ძნელი წარმოსადგენია სახლი, რომელშიც ელექტროენერგია არაა. მიჩვეული ვართ სინათლეს, როცა გარეთ ბნელა. გარს გვახვევია ელექტროტექნიკა, რომელიც ცხოვრებას ამარტივებს. ეს ყველაფერი თანამედროვე ადამიანისთვის პირველადი მოთხოვნის ნივთებს წარმოადგენს. დაფიქრებულხართ, რა არის დამიწება? ელექტროობა განსაკუთრებულ მიდგომას მოითხოვს. Vivien გიამბობთ, რა არის დამიწება კერძო და მრავალსართულიან შენობაში, რატომ აქვს სამკუთხედის ფორმა.
რა არის დამიწება – დამიწება ელექტრული დენით დაზიანებისგან დაცვის წინასწარი ზომაა. მისი გამოყენება აუცილებელია ნებისმიერი ელექტროქსელის მონტაჟისას მოწყობილობაში ძაბვის გადაცემის დასარეგულირებლად. დამიწება ტექნიკის უსაფრთხოდ გამოყენების გარანტიას იძლევა. დამიწება მრავალსართულიან შენობაში ჯერ კიდევ მშენებლობის დროს ხდება. მაცხოვრებელთა ჩარევა საჭირო არაა. ამ საკითხს ელექტროგაყვანილობის კომპანია წესების მიხედვით ასრულებს. მრავალსართულიანი შენობები ჩახლართული ქსელია, რომლის გარჩევა მხოლოდ კონკრეტული სამსახურის პროფესიონალს შეუძლია.
რაც შეეხება კერძო სახლში დამიწებას, ეს საკითხი სახლის მფლობელზეა დამოკიდებული. საცხოვრებლის და სიცოცხლის უსაფრთხოებისთვის ამ საკითხს ყურადღებით უნდა მიუდგეთ. თუ ამ სფეროში თქვენი ცოდნა საკმარისი არაა, შესაფერის სამსახურს მიმართეთ. ის ყველაფერს ტექნოლოგიების და წესების მიხედვით გააკეთებს. ნებისმიერ შემთხვევაში, მაშინაც კი, თუ ამას დამოუკიდებლად აკეთებთ, ენერგოკომპანია შესაბამის ნებართვას გასცემს. კერძო სახლში დამიწების რამდენიმე მეთოდი არსებობს. დღეს სამკუთხედის ფორმის დამიწებაზე გიამბობთ.
კერძო სახლის დამიწება – ელექტროგაყვანილობის მონტაჟის წესებში აღწერილია სამკუთხედის ფორმის დამიწების მეთოდი. იქ მითითებული არაა, რატომ აქვს ასეთი ფორმა, მაგრამ მონტაჟის მეთოდი დეტალურად აღწერილია. ელექტრიკოსები სახლში დამიწებისთვის ამ მეთოდს ყველაზე ხშირად იყენებენ. უფრო საიმედო და გამძლეა. უბრალოდ სახლთან ახლოს 1,2 მ სიღრმის სამკუთხედის ფორმის თხრილი უნდა ამოთხაროთ. ამ თხრილში 2,5 მ სიგრძის სამკუთხედის ფორმის კონსტრუქცია მონტაჟდება. მთელი ეს კონსტრუქცია მიწაში იდგმება და მიწის ფენით იფარება. თხრილი სახლიდან ძალიან შორს არ უნდა იყოს. როგორც წესი, საძირკვლიდან 1 მეტრში ათავსებენ.
ასეთი კონსტრუქციის იდეა შორეულ წარსულში გამოჩნდა, როცა დიდი არჩევანი არ ჰქონდათ. სამკუთხედის დეტალებად იყენებდნენ დაბალი სინჯის ლითონს, ხშირად ჩვეულებრივ ფოლადს. მიწის და წყლის ზემოქმედებით დროთა განმავლობაში ჟანგდებოდა და მთელი სტრუქტურა იშლებოდა. უსაფრთხოების უზრუნველსაყოფად ასეთი კონსტრუქცია გამოიგონეს. თუნდაც სამკუთხედის ერთი მხარე დაზიანებულიყო და თავისი ფუნქცია ვერ შეესრულებინა, დარჩენილი ორი დასახულ ამოცანას გაუმკლავდებოდა.
დღეს ელექტროტექნიკური საქონლის ბაზარზე მაღალი ხარისხის მასალების ფართო არჩევანია. მაღაზიაში სახლის დასამიწებლად მზა სპეციალური ნაკრებიც შეგიძლიათ შეიძინოთ. ასეთი მასალების ვადა 100 წელია, ამიტომ სახლის უსაფრთხოებაზე შეგიძლიათ არ იდარდოთ.
