პური გერმანელების ერთ–ერთი საყვარელი საკვებია. ბევრი ადამიანი მას ყოველდღე ჭამს. სხვები პურზე უარს ამბობენ ჯანმრთელობის გამო ან წონის დაკლების მიზნით. გიამბობთ, რამდენად სასარგებლოა პური თქვენი ორგანიზმისთვის.
საუზმეზე ფუნთუშიდან საღამოს სენდვიჩამდე პური ნამდვილი უნივერსალი და ერთ–ერთი ყველაზე პოპულარული საკვებია საქართველოში. საშუალოდ, ერთი ადამიანი წელიწადში დაახლოებით 21 კგ პურს მოიხმარს, ეს დღეში 3-4 ნაჭერია.
ექსპერტები გვირჩევენ ამ რაოდენობის ნახშირწყლებს დღეში
თქვენი სიმაღლის და აქტივობის დონის მიხედვით ნახშირწყლების დღიური ნორმის რეკომენდაცია 4-6 პურის ნაჭრის ტოლია. აქვე შედის სხვა მარცვლეული პროდუქტი, როგორიცაა კარტოფილი, ბრინჯი ან მაკარონი.
პოპულარობის მიუხედავად პურზე დავა დღემდე მიმდინარეობს: ბევრი დიეტა, როგორიცაა დაბალნახშირწყლოვანი, პურს და ნახშირწყლებს გაურბის, ხოლო აუტანლობა, როგორიცაა ცელიაკია, ნიშნავს, რომ პური, რომელიც ხშირად შეიცავს გლუტენს, რაციონიდან მთლიანად უნდა ამოიღოთ.
რაც შეეხება პურს, ყველაფერი მომზადებაზე დამოკიდებულია
გლუტენის აუტანლობის მქონე ბევრი ადამიანი პურს საერთოდ არ ჭამს. მათ, ვინც პურის ჭამის შემდეგ თავს ცუდად გრძნობს, მაგალითად, მეტეორიზმი აწუხებს, აუცილებელი არაა გლუტენის აუტანლობა ჰქონდეს.
„პურის ბევრი სახეობა შეიცავს ხორბალს, რამაც შეიძლება გამოიწვიოს ტკივილი ან მეტეორიზმი, მაგალითად, გაღიზიანებული ნაწლავის სინდრომის მქონე ადამიანებში. გამოცხობამდე პურის ცომის გაჩერების დრო შემდგომ დისკომფორტზე მნიშვნელოვან როლს ასრულებს“ – ამბობს ნუტრიციოლოგი იგორ სტროკოვი.
რატომ იწვევს პური გაზების წარმოქმნას?
კერძოდ, ხორბლის ცომი შეიცავს სპეციალურ შაქარს, ე.წ. FODMAP (ფერმენტირებადი ოლიგო–, დი– და მონოსაქარიდები და პოლიოლები). ისინი ვიწრო ნაწლავში ცუდად მუშავდება, ამიტომ საჭმლის მონელებისას უსიამოვნო გაზები წარმოიქმნება.
მთელი მარცვლეულის პური ხორბლის ნაცვლად: პურის სახეობაზე დამოკიდებულია
„მარცვლეულის ტიპი პურის მიღებაში მნიშვნელოვან როლს ასრულებს. თეთრი ფქვილის ნაწარმი, როგორიცაა ტოსტი ან კრუასანი, პოპულარულია, მაგრამ ცოტა უჯრედისს შეიცავს. ჭამის შემდეგ სისხლში შაქრის დონე მკვეთრად იზრდება, მაგრამ ასევე სწრაფად მცირდება და შიმშილის გრძნობას იწვევს“.
ამის წყალობით არა მხოლოდ სწრაფად გვშივდება, არამედ მეტს ვჭამთ. ამრიგად, მთელი მარცვლეულის პური უფრო ჯანსაღი არჩევანია, რადგან მასში შემავალი უჯრედისი კუჭში სივდება, სწრაფად გვანაყრებს და დიდხანს შიმშილი არ გვაწუხებს.
„მთელი მარცვლეულის პროდუქტები ხელს უშლის დაავადებების გავრცელებას, როგორიცაა გულ–სისხლძარღვთა დაავადებები და სიმსივნე“.
მკვლევარებმა აღმოაჩინეს, რომ ადამიანებში, რომლებიც ყოველდღე 48 გრამ მთელი მარცვლეულის პროდუქტს მიირთმევენ, სიკვდილიანობის დონე 20%–ით დაბალია, ვიდრე მათში, რომლებიც მთელი მარცვლეულის პროდუქტს მცირე რაოდენობით ან საერთოდ არ იღებენ.
მნიშვნელოვანია! ინფორმაცია მხოლოდ საინფორმაციო ხასიათს ატარებს. უკუჩვენებების და გვერდითი ეფექტების შესახებ სპეციალისტთან გაიარეთ კონსულტანცია. თვითმკურნალობა დაუშვებელია. დაავადების პირველივე ნიშნებზე ექიმს მიმართეთ.
