Covid-19 მსოფლიო პანდემიის პერიოდში სანუკვარი ოცნება ავიხდინე და ძაღლი შევიძინე. ეს ჩემს ცხოვრებაში ერთ–ერთი საუკეთესო გადაწყვეტილება იყო. აგატი მახარებს და მართობს, თუნდაც მოწყენილი ვიყო. შემიყვარდა დილით ადრე გაღვიძება, რომ დავხედო მძინარე ძაღლს, რომელიც ფუმფულა კუდს ზარმაცად აქნევს. ფუმფულა მეგობრის შეძენამდე ვიცოდი, რამდენს სეირნობენ ძაღლები, მაგრამ ვინაიდან სასოწარკვეთილი შინაყუდა ვარ, მხოლოდ ახლა მივხვდი, რა კარგია სუფთა ჰაერზე ყოფნა. აგატს სეირნობა ძალიან უყვარს, განსაკუთრებით კარგ ამინდში. ცოტა ჯიუტია: თუ წვიმს ან, ღმერთმა არ ქნას, თოვს, პარმაღზეც არ გამოვა. მოღუშული დგას, მიყურებს და თითქოს მეუბნება, შენ გინდა სეირნობა და წადი, ისეირნე. კომფორტული ძაღლია. არის დეტალი, რომლის შესახებ სასურველია ძაღლის ყოლამდე გაიგოთ. ცხოველთან ერთად ბევრ უცნობ ადამიანს იძენთ. ისინი თქვენს ან თქვენი ძაღლის გაცნობას ეცდებიან. დღეს ასეთ ენთუზიასტებზე გიამბობთ. რა თქმა უნდა, ბევრი სასაცილო მომენტიც იყო, ამიტომ ყველაფერი სერიოზულად არ აღიქვათ.
რამდენს სეირნობენ ძაღლები
- HR მენეჯერი – ასეთი ადამიანი შეხვედრაზე ისე იქცევა, თითქოს გასაუბრებაზე ხართ. მთავარია, პასუხების გაცემა მოასწროთ. „რა ჰქვია? ბიჭია თუ გოგო? რამდენი წლისაა? რომელი ჯიშია? დადიხართ გამოფენებზე? რატომ? სად აიყვანეთ? ხშირად ჭრით თმას? რას ჭამს?“ საოცარია, რომ მთელი ეს ინტერვიუ ყველაზე უხერხულ მომენტში ხდება, მაგალითად, როცა ძაღლის დასვრილ ადგილს წმენდთ ან თასმის გახსნას ცდილობთ.
- ბებია – სქესის მიუხედავად დიალოგი მხოლოდ ძაღლზეა აგებული. აქ შედის ყველაფერი: „ვინ არის ასეთი კარგი? ოჰ, როგორი ყურები აქვს, როგორი თათები, რა გქვია საყვარელო“. ზოგჯერ ირიბად ძაღლის მეპატრონესაც გადახედავს, როცა ძაღლი რაიმე მიზეზით მის ჯიშსა და სახელზე კითხვებს არ პასუხობს. ალბათ, რცხვენია.
- პანიკიორი – ზოგს შეშინებული სახე აქვს და ავრცელებს მითს „მეზობელ ეზოში მეპატრონეზე, რომელიც თავის ფრანგულ ბულდოგს იორკშირზე სპეციალურად აქეზებს“ ან ბებია, რომელიც ძაღლს ორცხობილას სთავაზობს „მას ხომ აშკარად მოწამვლა სურს“. დილით ასეთ ხალხთან ურთიერთობა განსაკუთრებით რთულია, როცა სეირნობთ, თვალები გახელილი გაქვთ, მაგრამ სინამდვილეში გძინავთ.
- ექსპერტი – ყველაზე კარგად ესმის, რა სტანდარტები აქვს ამა თუ იმ ჯიშს. მეპატრონის შემხედვარე ხვდება, რამდენს სეირნობს ძაღლი, რას ჭამს და შეუძლია თუ არა ბრძანებების შესრულება. პრინციპში თქვენსა და თქვენს ძაღლზე ყველაფერი იცის. გადარწმუნებას არ ექვემდებარება. მან უკეთ იცის.
- ძაღლის მეპატრონე ძაღლის გარეშე – ძალიან ლამაზად იღიმის. იცის, რომ სანამ ძაღლს მოეფერება, პატრონს ნებართვა უნდა სთხოვოს და იკითხოს, ხომ არ იკბინება ფუმფულა მეგობარი. თუ ყველაფერი რიგზეა, ძაღლთან ნელა მიდის, მის საზღვრებს პატივს სცემს. ჩვეულებრივ, სანამ ეფერება, თავის საყვარელ ძაღლზე ყვება, რომელიც ახლა სახლშია ან მიზეზზე, რატომ ვერ ბედავს ყიდვას ჯერ.
- მანიაკი ფოტოგრაფი – ძაღლის მეპატრონედ ძაღლის გარეშე ინიღბება. როგორც მინიმუმ, კომუნიკაციის პირველ ნაწილში. თუ წინა პუნქტის შემთხვევაში ძაღლის მოფერება სურთ, აქ ტელეფონს იჭერენ და 4-5 ფოტოს იღებენ და თან კითხულობენ: „ხომ შეიძლება თქვენს ძაღლს ფოტო გადავუღოთ?“
- ბავშვები – ხშირად მორბიან და რამდენიმე კატეგორიას აერთიანებენ. თუ „ბებიას“ სქესის მიუხედავად ნებისმიერს ვუწოდებდი, როცა ბავშვებზე ვსაუბრობ, ზოგიერთ ზრდასრულსაც ვგულისხმობ. ეს უნიკუმი საერთოდ ვერ ხვდება, რომ ძაღლი სათამაშო არაა და მისკენ ჩახუტებით და ყვირილით გაქცევა, განსაკუთრებით მაშინ, თუ პირველად ხედავთ, არ ღირს. ბანალურად, საკუთარი უსაფრთხოებისთვის.
ახლა ზაფხულია, ბევრი შეგიძლიათ ისეირნოთ. საბედნიეროდ, ამინდი ამის საშუალებას იძლევა. თქვენთვის და თქვენი საყვარელი ძაღლისთვის წყლის წაღება არ დაგავიწყდეთ. ახლა კარგად ვიცი, რა ისტორიები შეიძლება გადამხდეს თავს ძაღლთან ერთად სეირნობის დროს.
