თითოეული ადამიანის ცხოვრება დანაკარგებით და მონაპოვრებით სავსეა. ზოგი ქუჩაში ფულს პოულობს, ზოგიც თავის მოწოდებას. დანაკარგსაც იგივე ეხება: შეიძლება დაკარგოთ კალამი, დოკუმენტი ან ურთიერთობა. სანდროს შემთხვევაში ოფისში ნაპოვნმა თავსაფარმა ოჯახური ცხოვრება საფრთხის წინაშე დააყენა. ცოლი წასვლით ემუქრება, არადა ქმარი ყოველთვის მისი ერთგული იყო.
დანაკარგი და მონაპოვარი
ახალი თანამშრომელი – როცა ანასტასია ოფისში შემოვიდა, სანდრო მიხვდა, რომ მასზე ლამაზი არავინ უნახავს. მაღალი, გამხდარი, ქერათმიანი ქალი იყო წარმოუდგენელი თვალებით და დახვეწილი გემოვნებით. სხვა ყველაფერთან ერთად ჭკვიანი და აღზრდილი იყო, რაც კიდევ უფრო მიმზიდველს ხდიდა. ასეთი ქალები გულთამპყრობელები არიან და სანდრო გამონაკლისი არ იყო.თავად მასთან გამოლაპარაკებაზე არც ფიქრობდა. რა თქმა უნდა, თუ საქმე სამუშაოს არ ეხებოდა. ზოგჯერ ყავის აპარატთან ერთად ხვდებოდნენ და საინტერესო ისტორიებს ყვებოდნენ. ასეთი მომენტებით სანდრო რწმუნდებოდა, რომ ამ ქალის გვერდით შესაფერისი მამაკაცი უნდა იყოს.სანდროს უნიციატივობის კიდევ ერთი მიზეზი მისი ცოლი, ოლღა იყო, რომელიც სახლში ელოდა. არ სურდა ოჯახური იდილიის დარღვევა ადამიანთან, რომლის სიყვარულმა და ერთგულებამ არა ერთ დროის გამოცდას გაუძლო.
ოფისში ნაპოვნი – ერთხელ სანდროს სამსახურში დიდხანს გაჩერება მოუწია. ამაში უჩვეულო არაფერი იყო. დოკუმენტები ზოგჯერ დამატებით დროს მოითხოვდა და მეუღლე ამას მშვიდად ხვდებოდა. თუმცა იმ საღამოს სანდრომ რაღაც იპოვა.ეს ანასტასიას თავსაფარი იყო. როგორც ჩანს, სამზარეულოში მაგიდაზე დარჩა. მსუბუქი ნახევრად გამჭვირვალე მასალამ სანდრო მიიზიდა და თავსაფარი აიღო. კარგად ნაცნობი სუნამოს სასიამოვნო არომატი ჰქონდა. გადაწყვიტა, რომ თავსაფარს თან წაიღებდა, ამით არავინ დაზარალდებოდა. თავად ისიამოვნებდა.თავსაფარი პორტფელში დამალა. რატომღაც შეეშინდა, რომ ნაპოვნს შემთხვევით მის მაგიდაზე იპოვიდნენ. ზედმეტი სკანდალები არ სჭირდებოდა. სწორედ ამიტომ, განძი ოფისიდან სანდროსთან ერთად სახლში წავიდა.
ცოლმა მისი მონაპოვარი იმ საღამოსვე აღმოაჩინა. პირადი ჩანაწერისთვის რამდენიმე ფურცელი სჭირდებოდა. სანდროს პორტფელში ბლოკნოტი ყოველთვის ჰქონდა, ამიტომ დროდადრო ფურცელს ხევდა. სუნმა შეაშფოთა. ეს ნამდვილად მისი სუნია. ხელში ჩაყო და ლამაზი თავშალი იპოვა. ნუთუ ქმარს საყვარელი გაუჩნდა? ოლღამ დაუყონებლივ ახსნა მოითხოვა. შეშინებულმა სანდრომ რაღაცის ბურტყუნი დაიწყო, რომ თავშალი სამსახურში იპოვა და ოლღასთვის მისი ჩუქება გადაწყვიტა, მაგრამ მანამდე უნდა გაერეცხა, ამიტომ ჯერ არ აჩვენა.
– მეღადავები?! – დაიყვირა ოლღამ.ოლღამ თავშალი სანდროს ესროლა და საძინებელში გავარდა. სულელად თავის მოჩვენებას არ აპირებდა. თუ სანდროს ვინმე ყავს, დაე, წავიდეს. არ შეაჩერებს! ამ ფიქრებით კარადის კარი გააღო და ქმრის ნივთები იატაკზე ისროლა. მათგან ერთ–ერთი უნდა წასულიყო.სანდრო ცოლის ემოციურმა რეაქციამ შეაშინა. ამავდროულად, იგრძნო, რომ უსამართლოდ ექცეოდა. ცოლს ხომ არასდროს უღალატებდა. სანდრომ ოლღასთვის სიმართლის ახსნა სცადა, მაგრამ ცოლი შემთხვევით ნაპოვნზე ისტორიას არ იჯერებდა. არა, არ გააგდებს, მაგრამ ამ ღამით დივანზე დაიძინებს და მორჩა.
კონფლიქტის დასასრული: მეორე დღეს სანდრომ იმაზე უკეთესი ვერაფერი მოიფიქრა, რომ ანასტასიასთან თავისი საქციელი ეღიარებინა და დახმარება ეთხოვა. გოგონა ამას მშვიდად შეხვდა. თანამშრომლის თხოვნით ოლღას დაურეკა და მომხდარზე თავისი გადმოსახედიდან უამბო. თავშალი ნამდვილად მისია, ხოლო სანდრომ რატომღაც მოიპარა.ოლღამ კიდევ რამდენიმე კითხვა დაუსვა და მგონი დამშვიდდა. ქმარს უთხრა, რომ საღამოს ვახშამზე ელოდა. ქორწილი გადარჩა.
- – ვერ წარმოიდგენ, რამდენად მადლიერი ვარ! – აღიარა სანდრომ.
- – მიხარია, რომ თქვენი ოჯახური ცხოვრება გადარჩა. ამ დღიდან არ მომიახლოვდეთ, წინააღმდეგ შემთხვევაში თქვენს მეუღლეს დავურეკავ – უპასუხა ანასტასიამ.
ცხოვრებისეული სიბრძნე: რას გვასწავლის ეს ისტორია – სხვისი ნივთის უკითხავად აღება არ შეიძლება. სანდროს მარტივი წესი დაავიწყდა და რაღაც მშვენიერთან შეხების სურვილს დანებდა. მისმა ქცევამ მხოლოდ კამათი, ეჭვები და სირცხვილი გამოიწვია.ყოველთვის გახსოვდეთ, რომ ადამიანი ხართ და საზოგადოებაში იმყოფებით. ეს სათანადო ქცევას და ურთიერთპატივისცემას გულისხმობს. ასე ყველა თავს კომფორტულად იგრძნობს.
