თუ კუნთები გიბუჟდებათ, ეს შეიძლება იყოს ორგანიზმში მაგნიუმის დეფიციტის ნიშანი. ეს მინერალი ძალიან მნიშვნელოვანია. ვივიენის დღევანდელ სტატიაში საუბარია პროდუქტებზე, რომლებიც შეგიძლიათ შეიტანოთ თქვენს რაციონში, რათა უკეთ მოამარაგოთ თქვენი სხეული მაგნიუმით.
ის მოდის მოულოდნელად და ყველაზე შეუფერებელ მომენტში: როცა გძინავს.
რა არის დაბუჟება?
კუნთების დაბუჟება არის კუნთის უნებლიე შეკუმშვა, რომელიც ჩვეულებრივზე მეტხანს გრძელდება.
“ჩვეულებრივ, ტვინის სიგნალები არეგულირებს კუნთების შეკუმშვას და მოდუნებას. თუმცა, დაბუჟების შემთხვევაში, დაძაბულობა ჩნდება ამ სიგნალის გარეშე და, შესაბამისად, საპასუხო სიგნალი ზოგჯერ რამდენიმე წუთს იგვიანებს. ეს იწვევს დაბუჟებას, რომელიც გრძელდება რამდენიმე წუთს”, – ამბობს ნუტრიციოლოგი იგორ სტროკოვი.
ხსნა დაბუჟების დროს: მაგნიუმი
ბევრ სხვა ფუნქციასთან ერთად, მაგნიუმის მთავარი ამოცანაა ორგანიზმში კუნთების ფუნქციის შენარჩუნება. კუნთების სპაზმის გარდა, მაგნიუმის დეფიციტმა ასევე შეიძლება გამოიწვიოს ტრემორი, გულისრევა, კუნთების კრუნჩხვა და სხვა.
„თქვენ აუცილებლად უნდა დააკმაყოფილოთ მაგნიუმის ყოველდღიური საჭიროება. 25 წელზე უფროსი ასაკის ქალმა უნდა მოიხმაროს დაახლოებით 300 მგ მაგნიუმი დღეში, ხოლო მამაკაცმა – დაახლოებით 350 მგ.”
ვინც ბევრს ვარჯიშობს ან სხვა მიზეზების გამო აქვს კუნთების დაბუჟების პრობლემა, განსაკუთრებული ყურადღება უნდა მიაქციოს მაგნიუმის ბალანსს.
ამ შემთხვევაში შესაძლოა სასარგებლო იყოს საკვები დანამატები, მაგრამ ზოგიერთი პროდუქტი, რომელიც განსაკუთრებით მდიდარია მაგნიუმით, ასევე შეიძლება ეფექტური იყოს მაგნიუმის დეფიციტის და კუნთების დაბუჟების თავიდან ასაცილებლად.
ცხრა პროდუქტი, რომელიც ხელს უწყობს კუნთების დაბუჟების მოხსნას
საკმარისი რაოდენობის საკვები ნივთიერებებისა და მინერალების მიღება საკმაოდ მარტივია ზოგიერთი პროდუქტის მიღებით.
ზოგიერთი პროდუქტი რეალურად ეხმარება კუნთებს ფუნქციონალურობის შენარჩუნებაში.
1.თხილეული
ყველა სახეობის თხილეული ხელს უწყობს კუნთების ჯანსაღ ფუნქციონირებას მაგნიუმის და ცილის მაღალი შემცველობის გამო. მცირე რაოდენობით განსაკუთრებით კარგია, ვარჯიშის შემდგომ წასახემსებლად.
„განსაკუთრებულ ყურადღებას იმსახურებს კეშიუ, რადგან მისი 100 გრამი შეიცავს 270 მგ მაგნიუმს. მზესუმზირა კი შეიცავს კიდევ უფრო მეტს, კერძოდ 420 მგ – 100 გ-ზე”, – განმარტავს სტროკოვი.
2. სოიო
სოიო შეიცავს 220 მგ მაგნიუმს 100 გრამზე, სწორედ ამიტომ ტოფუ ცილის პოპულარული წყაროა სპორტსმენებში.
მაგნიუმს შეიცავს უამრავი პარკოსანი მცენარე. ლობიო, მაგალითად, ასევე შეიცავს 150 მგ მნიშვნელოვან მინერალს – 100 გ-ზე.
3. ბანანი
ბანანი წარმოუდგენლად მდიდარია მინერალებით, განსაკუთრებით კალიუმით და მაგნიუმით. ეს იციან სპორტსმენებმაც, რის გამოც მათ სპორტულ ჩანთაში ხშირად აქვთ ბანანი.
„36 მგ მაგნიუმის გარდა, 100 გრ ბანანი შეიცავს 393 მგ კალიუმს – თითქმის მთელ ყოველდღიურ დოზას, რომელიც განსაკუთრებით მნიშვნელოვანია კუნთების მობილურობისთვის“, – ამბობს ექიმი.
4. ქინოა
მარცვლეული არა მხოლოდ გემრიელია, არამედ უფრო მდიდარია მაგნიუმით, ვიდრე ბევრი ალტერნატივა. ქინოა (275 მგ 100 გ-ზე) შეიცავს ბევრად მეტ მაგნიუმს, ვიდრე ბრინჯი.
5. შვრიის ფაფა
ამ დილის ფაფას მუდმივად აქებენ დიეტოლოგები. მაგნიუმის შემცველობით კი ბევრ სხვა საუზმეს აჭარბებს – 130 მგ – 100 გ-ზე. დაამატეთ ცოტა ბანანი და მიიღებთ შეუდარებელ სპორტულ საუზმეს.
6. მთელი მარცვლეული
მთელი მარცვლეული ძალიან სასარგებლოა, რადგან ყველა ვიტამინი და მინერალი თავმოყრილია უშუალოდ გარსის ქვეშ. მთელ მარცვლეულში ისინი შენარჩუნებულია.
„მაგალითად, მთელი მარცვლეულის ორცხობილა შეიცავს 180 მგ მაგნიუმს 100 გ-ზე და მთელი მარცვლეულის მაკარონი ასევე შეიცავს ბევრად მეტ მაგნიუმს, ვიდრე ხორბლის პროდუქტები“.
რაც შეეხება ბრინჯს, თეთრი ჟასმინის ან ბასმათის ბრინჯის ნაცვლად ყავისფერი ბრინჯი უნდა აირჩიოთ.
7. შავი შოკოლადი
კარგი ამბავი შოკოლადის ყველა მოყვარულისთვის: შავი შოკოლადი მდიდარია მაგნიუმით და ამიტომ ძალიან კარგია კუნთებისთვის. თუმცა, მოხმარება რეკომენდებულია მხოლოდ ზომიერად.
„თუ მაინც არ გსურთ შოკოლადის გარეშე ყოფნა, რძიანის ნაცვლად უფრო მუქი ფერის ვარიანტი უნდა აირჩიოთ, რადგან 100 გრამი შოკოლადი 50 პროცენტიანი კაკაოს შემცველობით უკვე შეიცავს 195 მგ მაგნიუმს.
8. მინერალური წყალი
როგორც დასახელებიდან ჩანს, ის შეიცავს ბევრ მინერალს. თუმცა, სახეობის მიხედვით, რაოდენობები განსხვავებულია.
„არსებობს მინერალური წყლები, რომლებსაც აქვთ კალციუმის და მაგნიუმის უფრო მაღალი შემცველობა. ისინი იდეალურია სპორტსმენებისთვის და კუნთების პრობლემებით დაავადებული ადამიანებისთვის”, – გვირჩევს სტროკოვი.
9. კურკუმა
ინგრედიენტი, რომელიც კარის ყვითელ ფერს ანიჭებს, არა მხოლოდ საჭმლის მომნელებელი სისტემისთვის არის კარგი, არამედ დადებითად მოქმედებს კუნთებზე, ვინაიდან მასში შემავალ კურკუმინს აქვს მსუბუქი ანთების საწინააღმდეგო ეფექტი.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
