ერთი პერიოდი მეგონა, რომ ტარაკნები წარსულს ჩაბარდა. ამბობდნენ, რომ ისინი ქალაქში ფიჭურმა კავშირმა გაანადგურა. აღმოჩნდა, რომ ასე არაა. დაუპატიჟებელი სტუმრები დაბრუნდნენ. Vivien გიამბობთ, როგორ მოიშოროთ ტარაკნები მოკლე დროში და მცირე ძალისხმევით.
ტარაკნები მულტისახარშსა და სხვა საყოფაცხოვრებო ტექნიკაში – ზოგჯერ, ისე ხდება, რომ ვიღაცას მულტისახარშის ან მიკროტალღური ღუმელის გამოყენების უფლება აძლევთ, მოგვიანებით რთავთ და მასში ულვაშიან არსებებს ხედავთ. ინფექციის მატარებლები ტექნიკაში, სადაც საკვები მზადდება, რა თქმა უნდა, კარგი არაა.
მათი დაჭერა რთულია, რადგან ტექნიკაში იმალებიან. ტექნიკის სანაგვეზე გადაგდება გვენანება. დაშლაც ვარიანტი არაა: შეიძლება ვეღარ ააწყოთ. როგორ მოვიქცეთ?
- ვარიანტი №1. მოწყობილობა დიდ სანაგვე პარკში ჩადეთ, კარგად შეკარით და ერთი კვირით აივანზე გაიტანეთ. ტარაკნები მინუს ტემპერატურაზე დაიღუპებიან. ყინვა ნამდვილად არ მოეწონებათ. ასპროცენტიანი გარანტიისთვის ტექნიკა 10 გრადუსზე 2-5 საათით გაყინეთ.
- ვარიანტი №2. მოწყობილობა სქელ პარკში ჩადეთ. პარკში დიქლოფოსი ან სხვა სპეციალური აეროზოლი შეასხურეთ. პარკი მჭიდროდ შეკარით და რამდენიმე კვირით ავტოფარეხში გაიტანეთ. თუ ტარაკნებს აეროზოლი ვერ მოკლავს, წყლის და საკვების გარეშე დაიღუპებიან. მართალია, მინუსი აქვს: მულტისახარშში კერძები ისევ უნდა მოამზადოთ, ამიტომ ამის შემდეგ მისი ძალიან კარგად გარეცხვა მოგიწევთ.
ტარაკნები თქვენს ტექნიკაში ისევ რომ არ დასახლდნენ, რიგი წესები დაიცავით. მოწყობილობაში საკვების ნარჩენები არ დატოვოთ. შიგნიდან რეგულარულად გარეცხეთ. გარედან ნიშადურის სპირტით ან ძმრით გაწმინდეთ. მილების და ელექტრომოწყობილობების მახლობლად ყველა ნახვრეტი დალუქეთ, განსაკუთრებით მაშინ, თუ მრავალსართულიან შენობაში ცხოვრობთ.
ტარაკნები სამზარეულოში
- ბორის მჟავა. ბორის მჟავით გაწმინდეთ პლინტუსი, ვენტილაცია, ნიჟარა, უნიტაზი და ა.შ. სპეციალური “ტკბილეული” მოამზადეთ. 1:10 თანაფარდობით ბორის მჟავა და შემავსებელი აურიეთ. დანამატად შეგიძლიათ გამოიყენოთ კარტოფილი, ორცხობილა, ფაფა, კვერცხის გული. ასეთი ვახშამი მწერებისთვის უკანასკნელი გახდება.
- ნიშადურის სპირტი. ტარაკნები ნიშადურის სპირტის სუნს ვერ იტანენ, ამიტომ პროფილაქტიკისთვის სპირტი წყალს დაუმატეთ და იატაკები მოწმინდეთ. მინუსი: თუ ამ პროცედურის გაკეთებას შეწყვეტთ, ტარაკნები დაბრუნდებიან.
კიდევ ერთხელ პროფილაქტიკის მეთოდის შესახებ. ვენტილაციის მილზე წვრილი ბადე გააკარით. ელექტროსადენების მახლობლად ყველა ხვრელი ამოავსეთ, კარების გარშემო შემამჭიდროებელი გამოიყენეთ. იზრუნეთ, რომ სამზარეულოში საკვების ნარჩენები არ იყოს და ონკანიდან წყალი არ წვეთავდეს.
