ბავშვობაში ბებია ჩემს კვებაზე პასუხისმგებელი იყო და თვლიდა, რომ სწორი კვების კულტურა აღზრდის მნიშვნელოვანი ნაწილია. ჩემს რაციონში წვნიანი აუცილებლად შედიოდა. მისი თქმით, ხორცის ბულიონი ბავშვის ორგანიზმისთვის ძალიან სასარგებლოა. ამ იდეას ჩემი კოსმეტოლოგიც ემხრობა. კანის მდგომარეობის გასაუმჯობესებლად საკვები დანამატების და ვიტამინების კურსი გავიარე, მაგრამ შედეგი უმნიშვნელო იყო. მაშინ კოსმეტოლოგმა ჩემი რაციონი შეცვალა. როგორც ამბობს, ხორცის ბულიონი ქალის ორგანიზმისთვის განსაკუთრებით სასარგებლოა.
საკვები დანამატების ალტერნატივა – ჯანმრთელობის და სილამაზის შენარჩუნებას მხოლოდ დეკორატიული კოსმეტიკით ვერ შეძლებთ. ჯანსაღი ძილი, სწორი კვება, სტრესის თავიდან აცილება და მავნე ჩვევების მოშორება ძალიან მნიშვნელოვანია. ვიტამინების კურსიც უნდა გაიაროთ, რადგან ორგანიზმი საკვები პროდუქტებიდან საკმარის სასარგებლო ნივთიერებას ვერ იღებს.საკვები დანამატების და აბების სახით ვიტამინების და მიკროელემენტების მიღება ყველას არ სურს. დიეტოლოგების მოსაზრებით, სწორად შედგენილი რაციონით აბების მიღება არ დაგჭირდებათ. მაგალითად, კოლაგენის მწარმოებელი პროდუქტები კანის, თმის და ფრჩხილების მდგომარეობას აუმჯობესებს.
პროდუქტები, რომლებიც კოლაგენის წარმოებაზე პასუხისმგებელნი არიან
- ორაგული მდიდარია თუთიით, რომელიც კოლაგენის წარმოებას ხელს უწყობს. თევზი ბევრ ომეგა 3-საც შეიცავს, რომელიც კანს შიგნიდან ატენიანებს. სახის კანის სილამაზის შესანარჩუნებლად რაციონში ორაგული ჩართეთ.
- კვერცხის ცილა შეიცავს ამინომჟავებს, გლიცინს და პროლინს, რომლებიც კოლაგენის სინთეზს ხელს უწყობენ. კვერცხის გული კოლაგენია. დღეში მინიმუმ 2 კვერცხი შეჭამეთ.
- ციტრუსი მდიდარია C ვიტამინით, რომელიც კოლაგენის საწარმოებლად მნიშვნელოვანია. გახსოვდეთ, რომ ნებისმიერი ციტრუსი ალერგიული პროდუქტია და ამიტომ დღეში მაქსიმუმ 2 დიდი ნაყოფი მიირთვით.
- მწვანილი. ნებისმიერი ახალი მწვანილი და წყალმცენარე ქლოროფილს შეიცავს. ის ცილების სინთეზში მონაწილეობს. მწვანილების სალათი, რომელიც ზეითუნის ან სეზამის ზეთით (თავის მხრივ, ზეთი A და K ვიტამინებს შეიცავს) არის მორთული, კანს ბზინვარებას მატებს.
რა სარგებელი აქვს ხორცის ბულიონს – ხორცის ბულიონი კოლაგენის მთავარი წყაროა ჩვენს რაციონში. იქნება ეს ძვალზე თუ ხორცში, ძროხის თუ ქათმის. რაც უფრო გაჯერებულია, მით უფრო სასარგებლოა. ძვლიანი კოლაგენი ორგანიზმში ამინომჟავებად (პროლინი, ლიზინი, არგინინი, გლიცინი და გლუტამინის მჟავა) იყოფა. თავის მხრივ, ამინომჟავები ცილების საშენი მასალებია. ასე კანის, ძვლების და სახსრების უჯრედების ფორმირება ხდება.ადამიანის ორგანიზმს კოლაგენის ბუნებრივი გზით წარმოება სულ უფრო უჭირს, რის გამოც ჩნდება ნაოჭები, კანი ჩამოწელილი ხდება. კოლაგენი მხოლოდ კანის, თმის და ფრჩხილების ჯანმრთელობაზე არ ზრუნავს. კოლაგენის დეფიციტის გამო სახსრებში ჭრაჭუნი ჩნდება, ძვლები სუსტდება. ხორცის ბულიონი, ასევე ჟელეს შემცველი პროდუქტები რაციონში აუცილებლად უნდა ჩართოთ.
როგორც ხედავთ, ხორცის ბულიონი ორგანიზმისთვის წარმოუდგენლად სასარგებლოა. ამასთან გარეგნული მოვლა არ დაგავიწყდეთ. კოლაგენის წარმოების სტიმულირება ნატურალური პროდუქტებით შეიძლება. სუფთა ჰაერზე სეირნობა და ცივი წყლის გადავლება მხოლოდ სასარგებლოა.
