მუდმივი ფეხის ტკივილი საშინელ დისკომფორტს იწვევს და ხელს უშლის კომფორტულ დროის ტარებასა და დასვენებას. ზოგჯერ ძალიან რთულია იმის დადგენა, თუ რატომ გტკივა ფეხები. მთავარ მიზეზად ექიმები ძველ ტრავმებს ასახელებენ (დაჭიმვა, ამოვარდნილობა, მოტეხილობები), ბრტყელტერფიანობა, ართრიტი, ართროზი ან სოკოვანი დაავადებები.
ვივიენის დღევანდელ სტატიაში საუბარია 5 ეფექტურ ვარჯიშზე, რომელთა შესრულებით იგრძნობთ არა მარტო ძალას, არამედ სიმსუბუქესაც სიარულის დროს. ეს ვარჯიშები შეგიძლიათ ჩართოთ რეგულარულ სპორტულ აქტივობებში ან გამოიყენოთ ცალკე. კომპლექსი მშვენივრად „აამოძრავებს“ სისხლსა და ლიმფას მთელს სხეულში, რაც ჭეშმარიტად სამკურნალო ეფექტს იძლევა.
ტერფის ტკივილი: ძირითადი მიზეზები
ტერფი – ჩვენი ჯანმრთელობის ერთ-ერთი მთავარი კომპონენტია, რადგან ჩვენი ფეხები ყოველდღიურად დიდ დატვირთვას იტანს. ტერფები წარმოადგენს მთელი სხეულის საყრდენს და აქტიურ ფუნქციას ასრულებს სიარულის დროს. თუმცა, ადამიანების უმეტესობა უგულებელყოფს ფეხის სწორი პოზიციის მნიშვნელობას. სწორედ ამიტომ არის ახლა ასე გავრცელებული ბრტყელტერფიანობა, ვარიკოზი და მრავალი სხვა დაავადება, რომელიც დაკავშირებულია ხერხემლის ქვედა ნაწილთან და შინაგან ორგანოებთან.
ადამიანის ტერფმა რაც შეიძლება ეფექტურად უნდა შეასრულოს თავისი ფუნქციები, ზედმეტი წნეხისა და დაძაბვის გარეშე. მაგალითად, იმავე ინდიელებს, რომლებმაც პირველი მოკასინები გამოიგონეს, შეეძლოთ სიარული და სირბილი მათში ძალიან დიდი ხნის განმავლობაში, სასწაული გამძლეობის ჩვენებით. იგივე თვისებები ახასიათებთ ჩვენი დროის საუკეთესო მორბენლებს, რომლებიც სპორტული ფეხსაცმლის ყველა ნიუანსს ითვალისწინებენ. საქმე იმაშია, რომ ტერფი პირდაპირ ფიქსირდება, მაგრამ, ამავდროულად, თითები თავისუფალ მდგომარეობაში უნდა იყოს. ეს ავითარებს კუნთების უდიდეს ელასტიურობას უწყვეტი სირბილის, ტვირთის ტარების ან ხანგრძლივი სიარულის დროს.
სწორედ ამიტომ არის ძალიან მნიშვნელოვანი ყოველდღიური ცხოვრებისთვის შესაფერისი კომფორტული ფეხსაცმლის შეძენა. ვიწრო ქუსლიანი ფეხსაცმლის ჩაცმისას, მთელი წონა ავტომატურად ტერფის წინა მხარეს გადადის და ფეხის ყველა თითს აწვება. როდესაც სხეული ქუსლზე არ დგას, თეძოები ვერ ფიქსირდება სტაბილურ მდგომარეობაში და მუხლები ოდნავ იხრება. იმისთვის, რომ ზურგი ამავდროულად სწორი დარჩეს, წონასწორობა ნარჩუნდება ხერხემლის ქვედა ნაწილის ძალისხმევით – სწორედ ამიტომ აქვთ ქალებს ხშირად ზურგის ტკივილი ქუსლიანი ფეხსაცმლით სიარულის შემდეგ. თავად შეკუმშული ტერფიც ქმნის საკმაოდ დიდ დაძაბულობას მენჯის არეში.
გავიხსენოთ ფეხების მჭიდროდ შეხვევის სასაცილო ჩინური ჩვეულება. გოგონების ფეხები სიბერემდე მინიატურული იყო. თუმცა დროთა განმავლობაში არაბუნებრივ სიარულს და ძვლოვან სტრუქტურას საბრალო ქალები გენიტალური ინფანტილიზმისკენ მიჰყავდა. რა თქმა უნდა, ქუსლიან ფეხსაცმელს არ აქვს ასეთი კრიტიკული შედეგები, მაგრამ გასათვალისწინებელია, რომ მუდმივად შებოჭილი თითები და ფეხები დადებითად არ მოქმედებს ქალის ჯანმრთელობაზე.
ტერფის ჯანმრთელობაზე სწორი ზრუნვის შემთხვევაში, ორგანიზმში სისხლის მიმოქცევა საგრძნობლად უმჯობესდება, ლიმფა იწმინდება და მავნე მარილები გამოიყოფა. ამიტომაც ბევრი ექიმი ტერფს „მეორე გულს“ უწოდებს. ამავდროულად, აქტიურდება თითქმის ყველა მეტაბოლური პროცესი, იზრდება ტონუსი, ნორმალიზდება სუნთქვა და ნარჩენები დაუყოვნებლივ გამოიყოფა ორგანიზმიდან.
ერთის მხრივ, ტერფებზე ზრუნვა აუმჯობესებს საყრდენ-მამოძრავებელ ფუნქციას, მეორე მხრივ, ენერგეტიკულ გავლენას ახდენს მთელ ორგანიზმზე. თქვენ დაიწყებთ თქვენი ენერგიის ადეკვატურად განაწილებას და ამავდროულად იფუნქციონირებთ რაც შეიძლება პროდუქტიულად.
5 ვარჯიში ჯანსაღი ტერფებისთვის
გირჩევთ გაეცნოთ ყველაზე ეფექტურ ვარჯიშებს ტერფებისთვის:
- 1.“სისხლის ამოძრავებას“ და დაძაბულობის მოხსნას კანჭის კუნთებზე დაეხმარება წონის გადატანა ტერფიდან ქუსლზე და უკან. გაიმეორეთ ეს ვარჯიში 5-6 ჯერ – ყოველ 2 საათში. დამატებითი ინსტრუმენტი იქნება წრიული მოძრაობები ტერფის სახსრებში.
- 2. დაჯექით სკამზე, მოხარეთ მუხლები მართი კუთხით. აწიეთ ფეხის თითები და ჩამოწიეთ. გაიმეორეთ ეს ვარჯიში 5-8 ჯერ.
- 3. დაჯექით, მოხარეთ მუხლები და შეაერთეთ ისინი მართი კუთხით. გაშალეთ თითები გვერდზე და იატაკიდან ფეხების აწევის გარეშე, გაიმეორეთ ვარჯიში 3-5 ჯერ. შემდეგ აწიეთ ფეხის თითები ზევით, ოდნავ შეაჩერეთ და ჩამოწიეთ ქვემოთ. გაიმეორეთ კიდევ 5-ჯერ.
- 4. დაჯექით და მოხარეთ მუხლები. დარწმუნდით, რომ ისინი მართ კუთხეს ქმნის. გაშალეთ ქუსლები გვერდებზე და იატაკიდან ფეხის თითების აწევის გარეშე, გაიმეორეთ ეს 4-6 ჯერ. შემდეგ იგივე გააკეთეთ ტერფის წინა ნაწილით 4-6-ჯერ.
- 5. დაფინეთ ხალიჩა (სქელი ქსოვილი) ფეხების ქვეშ და ეცადეთ აკორდეონივით დაკეცოთ ფეხებით. გაიმეორეთ ვარჯიში 5-6 ჯერ.
წყლის პროცედურები ფეხებისთვის
საღამოს, სახლში დაბრუნების შემდეგ, პირველ რიგში აბაზანაში შედით. ფეხებს 5 წუთიანი კონტრასტული შხაპი მიაღებინეთ. რა თქმა უნდა, განსაკუთრებული ყურადღება უნდა მიექცეს წვივისა და მუხლების შიდა ზედაპირს: აქ არის ყველაზე მნიშვნელოვანი დამაკავშირებელი ვენები, რომლებიც ყველაზე მგრძნობიარეა ვარიკოზის მიმართ.
წყლის ჭავლის ტემპერატურის ცვლილებები თქვენს სისხლძარღვთა სისტემას ტონუსს შეუნარჩუნებს. გარდა ამისა, ბონუსად მიიღებთ უფრო სუფთა და აჭიმულ კანს ფეხებზე. პერიოდულად მოიწყვეთ წყლის ქარიშხალი: შეავსეთ თასი ცივი წყლით და დააბიჯეთ მასში 2 წუთის განმავლობაში.
ასევე სასარგებლოა შიშველი ფეხებით საბრტყელებლის ან მკვრივი ხაოიანი ბურთის ტარება იატაკზე. ეს შესანიშნავი მასაჟია თქვენი ფეხებისა და თითებისთვის.
