როგორც ყავის დიდ მოყვარულს, სხვადახვა სახეობის ყავის გასინჯვა და იდეალური გემოს ძიება მიყვარს. სტუდენტობის წლებში მხოლოდ ამერიკანოს ვსვამდი ყოველგვარი დანამატის გარეშე. ძალიან მალე ყავა და მისი კულტურა ჩემი ცხოვრების განუყრელი ნაწილი გახდა. ახლა ძალიან მიყვარს სახლში მისი დალევა და ყავის აპარატის სრულად გამოყენება. ალტერნატიული ყავის მომზადებას საყვარელ დაწესებულებებში მხოლოდ ბარისტებს ვანდობ.ამ საკითხში საკუთარი თავის ბარისტობა მსურს, ამიტომ საყვარელი სასმელის მომზადების დეტალებს თანდათან ვეცნობი. აქცენტს პრაქტიკაზე ვაკეთებ, მის გარეშე ხომ შეუძლებელია. როგორ გავერკვეთ ყავის მოხარშვის ალტერნატიულ მეთოდებში? დღეს Vivien გიამბობთ მეთოდებზე, რომელსაც ყავის მოხარშვა არ სჭირდება.
ალტერნატიული ყავა
დრიპ–პაკეტი – დრიპ–ყავა – ნატურალური დაფქული ყავა ინდივიდუალურ შეფუთვაში. მეთოდის უპირატესობა ისაა, რომ ცხელი წყალი ნალექიდან ნელ–ნელა გადის, მეტი გემო და არომატული კომპონენტები გამოაქვს. ხელით ჩასხმისას წყლის ტემპერატურის და ჩასხმის სიჩქარეს ადვილად გააკონტროლებთ. თხელი ქაღალდი, რომლისგანაც პაკეტი დამზადებულია, სასმელის გემოზე გავლენას არ ახდენს. გარდა ამისა, დრიპ–პაკეტი დიდ ადგილს არ იკავებს. შეგიძლიათ მოგზაურობის და მივლინების დროს თან წაიღოთ. ასე საშუალება გაქვთ, რომ მოამზადოთ ისეთი ფინჯანი ყავა, როგორც ყავის კაფეში, და გზაში დალიოთ.
ცივი მოდუღება (კოლდ–ბრიუ) – ყავა ცხელ სასმელთან ასოცირდება, მაგრამ ცივი წყლითაც შეგიძლიათ მოამზადოთ. ეს მარტივი, მაგრამ ხანგრძლივი პროცესია, ამიტომ მოთმინება მოიკრიფეთ. თუ ასეთი ყავის მომზადება გადაწყვიტეთ, საშუალოდ დაფქული მარცვლები გამოიყენეთ. ცივი წყალი დაასხით და 8-24 საათით დააყენეთ. შემდეგ ქაღალდის ფილტრში გაფილტრეთ და მაცივარში შეინახეთ.
კემექსი – კემექსი ქიმიკოსმა პიტერ შლიუმბომმა 1941 წელს გამოიგონა. მოწყობილობა ლაბორატორიული კოლბის და მინის ძაბრის ხის და ტყავის რგოლის გაერთიანებით ააწყო. ზედა ნაწილში სპეციალური ქაღალდის ფილტრი იდება, მასში საშუალოდ ან მსხვილად დაფქულ მარცვლებს ყრიან. შემდეგ 88-94 გრადუსის წყალს ასხამენ. პროცესი რამდენიმე წუთს წაგართმევთ. ყავა ძალიან გაჯერებული გამოდის – მასში მარცვლეულის ყველა თვისება მკაფიოდ გამოხატულია.
ძაბრი (ჰარიო, პუროვერი) – პუროვერი ან ჰაერიო მე-20 საუკუნის დასაწყისში იაპონიაში გამოიგონეს. ყავის მომზადების ალტერნატიულმა მეთოდმა დამსახურებული პოპულარობა მხოლოდ ახლა მოიპოვა. ის სპეციალური ძაბრის გამოყენებას განიხილავს. მასში ფილტრი იდება, თავად ძაბრს ჭურჭელში დებენ. ფილტრში დაფქულ ყავას ყრიან. წყალი ნელ–ნელა უნდა დაასხათ, ამ მეთოდს „ყავის ცერემონიას“ ტყუილად არ უწოდებენ. მიღებულ ყავას გაჯერებული გამოხატული გემო აქვს.
აეროპრესი – აეროპრესი 2005 წელს გამოჩნდა. ყავის მოსამზადებელი მოწყობილობა წნევის ძალით. დაფქულ ყავას ცხელ წყალს ასხამენ და შემდეგ ფილტრის საშუალებით ფინჯანში ტუმბოთი ისხმება. აი, წნევა ხელით დგუშზე დაჭერით უნდა შექმნათ.
ვიმედოვნებ, რომ ამ სტატიით გამამხნევებელი სასმელის მომზადების ახალი შესაძლებლობები აღმოაჩინეთ. ახლა შეგიძლიათ ძალიან გემრიელი, დაბალანსებული ყავა ზედმეტი ძალისხმევის გარეშე მოადუღოთ. რომელ მეთოდს ანიჭებთ უპირატესობას ყველაზე მეტად? გაგვიზიარეთ კომენტარებში!
