თბილი დღეები დადგა და უკვე ვოცნებობთ სუფთა ჰაერზე ნანატრ დასვენებაზე. დაგვეთანხმეთ, ასეთი დროსტარება წარმოუდგენელია არომატული შებრაწული მწვადების გარეშე. მაისში ღორის ხორცი ყველაზე პოპულარულია, ამიტომ Vivien–მა გაიგო, მისი რომელი ნაწილია მწვადისთვის შესაფერისი.
იდეალური მწვადის მისაღებად მხოლოდ დამარინადება საკმარისი არაა. პირველ რიგში, ახალი ხორცის არჩევა და მისი სხვადასხვა ნაწილების ამოცნობა უნდა ისწავლოთ. კარგად უნდა ეცადოთ, რომ მზა ხორციანი კერძი არა მხოლოდ მადისაღმძვრელი, არამედ ნამდვილად გემრიელი, წვნიანი და ზომიერად შემწვარი გამოვიდეს.
როგორ ავირჩიოთ შესაფერისი ხორცი სამწვადედ
დაიმახსოვრეთ, რომ ხორცის მაღაზიაში ხორცის დასუნვა და ხელის შეხება სამარცხვინო არაა! მხოლოდ ასე შეძლებთ განსაზღვროთ ხორცი ახალია თუ არა. გარეგნულად პროდუქტი მიმზიდველად შეიძლება გამოიყურებოდეს, სახლში კი უსიამოვნო სიურპრიზი შეიძლება აღმოაჩინოთ.
ღორის ხორცის არჩევის ძირითადი წესები
- ჯანსაღი გარეგნობა. სამწვადე ხორცი არ უნდა იყოს დაფარული ლორწოთი, სითხეს არ უნდა გამოყოფდეს.
- ნეიტრალური სასიამოვნო სუნი. დაიმახსოვრეთ, თუ ღორის ხორცი არ მოგეწონათ, მისი აღება არ ღირს.
- მოქნილი კონსისტენცია. ხორცს თითი დააჭირეთ. ახალ ხორცში ჩაღრმავება მყისიერად გასწორდება. ძველ ხორცში ანაბეჭდი დარჩება.
- ფერი. ღორის ხორცი ღია ვარდისფერი უნდა იყოს. ძალიან მუქი ფერი ნიშანია, რომ ცხოველი ძველია. ასეთი ხორცით მომზადებული მწვადი ძალიან მაგარი გამოვა.
ღორის ხორცის რომელი ნაწილია სამწვადედ საუკეთესო
ხორცის გურმანები, რომელთაც მწვადი არაერთხელ მოუმზადებიათ, გირჩევენ ღორის კისრის ნაწილი აიღოთ. სწორედ ამ ნაწილში ცხიმის ძარღვები თანაბრად განაწილებულია. წაუგებელი ვარიანტია მათთვის, ვისაც მწვადი დამოუკიდებლად არასდროს მოუმზადებია. სიფხიზლე აქაც არ დაკარგოთ: ღორის ხორცის ნაჭერი ყველა მხრიდან შეამოწმეთ, ზედმეტად ბევრი გარსი და ძარღვი ხომ არ აქვს.
ახლა ნებისმიერ მაღაზიაში შეგიძლიათ იყიდოთ მკერდის ნაჭერი. ის უცხიმოა, მაგრამ თითქმის ყოველთვის წვნიანი გამოდის. თუ სხეულის ფორმებს და ჯანმრთელობას იცავთ, ეს ნაჭერი პირველი კლასის ხორცად მიიჩნევა. შემდეგ წვნიანობით მოდის ნეკნები და სუკი. თუ იყიდეთ ბარკალი, უბრალოდ კარგად და დიდხანს დაამარინადეთ (მინიმუმ 1 დღე).
მწვადისთვის უკანა ნაწილის ხორცის გამოყენება არასასურველია. ასე მზა კერძი მშრალი და მაგარი გამოვა.
ძველი ჩაცივებული ღორის ხორცი მწვადის სწორად მოსამზადებლად საუკეთესოა. ძალიან ახალი ხორცი ოდნავ მაგარია, ხოლო გაყინული ყველა ფრონტზე წაგებულია. საყინულეში შენახულ ხორცში ზედმეტად ბევრი წითელი წვენი გროვდება, ნაჭრები ფხვიერი გამოდის და შამფურზე შესაწვავად მოუხერხებელია. თუ არჩევანი არ გაქვთ, გაყინული ხორცი შეგიძლიათ გამოიყენოთ მხოლოდ ერთხელ (მრავალჯერადი გალღობის გარეშე).
