კეფირი სასარგებლო რძემჟავა პროდუქტია, რომელიც რაციონში უნდა შედიოდეს. სასმელი შეგიძლიათ პირდაპირ დალიოთ ან სხვადასხვა კერძში, მაგალითად, ცომში გამოიყენოთ. კეფირი ბევრ ვიტამინს და პრობიოტიკს შეიცავს. მას საჭმლის მომნელებელი სისტემის დისფუნქციის დროს ხშირად ვსვამთ. ბევრი კეფირის დიეტაც არსებობს. და მაინც, ყველა კეფირი კარგი არაა. ზოგჯერ სარგებელზე მეტი ზიანი მოაქვს. Vivien გიამბობთ, რომელი კეფირის დალევა არ შეიძლება, რა უკუჩვენებები და სარგებელი აქვს.
კეფირის სარგებელი
- რძემჟავა სასმელი ნაწლავების მიკროფლორის აღდგენას ხელს უწყობს. თუ ანტიბიოტიკებს იღებთ ან კუჭ–ნაწლავის მუშაობა დარღვეულია, კეფირი დალიეთ. მასში შემავალი პრობიოტიკები მავნე ბაქტერიების ზრდას აფერხებს.
- კეფირი მდიდარია ამინომჟავებით, А, В2, В12, С, РР ვიტამინებით, ფერმენტებით და მინერალებით.
- ნაწლავების დაავადების, აუტოიმუნური დაავადებების, ალერგიის, ეგზემის და ფსორიაზის დროს სასარგებლოა.
- ბევრ ცილას და ადვილად ათვისებად კალციუმს შეიცავს.
- შესაფერისია, თუ ლაქტოზის მსუბუქი აუტანლობა გაქვთ.
როგორი კეფირი არ უნდა დალიოთ
- კეფირი დანამატებით. კეფირი, რომელიც ხილის ნაჭრებით, მარცვლეულით ან სხვა დანამატით იყიდება, არ გამოგადგებათ. უმჯობესია, უბრალო კეფირი იყიდოთ და სახლში გემოვნებით კენკრა, ჩირი ან ხილი დაუმატოთ.
- უცხიმო კეფირი. ასეთი სასმელი ცხიმს და ვიტამინებს არ შეიცავს, ასეთი კეფირის მიღებით, А და D ვიტამინზე უარს ამბობს. კეფირის ნორმალური ცხიმიანობა 3,2%.
- გამასქელებლით. სასმელის სისქე კეფირის სარგებელზე გავლენას არ ახდენს, მაგრამ გირჩევთ, რომ კეფირი სახამებლის, გამასქელებლის და სტაბილიზატორის გარეშე შეიძინოთ. გირჩევთ შემადგენლობას დეტალურად გაეცნოთ.
- შენახვის დიდი ვადის მქონე. როგორც წესი, კეფირი, რომელიც მაქსიმუმ 1 კვირა ინახება, ნორმალურია. მასში მეტი სასარგებლო ბაქტერიაა.
კეფირის დალევა არ შეიძლება
- ცარიელ კუჭზე. კეფირი, როგორც კუჭის წვენი დაბალ ტუტე ბალანსს შეიცავს, ამიტომ კეფირის უზმოზე დალევით კუჭის მეტი წვენი გამომუშავდება და ლორწოვან გარსი დაზიანდება. კეფირის დიეტა და კეფირით განტვირთვის დღეები არც თუ კარგი გადაწყვეტილებაა.
- თუ ჰიპერაციდული გასტრიტის დროს კუჭის წვენის მაღალი მჟავიანობა გაქვთ.
- თუ პანკრეატიტი ან კუჭის წყლული გაწუხებთ.
კეფირის მიღება აუცილებელია, მაგრამ უნდა დაიმახსოვროთ: ყველაფერი ზომიერად კარგია. დღეში 200-250 მლ კეფირი ნორმალურია. ბევრის დალევით ორგანიზმს გადატვირთვათ.
