ბევრი ადამიანი აქტიურად იყენებს მობილურ ინტერნეტს როგორც თავისუფალ დროს, ასევე სამსახურში. ასევე ზოგიერთ მოსწავლეს და სტუდენტს ინფორმაციის სწრაფად მოსაპოვებლად სჭირდება. ზოგჯერ უსიამოვნო მომენტი დგება, ინტერნეტი ნელა მუშაობს. საიდუმლო არაა, რომ საჭირო ვებგვერდის, შეტყობინების ან ფოტოს ხანგრძლივი ჩატვირთვის გამო ნერვიულობას ვიწყებთ. ზედმეტ გაღიზიანებას თავი რომ აარიდოთ, Vivien გიამბობთ, როგორ დააჩქაროთ მობილური ინტერნეტი მარტივი მეთოდების გამოყენებით.
ამ ხრიკების გამოსაყენებლად საჭირო არაა, რომ ჰაკერი იყოთ. ტელეფონის გამოყენების ელემენტარული ცოდნა საკმარისია, რომ თქვენი მობილური ინტერნეტის სიჩქარე გაიზარდოს. გიზიარებთ 4 ეფექტურ მეთოდს.
საიმედო მეთოდები მობილური ინტერნეტის დასაჩქარებლად
მეთოდი №1
ზოგჯერ ტელეფონზე ინტერნეტის სიჩქარის გასაზრდელად მოწყობილობის ქეშის გასუფთავება საკმარისია. ამ მარტივი ხრიკით ნერვულ უჯრედებს შეინარჩუნებთ. მეხსიერების გასუფთავების შემდეგ ყველა საჭირო მასალის ჩამოტვირთვა დაჩქარდება.
მეთოდი №2
მათ, რომლებსაც ბევრი ჩანართის ღიად დატოვება უყვართ, ყურადღებით უნდა მოგვისმინონ. ზედმეტი პროგრამები ძალიან ნელი მობილური ინტერნეტის მიზეზი შეიძლება იყოს. თუ ფონად გაქვთ ჩართული, ქსელის ხარისხზე გავლენას მოახდენს. ინტერნეტის დასაჩქარებლად ყველა აქტიური აპლიკაცია, რომელსაც ამ მომენტში არ იყენებთ, ჩახურეთ.
მეთოდი №3
არ გაქვთ გამორთული აპლიკაციების ავტომატური განახლება? სიტუაცია გამოასწორეთ. ეს ფუნქცია გამორთეთ და საჭიროების შემთხვევაში პროგრამები დამოუკიდებლად განაახლეთ. თუ ამას არ გააკეთებთ, აპლიკაციის მიერ ახალი ინფორმაცია ჩამოტვირთვა მობილური ინტერნეტის სიჩქარეზე დიდ გავლენას მოახდენს.
მეთოდი №4
ექსპერტები გირჩევენ, რომ საჭიროების შემთხვევაში ქსელის პარამეტრები საწყის მდგომარეობაში დააბრუნოთ. ამის გაკეთება ნაკლებად მცოდნე მომხმარებელსაც შეუძლია. შედით „პარამეტრებში“, გახსენით „მობილური ქსელები“. შემდეგ დააჭირეთ „ქსელის ოპერატორი“, შემდეგ „აირჩიეთ ავტომატურად“. შემდეგ პარამეტრები გამორთეთ და საჭირო პროვაიდერი აირჩიეთ. შემდეგ მოწყობილობა გადატვირთეთ და სწრაფი ინტერნეტით გაიხარეთ.
თუ ისედაც სტრესული დღე გაქვთ, ხოლო ცუდი ინტერნეტის გამო საჭირო ვებგვერდი არ იტვირთება, ტელეფონის კედელზე მიხეთქება არ იჩქაროთ. ზემოთ აღწერილი ერთ–ერთი ან ყველა მეთოდი სცადეთ და პრობლემა მოგვარდება. ამ მარტივი მეთოდების გამოყენებით მობილური ინტერნეტი კუდან ავაზად გადაიქცევა.
