ზამთარში ბოსტნეული ცივ ადგილას ინახება. ასეთია სარდაფი ან აივანი. ერთი ნიუანსია. ძლიერი აცივებისას ოდნავ შეიძლება გაიყინოს. ასეთი ბოსტნეულის გადაყრა არ ღირს. Vivien გიამბობთ, როგორ დაარბილოთ გაყინული პროდუქტები. კონკრეტულად, თეთრ კომბოსტოზე ვისაუბრებთ. მას სიცივე არ აშინებს, სანამ მიწაზე იზრდება. იმ დროს ყინვები ძლიერი არცაა. გიამბობთ, რა გააკეთოთ, თუ კომბოსტო აივანზე გაიყინა, შეიძლება თუ არა მისი გამოყენება საკვებად და როგორ აიცილოთ პროდუქტის გაყინვა თავიდან.
როგორ შევინახოთ კომბოსტო სწორად – დავიწყოთ იმით, რომ ყველა ბოსტნეულს დაბალ ტემპერატურაზე შენახვა არ სჭირდება.ზოგიერთი მათგანი ტემპერატურის რყევებს ვერ იტანს, მაშინვე იყინება. ეს ეხება კარტოფილს, სტაფილოს და თეთრ კომბოსტოს. თუ სხვაგვარად ვერ ინახავთ, მაქსიმალურად ხელმისაწვდომი პირობები შეუქმენით. გამოცდილი აგრონომები კომბოსტოს ხის ყუთებში ინახავენ. შემდეგ ქვიშაზე ან დამატებით საფარზე დებენ. ბოლოს ძველი საბნით ფუთავენ (ყინვის დროს). თუ ტემპერატურა -8 გრადუსზე ქვემოთაა, ბოსტნეული დროებით სხვა ადგილზე გაიტანეთ ან უფრო მეტად შეფუთეთ. თეთრი კომბოსტოს შესანახად ოპტიმალური ტემპერატურაა -1-დან +3 გრადუსამდე (საშუალო ტენიანობის დროს).
რა გავაკეთოთ გაყინული კომბოსტოთი – გაყინულ კომბოსტოს ახალივით ვერ გამოიყენებთ, მაგრამ დროზე ადრე არ იდარდოთ. პირველ რიგში, გაარკვიეთ, რამდენად გაიყინა კომბოსტოს თავები. თითოეული შუაზე გაჭერით და 1 საათით ოთახის ტემპერატურაზე გააჩერეთ. ზოგჯერ ყინვა მხოლოდ ზედა ფურცლებს ეხება, ხოლო შიგნით ახალი რჩება. ამ შემთხვევაში უვარგისი ფოთლები ფრთხილად მოაშორეთ, დანარჩენი ნებისმიერ კერძში გამოიყენეთ. ასეთი კომბოსტო შეგიძლიათ შეინახოთ, მაგრამ, ბუნებრივია, სხვა ადგილას, რომ ისევ არ გაიყინოს.
თუ კომბოსტოს თავი ბოლომდე გაყინულია, მის განახლებას ვეღარ შეძლებთ. სრული გალღობის შემდეგ კომბოსტოს სხვა გემო ექნება. სალათებში ნამდვილად არ გამოგადგებათ. კომბოსტო სწორად გასალღობად 3 დღე მაცივარში შეინახეთ. ასე თანდათან გალღვება, ტემპერატურის მკვეთრი ცვლილების გარეშე. მოგვიანებით, კომბოსტოს პირსახოცი დააფარეთ და კიდევ რამდენიმე საათით ოთახის ტემპერატურაზე გააჩერეთ.
კერძები გაყინული კომბოსტოდან – როგორც ხედავთ, გაყინული კომბოსტოს აღდგენა რთული არაა. შეგიძლიათ დაამარილოთ ან დაამწნილოთ. და მაინც, გირჩევთ დიდხანს თერმულად დაამუშავოთ და სხვადასხვა კერძში გამოიყენოთ. 5 ვარიანტს გთავაზობთ.
- ბორში. კომბოსტო წვრილად დაჭერით და კერძს მომზადებამდე 30 წუთით ადრე დაუმატეთ.
- ჩაშუშული კომბოსტო. უკვდავი კლასიკა. ზამთარში და მარხვის დროს განსაკუთრებით პოპულარულია. ბიუჯეტური და მარტივია. არომატისთვის ცოტა სოკო და ბევრი მწვანილი დაუმატეთ.
- ტოლმა. თეთრი კომბოსტოს ფურცლები (ოდნავ გაყინულიც) ამ კერძისთვის იდეალურია. ცოტა დიდხანს მოხარშვა მოგიწევთ, მაგრამ ეს საბოლოო შედეგზე არ იმოქმედებს.
- კომბოსტოს და ძროხის ხორცის რაგუ. ერთი შეხედვით, უცნაური კომბინაციაა, მაგრამ ძალიან წვნიანი, ნოყიერი და დაბალანსებული კერძი გამოდის. საყვარელი სანელებლებით გემო დაარეგულირეთ.
- კომბოსტოს მობრაწულა. სოფლებში ძალიან პოპულარულია და ამაში გასაკვირი არაფერია. დაგჭირდებათ ყველაფერი, რაც სამზარეულოში გაქვთ. ესაა თეთრი კომბოსტო, კვერცხი, ხორბლის ფქვილი, მარილი და წიწაკა. სწრაფი, მარტივი და გემრიელია.
გაითვალისწინეთ, რომ გაყინული კომბოსტოთი კერძების მომზადებისას დრო 10-15 წუთით უნდა გაზარდოთ. ასე კომბოსტოს ახლისგან ვერ გაარჩევთ.
