ენდოუროლოგი ვალენტინ რუბანოვი: დღეში შვიდჯერზე მეტი შარდვის სურვილი შეიძლება იყოს სერიოზული დაავადების ნიშანი.
უროლოგმა რუბანოვმა თქვა, რომ შარდვის სიხშირე ზოგიერთ შემთხვევაში არის ჯანმრთელობის პრობლემების მანიშნებელი. ადამიანებს, რომლებიც შედარებით ხშირად შედიან საპირფარეშოში, ექიმი ურჩევს დააკვირდნენ, დღის განმავლობაში რამდენჯერ უჩნდებათ შარდვის ძლიერი სურვილი. შარდის ბუშტი შეიძლება გააქტიურდეს იმ მიზეზების გამოც, რომლებიც არ არის დაკავშირებული პათოლოგიებთან, მაგრამ ამის მიზეზი ასევე შეიძლება იყოს ზოგიერთი დაავადებაც. კერძოდ, ხშირი შარდვა შეიძლება მიუთითებდეს შარდის ბუშტის ან პროსტატის კიბოზე, აგრეთვე ცისტიტზე, პროსტატიტზე, შარდ-სასქესო ორგანოებში არსებულ ქვებზე, ჰორმონალურ დარღვევებზე და ინსულტის გამომწვევ პროცესებზეც კი.
მაგრამ რასთან არის დაკავშირებული ძალიან ხშირი შარდვა? უროლოგმა რუბანოვმა განმარტა, თუ როდის მოითხოვს გამოკვლევას ხშირი შარდვა. სპეციალისტის თქმით, უნდა მიმართოთ ექიმს, როცა საპირფარეშოში შესვლის სურვილი დღიურ ნორმას გადააჭარბებს.
„18 წელს გადაცილებული ასაკის მამაკაცებსა და ქალებში ჩატარებული კვლევების მიხედვით, შარდვის სიხშირე ასაკთან ერთად იმატებს ორივე სქესში. ნორმა არის სამიდან შვიდამდე დღეში“, – განაცხადა უროლოგმა.
რუბანოვმა დასძინა, რომ ექიმები ასევე საგანგაშო მოვლენად მიიჩნევენ ღამით გახშირებულ შარდვას. თუ ადამიანი ღამით ერთხელ იღვიძებს ამისთვის, მაშინ ნერვიულობა არ არის საჭირო. მაგრამ ღამით ორჯერ გაღვიძება უკვე საყურადღებოა, უფრო ხშირი გამოღვიძება კი ნამდვილად სერიოზული მიზეზია სპეციალისტთან მისასვლელად. უმეტეს შემთხვევაში, ღამით ხშირი შარდვა დაკავშირებულია დიაბეტთან, გულის დაავადებებთან, აპნოესთან და მენჯის ორგანოების დაავადებებთან.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
