ნეირობიოლოგი ჩელსი რორშაიბი გვირჩევს, რომ დღის განმავლობაში არ დავიძინოთ 30 წუთზე მეტ ხანს.
როგორც ძილის ექსპერტმა, რორშაიბმა ინტერვიუ მისცა გამოცემა Newsweek-ს, სადაც განაცხადა, რომ ხანგრძლივი დღის ძილი არაჯანსაღი ჩვევაა.
“ჯანმრთელ ადამიანს ღამის ძილი ჰყოფნის და დღისით დასვენების საჭიროება არ უჩნდება”, – განაცხადა სპეციალისტმა.
ნეირობიოლოგმა აღნიშნა, რომ დღის განმავლობაში ძილი აკრძალული არ არის, მაგრამ დღის ძილი, რომელიც ადამიანს თავს უკეთ აგრძნობინებს, არ უნდა გაგრძელდეს 30 წუთზე მეტს, 10 ან 20 წუთი სავსებით საკმარისია. ასეთი ხანმოკლე დასვენება დღის განმავლობაში საკმარისია, მაგალითად, დაძაბულობის შესამსუბუქებლად, კონცენტრაციისა და შრომისუნარიანობის გასაუმჯობესებლად. რორშაიბი გვაფრთხილებს, რომ დღის ხანგრძლივი ძილი იწვევს დაავადებებს, რომლებიც ამცირებს სიცოცხლის ხანგრძლივობას.
„დღის ხანგრძლივი ძილი არღვევს ბუნებრივ რითმს, რამაც შეიძლება გამოიწვიოს დაძინების გაძნელება და უძილობა, ასევე ჯანმრთელობის პრობლემები და სიცოცხლის ხანგრძლივობის შემცირება“.
ძილის ექსპერტის აზრით, ბუნებრივი ბიორითმების დარღვევა ორგანიზმს მიდრეკილს ხდის ისეთი დაავადებებისკენ, როგორიცაა დიაბეტი, კიბო, სიმსუქნე, გულ-სისხლძარღვთა დაავადებები, ჰორმონალური დარღვევები და დემენცია. დღის განმავლობაში ხანგრძლივი ძილის ჩვევა დაკავშირებულია ყველა ამ პათოლოგიის მაღალ რისკთან.
მნიშვნელოვანია! ინფორმაცია მოწოდებულია შემეცნებითი მიზნებისთვის. უკუჩვენებების და გვერდითი მოვლენების შესახებ მიმართეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
