ამღვრეული მარილწყალი – ნორმალურია დამწნილებული პროდუქტებისთვის. ასეც უნდა იყოს. ფერმენტაციის პროცესში გამოიყოფა სპეციფიკური ნივთიერებები, რომლებიც კონსერვანტების როლს ასრულებენ და ხელს უწყობენ ბოსტნეულისა და ხილის შენახვის ვადის გახანგრძლივებას. მათი წყალობით ფერმენტირებული პროდუქტები უნიკალურ გემოს იძენს. ბუნებრივ კონსერვანტებს შორის არის რძემჟავა. სწორედ ის არის მარილწყლის ამღვრევის მთავარი მიზეზი.
ვივიენის დღევანდელ სტატიაში გიამბობთ, როგორ უნდა მოიქცეთ, თუ შენიშნავთ, რომ მარილწყალი აიმღვრა.
ამღვრეული მარილწყალი
ჩვენი წინაპრები კიტრს, პომიდორს, კომბოსტოს და ვაშლს მუხის კასრებში ამწნილებდნენ. გამოიყენებოდა ყველაფერი: ბოსტნეულიც და ამღვრეული მარილწყალიც. ჯერ კიდევ მაშინ შენიშნეს დიასახლისებმა ფერმენტირებული პროდუქტების სითხის სამკურნალო თვისებები. ახლა მწნილს ძირითადად მინის ქილებში ინახავენ. მათში ამწნილებენ კიტრს და კომბოსტოს და ჭურჭელს კაპრონის თავსახურებს აფარებენ. მწნილის მარილწყლის სამკურნალო თვისებების შესახებ კი – ადამიანებმა ნელ-ნელა დაივიწყეს.
მწნილი ბოსტნეულიდან დარჩენილი ამღვრეული მარილწყალი არ უნდა გადაასხათ. ეს გაჯერებული სითხე შეიძლება გამოდგეს სხვადასხვა მიზნებისთვის. კიტრის მარილწყალს ხშირად იყენებენ კულინარიაში და სილამაზის რეცეპტებში. მას იყენებენ ხელებისა და ფეხების ნიღბებისა და აბაზანების დასამზადებლად. ასევე გამოიყენება მსუბუქად მოხარშული კომბოსტოს დასამწნილებლად და ნამცხვრების გამოსაცხობად, ასევე კარგად მუშაობს სუპებსა და სოუსებში.
ნამცხვრებისთვის და პროდუქტების დასამარინადებლად სტერილიზებული კიტრის მარინადიც კი შესაფერისია, მაგრამ ფერმენტირებული ხსნარი ჯანმრთელობისთვის უფრო სასარგებლოა. მჟავე კომბოსტოს მარილწყალს გამოიყენებენ ხალხურ მედიცინაში. მას სვამენ საჭმლის მონელების პრობლემების დროს და კიდევ ის დადებითად მოქმედებს ღვიძლზე.
დაკონსერვებული ბოსტნეულის ქილაში, რომლიც სტერილიზაციას დაექვემდებარა, ამღვრეული მარილწყალი საგანგაშოა. მისმა შიგთავსმა არ უნდა შეცვალოს თავდაპირველი სახე შემდგომი შენახვის დროს! ამობერილი თავსახური ან მარილწყლის ამღვრევა მიუთითებს ქილაში ბოსტნეულის დუღილზე, რაც დაუშვებელია თერმული დამუშავების შემდეგ. ასეთი ნიშნები გვაიძულებს ეჭვი შევიტანოთ კონსერვაციის მოხმარებისათვის ვარგისიანობაში. გაფუჭებული კონსერვები უმჯობესია გადაყაროთ, თუ არ გსურთ, რომ ზიანი მიაყენოთ საკუთარ ჯანმრთელობას.
მარინადის ამღვრევის და დაკონსერვებული საკვების გაფუჭების მიზეზები
შესაძლოა, ვარგისიანობის ვადა გასულიყო. დაკონსერვებული საკვების შენახვა არ შეიძლება რამდენიმე წლის განმავლობაში. მწნილი დამზადდა კონტეინერში, რომელსაც შეუძლია დაჟანგვა. მწნილისთვის გამოიყენეს ადრეული ჯიშების კორნიშონი, რომელიც კონსერვაციისთვის არ არის განკუთვნილი.
არ არის დაცული რეცეპტში მითითებული ინგრედიენტების პროპორციები. მარინადში ჩაასხეს გაუფილტრავი წყალი, მან კი ნალექი გამოიღო. ქილების შიგთავსის სტერილიზაცია ჩატარდა საჭიროზე ნაკლებ დროში. თუმცა გადაჭარბებაც არ შეიძლება: დაკონსერვებული საკვები გახდება რბილი. მარილწყალში გამოიყენეს იოდირებული მარილი, ხოლო კონსერვებში მხოლოდ ჩვეულებრივი ქვის მარილის გამოყენება შეიძლება.
მარინადისთვის გამოიყენეს საეჭვო მწარმოებლის ძმარი, ან კონსერვანტს ვადა გაუვიდა. ძველ ქილებზე ნაპრალებმა და ბზარებმა ასევე შეიძლება გამოიწვიოს დაკონსერვებული საკვების გაფუჭება. დაკონსერვებული საკვების მარინადის ამღვრევის მიზეზი შეიძლება იყოს დაბალი ხარისხის კაპრონის ან ლითონის თავსახურები, რომლებიც მჭიდროდ არ ჯდება ქილაზე და არ ინარჩუნებს შუშის ქილის სრულ ჰერმეტულობას.
როდის არ უნდა მოვამზადოთ კონსერვები?
არსებობს ხალხური რწმენები, რომლის მიხედვითაც, გარკვეულ დღეებში არ უნდა დაკავდეთ პროდუქტების კონსერვაციით და დამწნილებით. ასეთი კონსერვები დიდხანს არ შეინახება და მხოლოდ პროდუქტებს გააფუჭებთ.
ცოდვაა მწნილის მომზადება მომავალი გამოყენებისთვის დიდ საეკლესიო დღესასწაულებზე. დიასახლისმა არ უნდა დაამწნილოს ან დაამარინადოს ბოსტნეული, თუ „კრიტიკული“ დღეები აქვს. არ არის რეკომენდებული კონსერვაცია, როდესაც სანათესაოში გარდაცვლილი ადამიანია. უმჯობესია ამის გაკეთება დაკრძალვის შემდეგ.
ახლა თქვენ უკვე იცით დაკონსერვებული საკვების უვარგისობისა და მარილწყლის ამღვრევის შესაძლო მიზეზები. გაითვალისწინეთ ისინი და არ თქვათ, რომ არავინ გაგაფრთხილათ.
