წარმატება მხოლოდ იღბალსა და ბედზე არ არის დამოკიდებული. ოცნებების ასრულება ნებისმიერს შეუძლია: მთავარია სწორი ჩვევების გამომუშავება.
ბევრს სჯერა, რომ წარმატება დამოკიდებულია ერთადერთ ფაქტორზე: იღბალზე. ვითომ და, გარკვეული შედეგის მისაღწევად, უნდა დაიბადო შეძლებულ ოჯახში, მოიგო ლატარია, დაეუფლო სწორ პროფესიას ან იყო გარკვეული ნიჭის მფლობელი, მაგრამ რეალურ სამყაროში ყველაფერი ბევრად უფრო რთულია. ზოგჯერ, სათანადო მონდომებით, მწვერვალს აღწევენ ისინი, ვისგანაც ამას საერთოდ არ ელოდნენ. ზოგიერთი ექსპერტის აზრით, ამ ფენომენს სრულიად ლოგიკური ახსნა აქვს. საქმე სულაც არ ეხება მოვლენათა მიმდინარეობას, საქმე ეხება აზროვნების გარკვეულ ტიპს.
პოპულარულმა ნეიროფსიქოლოგმა ვალენტინა პაევსკაიამ დაასახელა თვისება, რომელიც ყველა წარმატებულ ადამიანს გააჩნია. მან აღნიშნა: იმისთვის, რომ არ გამოტოვოთ შესაძლებლობები, მნიშვნელოვანია შეინარჩუნოთ პოზიტიური აზროვნება და იყოთ ღია სამყაროს მიმართ. იქიდან გამომდინარე, რომ ბოლო წლებში მუდმივად სტრესთან გვიწევს გამკლავება, ეს შეიძლება მარტივი არ იყოს, მაგრამ სწორედ ამაშია მთავარი საიდუმლო.
„პოზიტიური ადამიანი ადვილად ფილოსოფოსობს, ადვილად ხვდება სად არის ღირებულება, სწორედ ის „მარცვალი“ და გვერდს უვლის სხვა პუნქტებს. მას ესმის, რომ იდეალი არ არსებობს – ეს შეუძლებელია.
თქვენ შეგიძლიათ მისცეთ ადამიანს აბსოლუტურად ყველა პირობა ზრდისთვის, მაგრამ მან შეიძლება არ მიიღოს და თქვას: ”არა, მე მთელი ცხოვრება დავიტანჯები და უბედური ვიქნები“. თუ მას ეს ძალიან უნდა, კი ბატონო. მაგრამ ხდება საპირისპიროც: როცა გგონია, რომ ადამიანი არ გაიზრდება, რომ მას არაფერი ესმის, მაგრამ ის უცებ იზრდება“, – აღნიშნა პაევსკაიამ.
მან დასძინა, რომ ხასიათის გარკვეული თვისებების გარდა, წარმატებულ ადამიანებს გარკვეული ჩვევებიც ახასიათებთ. მაგალითად, კი არ დააზიანო, არამედ გადაარჩინო საკუთარი სიცოცხლე და რთულ სიტუაციებში არ აჰყვე პანიკას და ეძებო სულიერი სიმშვიდე.
„წარმატებული ადამიანები სპორტით არიან დაკავებულნი, წინააღმდეგ შემთხვევაში ჯანმრთელობა იტყვის “მშვიდობით”. როცა ისვენებენ, დიახ, ალკოჰოლს მიირთმევენ და წვეულებებზეც დადიან, მაგრამ ისინი გიტარაზე უკრავენ და წიგნებს ციტირებენ. ისინი უსმენენ ინტერვიუებს, პოდკასტებს, ლექციებს, არიან მოაზროვნე ადამიანების მიმდევრები სოციალურ ქსელებში. მათ იციან ხუმრობა, რადგან ინტელექტი იუმორის გრძნობით განისაზღვრება“, – ამბობს ვალენტინა პაევსკაია.
გარდა ამისა, მისი აზრით, არ უნდა გეშინოდეთ გაჯეტების, მაგრამ უნდა გააკონტროლოთ, რამდენ დროს ხარჯავთ მათზე. ვირტუალური ცხოვრება არ უნდა გახდეს რეალური, ხოლო სმარტფონები და სოციალური ქსელები მხოლოდ ინსტრუმენტებია გარკვეული მიზნების მისაღწევად.
