მათემატიკის გაკვეთილები არა მხოლოდ ერთ–ერთი ფუნდამენტური მეცნიერების დაუფლებაში გვეხმარება, არამედ ბევრი სარგებელი მოაქვს. ადამიანი ყოველდღიურ ცხოვრებაში ციფრებთან მუშაობას სწავლობს, მიღებულ ცოდნას პროფესიულ საქმიანობაში იყენებს, ტექნოლოგიურ სიახლეებს ადვილად იღებს. მათემატიკა ლოგიკურ და აბსტრაქტულ აზროვნებას ავითარებს, შემოქმედებით მიდგომას გვასწავლის.
Vivien გთავაზობთ რამდენიმე ერთმანეთის მსგავსი მაგალითის ამოხსნას. თითოეულ შემთხვევაში არის პატარა დეტალი, რომლის გამოც პასუხი განსხვავდება. ეს აჩვენებს, რამდენად ყურადღებით უნდა იყოს მოსწავლე, რომ ყოველთვის სწორი პასუხი გასცეს.
მათემატიკის გაკვეთილები
1. პირველ მაგალითში გვაქვს ორმაგი ფრჩხილი მაგალითის ბოლოს. აუცილებლად უნდა გაიხსენოთ, როგორ იმოქმედოთ ამ შემთხვევაში და რას ამბობს ამის შესახებ მათემატიკური წესები. მინიშნებების და კალკულატორის გარეშე ამოხსენით. პასუხი ჩაიწერეთ ან დაიმახსოვრეთ.
2. მეორე მაგალითი განსხვავდება იმით, რომ ფრჩხილები არ აქვს. მისი ამოხსნა მარტივია. ციფრები იგივეა, მაგრამ პასუხი განსხვავდება. ყურადღებით იყავით, რომ შეცდომა არ დაუშვათ.
3. მესამე მაგალითში გვაქვს ფრჩხილები თავში და ბოლოში. ბევრი უფროსისთვის, რომელთაც მათემატიკური სიბრძნეები დაავიწყდათ, რთული ამოცანა იქნება. მაინც გვჯერა, რომ სწორი პასუხის პოვნას შეძლებთ.
4. ბოლო მაგალითში მხოლოდ ერთი ფრჩხილია, მაგრამ შუაში. შეძლებთ უნიკალური პასუხის მიღებას, რომელიც არც ერთ წინა მაგალითში არ იყო? დაიმახსოვრეთ რიცხვი და შემდეგ პასუხებს შეადარეთ.
მინიშნებები და პასუხები
1. მათემატიკის წესები ამბობს, რომ ჯერ სრულდება ფრჩხილებში მოქმედება, რომელიც შიგნითაა. გამოდის ჯერ უნდა შეკრიბოთ, შემდეგ გაამრავლოთ და ბოლოს გაყოთ. ასე ვიღებთ: 8 ÷ (2 × (1 + 3)) = 8 ÷ (2 × 4) = 8 ÷ 8 = 1.
2. მეორე მაგალითში ფრჩხილები არაა, ამიტომ მაგალითი მარცხნიდან მარჯვნივ უნდა ამოხსნათ: გაყოფა, გამრავლება და მიმატება. გამოდის: 8 ÷ 2 × 1 + 3 = 4 × 1 + 3 = 4 + 3 = 7.
3. მესამე მაგალითი ყველაზე მარტივია ამოსახსნელად. აქ ჯერ ფრჩხილებში მოქმედებები უნდა შეასრულოთ და შემდეგ მიღებული რიცხვები გაამრავლოთ. ასე ვიღებთ: (8 ÷ 2) × (1 + 3) = 4 × 4 = 16.
4. მეოთხე მაგალითი მეორეს მსგავსია. ამოხსნის თანმიმდევრობა განსხვავდება, მაგრამ შედეგი იგივეა. კერძოდ: 8 ÷ (2 × 1) + 3 = 8 ÷ 2 + 3 = 4 + 3 = 7.
თქვენი უნარების გასავითარებლად და ტვინის სავარჯიშოდ ასეთი ეშმაკური მაგალითები და თავსატეხები რეგულარულად ამოხსენით.
