ბუასილი დისკომფორტს შეიძლება იწვევდეს, მაგრამ მდგომარეობის შემსუბუქების და პრევენციის მეთოდები არსებობს.
„მნიშვნელოვანია უჯრედისით მდიდარი დიეტა, ბევრი სითხის მიღება და ჰიგიენის დაცვა. თბილი მჯდომარე აბაზანები, მალამოები და კრემები ტკივილს და ქავილს შეგიმცირებთ. ასევე კარგია რეგულარული ფიზიკური ვარჯიში და ხანგრძლივ ჯდომაზე უარის თქმა“ – ამბობს ოჯახის ექიმი ტატიანა ზახაროვა.
მძიმე სიმპტომების ან სისხლდენის შემთხვევაში ექიმს უნდა მიმართოთ. გახსოვდეთ, რომ ყველა ორგანიზმი ინდივიდუალურია, ამიტომ თქვენთვის საუკეთესო გადაწყვეტილება უნდა იპოვოთ.
დახმარება ბუასილის დროს: რჩევები
რა თქმა უნდა, ბუასილი არც თუ ისე სასიამოვნო თემაა, მაგრამ მარტო არ ხართ. ამ უსიამოვნებას ბევრი ებრძვის.
უჯრედისით მდიდარი დიეტა
ბუასილის პრევენციისა და მკურნალობისთვის უჯრედისით მდიდარ კვებას დიდი მნიშვნელობა აქვს. უჯრედისი განავალს არბილებს და ნაწლავების დაცლას აადვილებს. „ხილი, ბოსტნეული, მთელი მარცვლეული და პარკოსანი უჯრედისის კარგი წყაროა“.
საკმარისი სითხე დალიეთ
გაუწყლოებამ ყაბზობა შეიძლება გაამწვავოს და ასე ბუასილის მდგომარეობა გააუარესოს. დარწმუნდით, რომ საკმარის წყალს სვამთ, რომ საჭმლის მონელებას ხელი შეუწყოთ.
ჰიგიენის დაცვა
დეფეკაციის შემდეგ გამოიყენეთ რბილი ტუალეტის ქაღალდი ან სველი სალფეთქი, რომ კანის გაღიზიანება თავიდან აიცილოთ. აგრესიული წმენდა მგრძნობიარე კანს უფრო აღიზიანებს.
მჯდომარე აბაზანა
თბილი მჯდომარე აბაზანა ტკივილს და ქავილს ამცირებს. აბაზანა თბილი წყლით გაავსეთ და მასში 15-20 წუთი ჩაწექით. დღეში რამდენჯერმე გაიმეორეთ, რომ შვება იგრძნოთ.
მალამო და კრემი
არსებობს ურეცეპტო მალამო და კრემი, რომელიც ადგილობრივად შეგიძლიათ წაისვათ ტკივილის და ქავილის შესამსუბუქებლად.
„აუცილებლად აირჩიეთ საშუალება შესაფერისი აქტიური ინგრედიენტებით, როგორიცაა ჰამამელისი ან დესკაპანთენოლი“.
ვარჯიში
რეგულარული ფიზიკური ვარჯიში სისხლის მიმოქცევას ააქტიურებს და ჯანსაღ მონელებას ხელს უწყობს. ეცადეთ, რომ ყოველდღე რამდენიმე წუთით იაროთ ან სხვა აქტივობით დაკავდეთ, რომელიც სისხლის მიმოქცევას სტიმულირებს.
დიდხანს ჯდომას მოერიდეთ
თუ მჯდომარე სამსახური გაქვთ, რეგულარულად შეისვენეთ და იმოძრავეთ. ხანგრძლივი დროით ჯდომა ბუასილზე ზეწოლას ახდენს.
სამედიცინო მკურნალობა
თუ ბუასილი მტკივნეულია ან ძლიერი სისხლდენა ახლავს, ექიმს უნდა მიმართოთ. ზოგიერთ შემთხვევაში შეიძლება საჭირო გახდეს სამედიცინო მკურნალობა, როგორიცაა რეზინით გადახვევა, სკლეროთერაპია, მძიმე შემთხვევაში, ქირურგიული ჩარევა.
როდის არის ყურადსაღები ბუასილის სიმპტომები?
ანუსის ირგვლივ ტკივილი ან ქავილი ანალური ან ნაწლავის კიბოს სიმპტომია, მაგრამ სხვა დაავადების ნიშანიც შეიძლება იყოს. გავრცელებული სახიფათო ნიშნები მოიცავს ტუალეტში ხშირად გასვლის აუცილებლობას, უფრო თხელ განავალს სისხლით, ანუსის ირგვლივ ქავილს ან ტკივილს.
„არ დაუშვათ, რომ სირცხვილმა მკურნალობაში ხელი შეგიშალოთ, რადგან ნაადრევი გამოვლენა ჯანმრთელობის მდგომარეობის გაუმჯობესებას ხელს უწყობს“.
მნიშვნელოვანია! ინფორმაცია მხოლოდ საინფორმაციო ხასიათს ატარებს. უკუჩვენებების და გვერდითი ეფექტების შესახებ სპეციალისტთან გაიარეთ კონსულტანცია. თვითმკურნალობა დაუშვებელია. დაავადების პირველივე ნიშნებზე ექიმს მიმართეთ.
