ყურძნის ნაყოფი მკვებავი ნივთიერებებით მდიდარია. ყოველდღიურ რაციონში მისი ჩართვა სწორი გადაწყვეტილებაა. Vivien გიამბობთ, რა სარგებელი აქვს ყურძენს ადამიანის ორგანიზმზე.
- იმუნურ სისტემას ებრძვის. ყურძენი C ვიტამინის საუკეთესო წყაროა. იმუნურ სისტემას ბაქტერიულ და ვირუსულ ინფექციებთან ბრძოლაში ეხმარება. დღევანდელ პირობებში განსაკუთრებით მნიშვნელოვანია.
- სიმსივნეს აფერხებს. ანტიოქსიდანტების შემცველობით ყურძენი ებრძვის თავისუფალ რადიკალებს – მოლეკულებს, რომლებიც ჩვენს უჯრედებს აზიანებს და ავთვისებიან წარმონაქმნს იწვევს. ყურძენში შედის ანტიოქსიდანტი რესვერატროლი, რომელიც სიმსივნურ უჯრედებს ბლოკავს.
- არტერიულ წნევას ამცირებს. ნატრიუმის დაბალი შემცველობის გამო ყურძენი კარგად ჯდება დიეტაში და არტერიული წნევის შემცირებას ხელს უწყობს. ყურძენში შემავალი კალიუმიც წნევას არეგულირებს.
- გულის დაავადებებისგან იცავს. რესვერატროლი არა მხოლოდ სიმსივნეს აფერხებს, არამედ ორგანიზმს გულ–სისხლძარღვთა დაავადებებისგან იცავს.
- ქოლესტერინის დონეს ამცირებს. ყურძენში ბევრი უჯრედისია, რის გამოც ქოლესტერინის მაღალი დონის შესამცირებლად შესანიშნავი საშუალებაა. ყურძენი „დამლაგებელია“, რომელსაც ქოლესტერინი ორგანიზმიდან ღვიძლში გადააქვს, სადაც მისი დამუშავება ხდება.
- დიაბეტისგან იცავს. ყურძენს დაბალი გლიკემიური ინდექსი აქვს, მისი მიღების შემდეგ სისხლში შაქრის დონის რყევები არ ხდება.
- ტვინის ჯანმრთელობას მხარს უჭერს. რესვერატროლი ჟანგვით სტრესს ამცირებს, რაც დადებით გავლენას ახდენს ტვინზე, პარკინსონის და ალცჰაიმერის დაავადებებისგან იცავს.
- ძვლებს აძლიერებს. ეს ხდება K ვიტამინის და ისეთი მინერალების ხარჯზე, როგორიცაა კალციუმი, მაგნიუმი და კალიუმი.
- სიბერეს ანელებს. თუ დროის შენელება გსურთ, ყურძენი მიირთვით. კვლავ ანტიოქსიდანტი რესვერატროლი დაგეხმარებათ. ის ცხოვრების ხანგრძლივობასთან დაკავშირებულ გენს SirT1–ს უკავშირდება, უჯრედულ სტრუქტურაზე მოქმედებს და თავად უჯრედებს იცავს.
- ძილს აუმჯობესებს. და ბოლოს, ყურძენი მელატონინის შემცველობით ძილს აწესრიგებს. ყურძენში ბევრი კალორია არ შედის, ამიტომ დიეტურ პროდუქტად ითვლება.