ხშირად მწნილებს ნივრის მთელ კბილებს ვუმატებთ. დროთა განმავლობაში, ნიორი შეიძლება გამწვანდეს. გამწვანებული ნიორი მადისაღმძვრელად არ გამოიყურება. თავიდან შეიძლება გაიფიქროთ, რომ საჭმელად უვარგისი და მომწამვლელია. Vivien გიამბობთ, რატომ მწვანდება ნიორი და შეიძლება თუ არა მისი ჭამა.
მწნილში ნივრის გამწვანების მიზეზები – კონსერვაციის დროს ნიორში შემავალი ნივთიერება ალინი ამინომჟავებთან რეაქციაში შედის, ამ დროს სულფატები და სულფიდები გამოიყოფა. ნივთიერების ნაწილი ამიაკად და თიოლებად იშლება. ნაწილი გამოყოფს პიგმენტს, რომელიც ნიორს ღებავს. ნიორის გამწვანებაზე მისი გაზრდის ადგილს და ჯიშს დიდი მნიშვნელობა აქვს. თბილ კლიმატში გაზრდილ ნიორში ბევრი ალინი შედის. ძალიან მწიფე მცენარე სწრაფად მწვანდება, რადგან ბევრ ალინს შეიცავს. ნიორი, რომელსაც სარდაფში ან მაცივარში ინახავდით, ფერს სწრაფად შეიცვლის. დაზიანებულ კბილში რეაქციები ჩქარდება. ნივრის ქსოვილიდან გამოყოფილი ეთერზეთი და ფერმენტები ქიმიურ რეაქციებს ააქტიურებენ. გარდა ამისა, მწნილში ნივრის გამწვანებას ხელს უწყობს მჟავე გარემო, მაღალი ტემპერატურა და შენახული პროდუქტის გამოყენება. ბოსტნეული შეწვისას ფერს იცვლის. ჟანგვითი პროცესის დროს რძის წვენი გამოიყოფა. ფერის შეცვლა გემოზე არ მოქმედებს.
რა გავაკეთოთ, რომ ნიორი არ გამწვანდეს – თუ გსურთ, რომ ნიორი თეთრი დარჩეს და უსიამოვნო შესახედაობა არ ჰქონდეს, 8 წესი გაითვალისწინეთ.
- მწნილისთვის ახალი ნიორი გამოიყენეთ. მასში ნაკლები ალინია, რომელიც ფერის შეცვლას იწვევს.
- ნიორი სითბოში შეინახეთ. 0-დან -5 გრადუსამდე ტემპერატურაზე ნიორი მწვანდება.
- მცირე ხნით დამდუღრეთ, რომ ფერის შეცვლის პროცესი შეაფერხოთ.
- კბილები რომ არ დააზიანოთ, ხელით გაწმინდეთ.
- თუ კერძს დაქუცმაცებულ ნიორს უმატებთ, წინასწარ გააშრეთ ან შეწვით.
- პროდუქტი მხოლოდ ცივი მეთოდით დაამარილეთ და დაამწნილეთ.
- ნივრიანი ნამზადი სიგრილეში შეინახეთ.
- სუფრაზე ნიორი ცალკე უნდა გაიტანოთ.
შეიძლება თუ არა მწვანე ნივრის ჭამა – მწვანე ნიორი უშნოდ გამოიყურება, მაგრამ შხამიან ნივთიერებებს არ შეიცავს. ჩვეულებრივზე უფრო სასარგებლოა. თუ თქვენთვის კერძის გარეგნობა მნიშვნელოვანია, ზემოთ მოცემული წესების გამოყენებით ნივრის გამწვანებას თავიდან აიცილებთ.
