ინსულტი ხდება, როცა არტერიები, რომლებიც ტვინს მკვებავი ნივთიერებებით მდიდარ სისხლს აწვდიან, იბლოკება და შედეგად, სისხლის მიმოქცევა წყდება. მდგომარეობის პირველი ნიშნებია სხეულის ერთი მხარის გაშეშება, დაბნეული მეტყველება ან მოულოდნელი დაბნეულობა. მკვლევარები მტკიცედ დარწმუნებულნი არიან, რომ ამ დაავადების საპროფილაქტიკო ზომები მილიონობით ადამიანში ინსულტის რისკს შეამცირებს.
კვლევის თანახმად, სასმელი, რომელსაც დიდ ბრიტანეთში მილიონობით ადამიანი სვამს, ინსულტის რისკს მნიშვნელოვნად ზრდის.
მკვლევარები გაფრთხილებენ, რომ ალკოჰოლის მიღება ინსულტის რისკს მიღებიდან 1 საათის განმავლობაში აორმაგებს. დასკვნები ჰარვარდის საზოგადოებრივი ჯანდაცვის სკოლის და ბოსტონში ბეტ ისრაელ დიაკონისის სამედიცინო ცენტრის მიერ ჩატარებულ კვლევას ეფუძნება. მკვლევარებმა შეისწავლეს 400 ქალის და კაცის ნიმუში, რომელთაც იშემიური ინსულტი გადაიტანეს, და ალკოჰოლის მოხმარება სიმპტომების გამოვლენამდე 1 საათით ადრე. შედეგებმა აჩვენა, რომ ალკოჰოლის მიღებიდან 1 საათში ინსულტის რისკი ორჯერ უფრო მეტია, ვიდრე ალკოჰოლის გარეშე.
რისკი, რომელიც 24 საათის განმავლობაში ზუსტად 30%–ით შემცირდა, სხვადასხვა სახის ალკოჰოლური სასმელისთვის ერთნაირი იყო. „მაშინაც კი, როცა გამოვრიცხეთ ხალხი, რომელთაც ამ საათში სხვა ფაქტორი ჰქონდათ, არანაირი ცვლილება არ მომხდარა.“
„მთლიანობაში, ინსულტის გრძელვადიანი რისკი შეიძლება დაბალი იყოს მათში, ვინც ალკოჰოლს მცირე რაოდენობით ან ზომიერად მიირთმევს. ამ შემთხვევაში, გრძელვადიანმა შემცირებამ შეიძლება უშუალო რისკი გადაწონოს“, – ამატებს ექიმი ლარი გოლდშტეინი, მედიცინის პროფესორი და დარემში დიუკის საუნივერსიტეტო სამედიცინო ცენტრში ინსულტის ცენტრის დირექტორი.
