როგორ შევამოწმოთ სახლის კვერცხი ახალია თუ არა? ან ის, რომელსაც ბაზარში ან მაღაზიებში ყიდიან? გამყიდველები ამ კითხვას გულწრფელად იშვიათად პასუხობენ. Vivien გიზიარებთ სასარგებლო რჩევებს, რომელთა დახმარებით თითოეული კვერცხის ბედს წამებში გადაწყვეტთ. მოკლედ, რომელი უნდა გაუშვათ ნაგვის ურნაში და რომლით მოამზადოთ არომატული ტაფამწვარი?
სახლის კვერცხი – პირველ რიგში, შეფუთვას დააკვირდით, თუ მაღაზიაში ყიდულობთ. მასზე დამზადების თარიღი უნდა იყოს მითითებული. ასევე ვადა, როდის სჯობს კვერცხის გამოყენება. არ დაგეზაროთ და ყუთში ჩაიხედეთ, თუ შესაძლებელია. ასე ყველა კვერცხის მთლიანობასა და და სისუფთავეში დარწმუნდებით. სასურველია, რომ კვერცხს ორგანული სასუქის კვალი არ ჰქონდეს.
მცირე „მიწისძვრა“ – კვერცხის სმენით შემოწმება ისწავლეთ. კვერცხი ყურთან მიიტანეთ და მსუბუქად შეარყიეთ. თუ ზედმეტი და საეჭვო ხმები არაა, მაშინ რომელიმე კერძისთვის შესაფერისია. თუ შიგნიდან გაუგებარი ბუყბუყი ან ტკაპუნი გესმით, მაშინ არ გარისკოთ ან კვერცხი გატეხეთ და დამატებით შეამოწმეთ.
ნამდვილი აღმოჩენა – თუ მთელი კვერცხის შემოწმებას ვერ ახერხებთ, გატეხეთ. პროდუქტის არომატი და გარეგნობა დაგეხმარებათ გაიგოთ, კვერცხი ახალია თუ ძველი. კარგ კვერცხს სპეციფიკური ან მყარი სუნი არ აქვს. ყველამ იცის, რა საშინელი სუნი აქვს გაფუჭებულ კვერცხს. კვერცხის ცილის და გულის მდგომარეობას ყურადღება აუცილებლად მიაქციეთ. კვერცხის შემადგენლობა ბრტყელ თეფშზე ფრთხილად გადაიტანეთ და დააკვირდით. ახალ კვერცხს სუფთა და ელასტიური ცილა აქვს, ხოლო გული ნათელი, მკვრივი და ამობურცული. გაფუჭებულ კვერცხს ოდნავ ნაცრისფერი, მღვრიე ცილა და ბრტყელი, გადღაბნილი გული აქვს.
სახლის კვერცხის შემოწმება: ხრიკები წყლით – ალბათ, ბევრმა სმენია წყალში ჩაძირვით კვერცხის შემოწმების შესახებ. ახლა ცოდნას შეგახსენებთ. სასურველია, რომ მინის ჭიქაში ან თასში წყალი ჩაასხათ ისე, რომ სითხის დონე ჩანდეს და დაინახოთ, როგორ მოიქცევა კვერცხი. აბსოლუტურად ახალი კვერცხი წყლიანი ჭიქის ძირში ბოლომდე ჩაიძირება და ჰორიზონტალურად გაჩერდება. გილოცავთ, მომავალი ცომეულისა და სხვადასხვა გემრიელობისთვის კარგი ვარიანტია. საშუალოდ ახალი კვერცხი ცურვას ეცდება, ბლაგვ გვერდს ზემოთ ამოწევს. ბოლომდე გაფუჭებული არაა, მაგრამ ხარისხიანი თერმული დამუშავება მნიშვნელოვანია. კვერცხი, რომელიც წყლის ზედაპირზე ლივლივებს, ძველია. რაღაც რიგზე არ აქვს, ამიტომ კერძებში მის გამოყენებას არ გირჩევთ. მეტად რომ დარწმუნდეთ, კვერცხი გატეხეთ, მისი სუნი და შინაგანი მდგომარეობა შეამოწმეთ. არ გარისკოთ და გაფუჭებული კვერცხი ნაგვის ურნაში გააგზავნოთ.
კვერცხის ვადის დასრულება აკონტროლეთ. ასეთი პროდუქტი დროულად გამოიყენეთ, რომ სამწუხარო უსიამოვნებები თავიდან აიცილოთ. გარდა ამისა, გამოყენებამდე კვერცხი გარეცხეთ, რადგან ნაჭუჭზე სერიოზული პათოგენური ბაქტერიები შეიძლება იყოს. კარგად გარეცხვა და ხარისხიანი თერმული დამუშავება ამ სიტუაციაში დაგეხმარებათ. ყურადღებით და ფრთხილად იყავით.
