ნევროლოგი რიჩარდ რესტაკი: დემენციის განვითარებისას ადამიანი კარგავს ჩვეულებრივი მოქმედებების სწორად შესრულების და მარტივი ინფორმაციის გააზრების უნარს.
დემენცია, რომელიც ადამიანს უვლინდება (კოგნიტური ფუნქციების დაკარგვა, მეხსიერების და აზროვნების ჩათვლით) შეიძლება დიდი ხნის განმავლობაში დარჩეს ამოუცნობი. ნევროლოგმა რესტაკმა ისაუბრა, რომ დემენციასთან დაკავშირებული ყველაზე ზუსტი ადრეული ნიშნებია აპრაქსია და აგნოზია. ექიმმა განმარტა, თუ რა დარღვევები იმალება ამ ტერმინების მიღმა.
აპრაქსია. ნევროლოგმა რესტაკმა განმარტა, რომ ეს აშლილობა გულისხმობს რუტინული დავალებების შესრულების უნარის დაკარგვას, რომლებსაც ადამიანი ხანგრძლივი დროის განმავლობაში უპრობლემოდ ასრულებდა. მაგალითად, დემენციის მქონე ადამიანს არ შეუძლია თავად მოამზადოს საკვები – ის ვერ ასრულებს თანმიმდევრული ქმედებების ჯაჭვს, რასაც ასეთი მომზადება გულისხმობს. საუბარია არა მხოლოდ ახალი რეცეპტის მიხედვით რაიმეს მომზადებაზე, არამედ უბრალო და ნაცნობი სადილის მომზადებაზე, რომელსაც მანამდე ყოველგვარი სირთულის გარეშე ამზადებდა. ამასთან, ადამიანს არანაირი მოტორული დეფექტი არ აქვს და საუბრისას მას შეუძლია სწორად დაასახელოს კერძის მომზადების მეთოდი. თუმცა ამის დამოუკიდებლად გაკეთება არ შეუძლია.
„აპრაქსიის მქონე ადამიანს შეუძლია დაასახელოს ყველა საჭირო დეტალი და თქვას კიდეც, ზუსტად როგორ უნდა შესრულდეს მოქმედება, მაგრამ არ შეუძლია ამის გაკეთება. მის ტვინს არ შეუძლია ერთმანეთს დაუკავშიროს ყველა ინფორმაცია და სწორი თანმიმდევრობით დაალაგოს“, – განმარტა ექიმმა.
აგნოზია. აგნოზიის განვითარებისას ხდება ამოცნობის უნარის დაქვეითება: ეს ვრცელდება იმაზე, რაც ყოველთვის კარგად ცნობილი და ნაცნობი იყო. ამრიგად, დემენციის დროს ადამიანები უეცრად იკარგებიან სახლისკენ ან მაღაზიისკენ მიმავალ გზაზე, რომელსაც ისინი წლების განმავლობაში სტუმრობდნენ – მათ ავიწყდებათ როგორ გაიარონ ეს მარშრუტი და ვერ პოულობენ გზას, ნაცნობი გარემოს მიუხედავად.
„აგნოზიით დაავადებული ადამიანი კარგავს გრძნობის ორგანოებისგან მიღებული ინფორმაციის სწორად ინტერპრეტაციის უნარს. მაგალითად, ვერ ცნობს ადამიანებს, რომლებსაც კარგად იცნობს“, – აღნიშნა რიჩარდ რესტაკმა.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
