ბურახი ცნობილი სლავური სასმელია, რომელიც თითქმის ათასი წლის წინ გამოჩნდა. დღეს უალკოჰოლო სასმელებს მიეკუთვნება, მაგრამ ძველად გლეხები ღვინოსთან აიგივებდნენ. ხალხი მას ყოველდღე სვამდა და სამკურნალოდ მიიჩნევდა. გასაკვირი არცაა: ბურახი ორგანიზმისთვის საკმაოდ სასარგებლოა.
სასიამოვნო ტკბილ–მჟავე გემოს გარდა სასმელი ძალიან სასარგებლოა. დღეს Vivien გიამბობთ, თუ რატომ არის სასარგებლო ბურახი ორგანიზმისთვის, ასევე გეტყვით, ექიმების აზრით, მაქსიმუმ რა რაოდენობის ბურახი შეგიძლიათ დალიოთ დღეში.
ბურახი უფრო სასარგებლოა, ვიდრე ფიქრობთ
ბურახი თავისი უნიკალური შემადგენლობის წყალობით ადამიანის ჯანმრთელობაზე დადებით გავლენას ახდენს. მიკროელემენტების და ვიტამინების გარდა ამინომჟავებით და რძის მჟავებით მდიდარია, რომლებიც ნივთიერებათა ცვლას არეგულირებენ. საჭმლის მომნელებელ სისტემაზე თავისი გავლენით შეგვიძლია შევადაროთ კეფირს, კუმისს, იოგურტს და აციდოფილურ პროდუქტებს.
სასმელი, როგორც იმუნომასტიმულირებელი და მძიმე შრომის შემდეგ ძალების აღმდგენი საშუალება, შეუცვლელია. გლეხებს ბურახით სავსე გრაფინი მინდორში ტყუილად არ მიჰქონდათ. მას ბოლოკთან, შავ პურთან და მწვანე ხახვთან ერთად მიირთმევდნენ.
სასმელი კბილის მინანქრისთვისაც სასარგებლოა, რადგან კალციუმს შეიცავს. გარდა ამისა, კანის ზედაპირის და სისხლძარღვების მდგომარეობას აუმჯობესებს. მხოლოდ უპირატესობები, ასეა?
რამდენი ბურახი შეგიძლიათ მიირთვათ დღეში
ექიმები აღნიშნავენ, რომ ბურახი შეზღუდული რაოდენობით უნდა დალიოთ. ბურახის რეკომენდებული დოზა – 1 ლ დღეში. წინააღმდეგ შემთხვევაში, სასმელი საჭმლის მომნელებელი სისტემის მუშაობის დარღვევის მიზეზი შეიძლება გახდეს.
ტკბილი სასმელის, მათ შორის ბურახის მიღება, ისე უნდა აღიქვათ, როგორც საკვები. არ დაგავიწყდეთ, რომ საკმაოდ ბევრ კალორიას და მარტივ ნახშირწყლებს შეიცავს. გარდა ამისა, ბურახი წყლის დღიურ ნორმას ვერ ჩაგინაცვლებთ.
ბურახის სარგებელი ორგანიზმზე უდავოა. მთავარია, ზომიერება დაიცვათ. თუ ზაფხულში ამ სამკურნალო სასმელს უპირატესობას ანიჭებთ, გირჩევთ თავად მოამზადოთ. შინაურული ბურახი შავ პურზე, თეთრი ბურახი ან ლიმონის ბურახი – არჩევანი თქვენზეა.
