შინაურული არყის წვენი სამლიტრიან ქილაში ჩვეულებრივი ნამზადია, რომლითაც ვერავის გააკვირვებთ. ნაადრევ გაზაფხულზე არყის წვენის შეგროვება და მოხუფვა ერთ–ერთ ყველაზე მნიშვნელოვან და საპასუხისმგებლო საქმედ ითვლება. ამ გემრიელი და სასარგებლო სასმელის მარაგი მინიმუმ მომავალ გაზაფხულამდე უნდა გეყოთ. Vivien გიამბობთ, რატომ არ არის არყის წვენი ტექნიკური კუთხით წვენი, შეიძლება თუ არა პროდუქტის უშაქროდ მოხუფვა და რით ჩაანაცვლოთ შაქარი, რომ სასმელი უგემური არ აღმოჩნდეს?
შინაურული არყის წვენი – ტექნიკურად არყის წვენს რთულია წვენი უწოდოთ. წვენი სითხეა, რომელიც ხილის ან ბოსტნეულის მექანიკური დამუშავებით მიიღება. რაც შეეხება, ე.წ. არყის წვენს, ის მიიღება გაზაფხულზე, დათბობის დროს, როცა ჰაერის საშუალო ტემპერატურა 5-6°C–ს აღწევს.არყის ხე სასიცოცხლო პროცესების აღდგენას და გააქტიურებას ცდილობს. ამისთვის ხე საკვები ნივთიერებების მარაგს იყენებს და გრუნტის წყალთან ერთად ზემოთ ააქვს. ადამიანი ხეს აზიანებს, როცა დაუცველ მცენარეს მარაგს პარავს.სწორედ ამიტომ, არყის სითხე, რომელსაც არყის წვენს უწოდებენ, ძალიან ფრთხილად უნდა მოიპოვოთ. ეს უნაზესი მეთოდით და მხოლოდ ზრდასრულ ხეზე უნდა გააკეთოთ, რომლის დიამეტრი 30 სმ–ზე მეტია. ტოტის დაზიანების არეალი მინიმალური უნდა იყოს, თან შემდეგ დაზიანება ბაღის მურაცხით უნდა ამოავსოთ.
როგორ მოვხუფოთ არყის წვენი, თუ შაქარი არ გვაქვს? ბევრი ადამიანი თეთრი ფხვნილის გამოყენებაზე გონივრულად უარს ამბობს, რადგან თვლის, რომ მისი დამატება ნებისმიერი პროდუქტის, მათ შორის არყის წვენის სარგებელს ამცირებს.
ინგრედიენტები:
- 3 ლ არყის წვენი
- ნახევარი ლიმონი
მომზადების წესი:
- ლიმონს ქერქი მოაშორეთ. თუ სასმელს ლიმონს ქერქიანად დაუმატებთ, მწარე გემო ექნება.
- ნახევარი გასუფთავებული ლიმონი სტერილურ ქილაში ჩადეთ და დუღილამდე მიყვანილი წვენი დაასხით. გაითვალისწინეთ, რომ არყის წვენის ადუღება არ ღირს. უბრალოდ წვენით სავსე ქვაბი ცეცხლზე გააჩერეთ, სანამ პატარა ბუშტები არ გაჩნდება – ეს დუღილის დაწყების ნიშანია.
- ქილებში წვენი ჩაასხით და მოხუფეთ. მზადაა. გემრიელად მიირთვით!
რა თქმა უნდა, უშაქროდ არყის წვენის მოხუფვის ბევრი რეცეპტი არსებობს. მაგალითად, ზოგი ლიმონს და კანფეტს ამატებს. ზოგი ექსპერიმენტებს ატარებს და წვენს ფორთოხალთან, კანფეტთან და ქიშმიშთან ერთად ხუფავს. სხვები სამლიტრიან წვენს 10 ცალ ასკილს უმატებს, რაც არა მხოლოდ განუმეორებელ გემოს, არამედ კაშკაშა ფერს ანიჭებს. ზოგი საერთოდ არყის წვენით ბურახს აკეთებს.
