არამედ ზრდის საშუალო ჩეკს. და კიდევ, ირიბი ჭრის წყალობით, შეგიძლიათ შეაფასოთ როგორც პროდუქტის ხარისხი, ასევე მისი შემადგენლობა. გარდა ამისა, ეს ქმნის ეფექტს, რომ უფრო მეტი ძეხვია, ვიდრე სინამდვილეშია. ასე რომ, ერთი სენდვიჩისთვის 3-ის ნაცვლად 1-2 ნაჭერი დაგჭირდებათ. თანაბრად თუ დაჭრით, მეტის დახარჯვა მოგიწევთ. ზოგიერთი კულინარიაში ჩართული ბლოგერი ამტკიცებს, რომ პირის ღრუში უფრო დიდი შეხების არეალის გამო, ირიბად მოჭრილი პროდუქტები გემოთი ბევრად უკეთესია. საინტერსოა, არა?
