ბავშვობაში კულინარიულ პროცესებს ყოველთვის ვაკვირდებოდი. განსაკუთრებით პეროგის მომზადებაზე ყურება მომწონდა. მაშინ ვერ ვხვდებოდი, როგორ გამოდიოდა ფუმფულა ნამცხვრები წელვადი ცომისგან. გარდა ამისა, სხვა საკითხი მაინტერესებდა: რატომ უმატებენ არაყს ცომს? ბებიაც და დედაც 1 სირჩა სპირტს დანარჩენ ინგრედიენტებს უმატებდა. ხუმრობით ასეთ ცომს მთვრალს ვუწოდებდი.წლების შემდეგ, როცა არა პასიური დამკვირვებელი, არამედ სამზარეულოში აქტიური დამხმარე გავხდი, დედამ საიდუმლო გამიმხილა. აღმოჩნდა, რომ ცომი არაყზე გემრიელი და ფუმფულა ცომეულის გარანტიაა. სწორედ ამიტომ, დედის ყველა დაქალს მისი პეროგის შურდა!
6 მიზეზი, რატომ უმატებენ ცომს არაყს
- 1. სპირტის სწრაფი აორთქლების წყალობით დაბალ ტემპერატურაზე ცომი ჰაერით გაჯერებული, ხოლო საკონდიტრო ნაწარმი ფუმფულა ხდება.
- 2. ხრაშუნა ნამცხვრები (მაგალითად, ბურბუშელა ან ჩებურეკი) უფრო ხრაშუნა ხდება.
- 3. ცოტა არაყი, რომი ან კონიაკი ცომის გემოს აუმჯობესებს.
- 4. ცომი, რომელიც არაყს შეიცავს, უფრო სწრაფად და უკეთ ამოდის. „დავარდნილი“ ცომის გამო ნერვიულობა აღარ ღირს.
- 5. საკონდიტრო ნაწარმი დიდხანს არ გახმება და არ გაფუჭდება, თუ ცომს ცოტა სპირტს დაუმატებთ.
- 6. პეროგი და კექსი უკეთ გამოცხვება და უფრო თანაბარი, მადის აღმძვრელი გახდება.
ტკბილი საკონდიტრო ნაწარმისთვის რომი ან კონიაკი გამოიყენეთ, ხოლო სხვა შემთხვევაში – არაყი. მხოლოდ 1 ჩ/კ ძლიერი ალკოჰოლური სასმელი 1 კგ ცომზე დაგჭირდებათ. სცადეთ, რომ სხვაობა იგრძნოთ! თქვენ იყენებთ სპირტს ცომეულში?
