თქვენც გასმევდათ ბებია ასკილის ჩაის ბავშვობაში? მე, თითქმის მთელი ზამთარი. ამბობდა, რომ ეს ნაყოფი ძალიან სასარგებლოა და ამ მხარეში ყველაზე ლამაზს გამხდის. ლეგენდის თანახმად, ასკილის ბუჩქები აფროდიტეს ბაღში იზრდებოდა. ველური ვარდის ნაყოფი მას ღვთაებრივ სილამაზეს ანიჭებდა. მართალია თუ არა არ ვიცი, მაგრამ სასწაულმოქმედ კენკრას ზამთრისთვის ყოველთვის ვიმარაგებ. ბებიამ, ასკილის სწორად გახმობა მასწავლა.ნაყოფის სასარგებლო თვისებების შესანარჩუნებლად ყველაფერი სწორად უნდა გააკეთოთ. ამ საქმეში დაუდევრობა თქვენს ძალისხმევას გაანულებს. მნიშვნელოვანია მხოლოდ მწიფე კენკრა შეაგროვოთ, გასახმობად სწორად მომზადება და სწრაფად და ხარისხიანად გახმობა იცოდეთ. Vivien ასკილის გახმობის რამდენიმე მეთოდს გთავაზობთ, თავად აირჩიეთ, რომელი უფრო შეგეფერებათ.

როგორ გავახმოთ ასკილი ზამთრისთვის სწორად

როდის შევაგროვოთ და როგორ მოვამზადოთ გასახმობად:

• ასკილის მოსავლის აღება აგვისტოში იწყება, ამ დროს პირველი ნაყოფი უკვე მომწიფებას იწყებს. ბევრი რამ ამინდსა და რეგიონზე დამოკიდებულია. მოსავლის აღება პირველ ყინვებამდე უნდა დაასრულოთ. გაყინული კენკრა ვიტამინების დიდ ნაწილს სწრაფად კარგავს.
• ასკილი მზიან, მშრალ ამინდში შეაგროვეთ. სველ კენკრას გასახმობად მეტი დრო სჭირდება, რაც პროდუქტის ხარისხზეც გავლენას ახდენს.
• მოსავლის გახმობა დიდხანს არ გადადოთ. ასკილი სწრაფად ფუჭდება. პროცესს მაქსიმუმ რამდენიმე დღეში შეუდექით.
• ზამთრისთვის შესანახად სჯობს კენკრა არ გარეცხოთ. ზედმეტი სითხე ხმობის დროს ზრდის, რაც სასარგებლო ნივთიერებების დაკარგვას იწვევს.
• ნაყოფის მოწყვეტისას ყუნწებს ჯამის ფოთოლი არ მოაშოროთ. ის ვიტამინების შიგნით შენარჩუნებაში გეხმარებათ და არანაკლებ სასარგებლოა.

გახმობა გაზქურაში – მოსახერხებელია, როცა სხვა ვარიანტი არ გაქვთ. მართალია, გაზქურაში გამოშრობა ბევრ დროს მოითხოვს. კენკრა შეიძლება ზედმეტად გაახმოთ. კენკრა ფორმაზე ერთ ფენად დააწყვეთ და 45-50 გრადუსამდე გახურებულ ღუმელში 8-10 საათით აცხვეთ, თანდათან ტემპერატურა 60-70 გრადუსამდე გაზარდეთ. მითითებულ ზღვარს არ გადააჭარბოთ, რადგან კენკრა შეიძლება გააფუჭოთ.

მომზადებამდე 1 საათით ადრე საწყის ტემპერატურამდე შეამცირეთ. ღუმელის კარი ოდნავ ღია დატოვეთ. ასე სითხეს აორთქლების საშუალებას მისცემთ. პერიოდულად კენკრას მოურიეთ, რომ არ დაიწვას.

ასკილის ფერს ყურადღება მიაქციეთ. თუ გამუქება დაიწყო, ტემპერატურა სასწრაფოდ შეამცირეთ. გახმობის დასრულების შემდეგ ღუმელის კარი ფართოდ გააღეთ და ნაყოფს გაგრილება აცადეთ. ამრიგად, ტემპერატურის და ტენიანობის მკვეთრი ცვლილებისგან დაიცავთ.

გახმობა ელექტროღუმელში – ასე კენკრა უფრო სწრაფად ხმება, მაგრამ სასარგებლო თვისებების ნაწილს კარგავს. მუდმივად პროცესის გაკონტროლება მოგიწევთ, რომ ასკილი არ დაწვათ.40 გრადუსი ტემპერატურა დააყენეთ. კენკრა 3-4 საათით გამოაშრეთ, შემდეგ 2-3-ჯერ გახურება 60 გრადუსამდე გაზარდეთ. ღუმელის გამორთვის შემდეგ ღუმელშივე გაგრილება დააცადეთ.

თუ იყენებთ ღუმელის კარადას კონვექციით, მაშინ 40 გრადუსი ტემპერატურა შეინარჩუნეთ. ზრდა ნაყოფზე ნეგატიურ გავლენას მოახდენს, ზედმეტად გამოაშრობს.

გახმობა ელექტროსაშრობში – სპეციალური მოწყობილობა გახმობის პროცესს მნიშვნელოვნად ამარტივებს. ნაყოფი მოწყობილობაში მოათავსეთ და შემდეგ მზა პროდუქტი გამოიღეთ.კენკრა გისოსზე დაყარეთ და შესაფერისი ტემპერატურა შეარჩიეთ. რაც უფრო დაბალი ტემპერატურაა, მით უფრო მეტ ვიტამინს შეინარჩუნებს კენკრა. ხმობის ხანგრძლივობა თითქმის ორჯერ გაიზრდება.

ჰაერზე გაშრობა – ბუნებრივი მეთოდი მოეწონება მათ, ვისაც საკმარისი ადგილი და დრო აქვს. ჰაერზე ხანგრძლივი ხმობა ყველაზე სწორ მეთოდად ითვლება. თუმცა გარკვეული დეტალები აქაც არსებობს.გადარჩეული ნედლეული თანაბარ ფენად ქაღალდზე ან ლანგარზე გადაანაწილეთ და შენობაში შეინახეთ, რომელიც კარგად ნიავდება. დარწმუნდით, რომ ასკილი მზის სხივებისგან საიმედოდ დაცულია.ნაყოფს რეგულარულად აურიეთ, რომ თანაბრად გახმეს. ღამით მოსავალი სახლში შეიტანეთ. 1-2 კვირაში მზად იქნება, რაც ამინდის პირობებზეა დამოკიდებული.

როგორ შევინახოთ ასკილი – როგორც კი, ასკილი საჭირო მდგომარეობას მიაღწევს, შეინახეთ. კენკრა ნაჭრის ტომრებში, ყუთებში ან ქილებში (მარლა დააფარეთ და არა ხუფი) ჩაყარეთ და მშრალ, ბნელ ადგილას შეინახეთ. ხმელი ნაყოფი მაცივარში, აივანზე ან სარდაფში არ შეინახოთ. ასკილი სწრაფად გაფუჭდება.

თუ ყველა რეკომენდაციას დაიცავთ, მაშინ მთელი წელი გემრიელი და სასარგებლო სასმელით ისიამოვნებთ. მეგობრების გამასპინძლება არ დაგავიწყდეთ. მათაც დააინტერესებთ, თუ როგორ გაახმონ ასკილი.