გოგრის მობრაწულას ცედრის და გოგრის საოცარი სურნელი აქვს. პეროგი ზომიერად ტკბილი, ნაზი, ნოყიერი, რაც მთავარია, სასარგებლო გამოდის. შემოდგომას წვნიანი გოგრის გულისთვის ველოდები. მობრაწული კი არა, გამომცხვარი კრემია! Vivien გთავაზობთ, რომ არომატული გოგრის მობრაწულა ოლგა მატვეის რეცეპტით მოამზადოთ. დააფასებენ როგორც გოგრის მოყვარულები, ასევე ისინი, ვისაც გოგრა არ უყვარს!
ინგრედიენტები:
- 400 გ გოგრა
- 80 გ მანანის ბურღული
- 4 კვერცხი
- 3 ჩ/კ შაქარი
- 0,5 ჩ/კ გამაფხვიერებელი
- 30 გ კარაქი
- 0,5 ჩ/კ დარიჩინი
- ფორთოხლის ცედრა
- 3 ს/კ გრანოლა
- მწიკვი მარილი
მომზადების წესი:
- გოგრა გარეცხეთ, გათალეთ და პატარა ნაჭრებად დაჭერით. გოგრა წყლიან ქვაბში ჩადეთ, თავსახური დაახურეთ და დარბილებამდე ხარშეთ. დაახლოებით 7 წუთი დასჭირდება.
- სქელძირიან ტაფაზე საშუალო ცეცხლზე მანანის ბურღული ოქროსფერ შეფერილობამდე მოხალეთ. მუდმივად აურიეთ. დაახლოებით 2–3 წუთი სჭირდება.
- მზა გოგრიდან სითხე გადაწურეთ. გოგრა ტაფას დაუმატეთ. მარილი, შაქარი და კვერცხი დაუმატეთ. დააბლენდერეთ.
- დარიჩინი, მანანის ბურღული და გამაფხვიერებელი დაუმატეთ. ფორთოხლიდან ცედრა გახეხეთ. ასევე კარაქი დაუმატეთ. კვლავ დააბლენდერეთ. ცომი ბლინის ცომივით თხელი გამოვა.
- ცომი ცეცხლზე დადგით და მუდმივად აურიეთ. დაახლოებით 5 წუთი დასჭირდება. მანანის ბურღული უნდა გასივდეს და სითხე შეიწოვოს. მასა სქელი და ერთგვაროვანი უნდა გახდეს.
- ცომს გრანოლა (ტკბილი შვრია თაფლით და ჩირით) დაუმატეთ. თუ გრანოლა არ გაქვთ, ჩვეულებრივი შვრია და ქიშმიში დაუმატეთ და აურიეთ. მასა საცხობ ფორმაში გადაიტანეთ. წინასწარ საცხობ ფორმას პერგამენტის ქაღალდი ჩააფინეთ. პეროგი 180 გრადუსამდე გახურებულ ღუმელში 1 საათით აცხვეთ.
- პეროგი მხოლოდ გაგრილების შემდეგ დაჭერით. გემრიელად მიირთვით!
გოგრის მობრაწულა ყველას უყვარს. ბავშვები სიამოვნებით მიირთმევენ. სურვილისამებრ, ცოტა კაკალი დაუმატეთ. მსგავსი მობრაწულა შეგიძლიათ ყაბაყით მოამზადოთ. ძალიან გემრიელი გამოვა!
